مرسلة من صديق الموقع ميمو

متناثرون على كراسيهم ،، جلس الجميع وقد علا التعب وجوههم،، بعد المعركة التي خاضوها في ابعاد سوزي عن قاسيون ،، واقناعها ان قاسيون الذي كان يعاني من الخوف الى جانب التعب لم يكن متنكراً ،، وسوزي ترمقه من بعد وهو يجلس خلف كرسي ايمان وكأنه يحتمي بها ،،،وكأنها لا زالت تعتقد أنه متنكر
اخيليس : يخرب بيتكم هلكتونا ،، سوزي انتي عم تتدربي كمال أجسام من ورا ضهرنا
سوزي : لما تجيني معلومات مافيني ما اتحرك ،، لازم اتحرك بسرعة
قاسيون : الله يخرب بيت أبو هالمعلومات ،، جاسوسك مستقصدني كاني قاتله أمه ..
عبد الوهاب : محاولتكم هاي مكشوفة وفاشلة ،، عم تحاولوا تنسوني عزمي على ترككم ، وببشركم اني ما نسيت واني رح اترك .
ايمان : عبود الكحلوش اذا مفتكر اني مهتمة بروحتك بتكون غلطان ،، الله يسعدك ويبعدك
كوكي عادل : نشرت صحيفة ” تحت الزيتونة بلا وعد ” خبراً مفاده أن عبد الوهاب قرر المغادرة والذهاب في رحلة غامضة قد تكون مخالفة للقوانين المعمول بها ، وذكرت الصحيفة ان عبود كانت له اتصالات ببعض المشبوهين الذين نشرت صورهم في موقع اليوتيوب الى جانب عبد الوهاب وقد بدوا كأنهم يدبرون امراً ما ..
عبد الوهاب : أهلين ،، يا حبيبي ،، كملت والله ،، بدك تدبسيني قضية …ورحمة الغوالي بحطلك مخدرات بالشنطة ،، وبروحك مؤبد ،،
اخيليس : تكرم عبود ،، انت بس أشر بتكون المخدرات عندك ،، بس بدي نقانق …
كوكي عادل : يالهوي ،، يا خراشي …..
إلين : عبود انت قاعد تتتسلى فينا ،،،،لو نعرف هيك ما كنا جينا ،،،،،بس احنا طيبين يا حسرة علينا ،،،، ومو بيدينا نودع عيون الحبايب مو بيدينا .
ايمان : اللللللللللللللللللللللللللللللللللله ،، يسلم تمك يا أستاذ خليفة ،،،، قصدي يا إلين .
مرامو بلجيكا :wer goi suart frok khty lok tikjf oki
حدق الجميع بمرامو وقد فتحوا أفواههم ،، ومرامو تنظر إليهم ببراءة
اخيليس : مرامو انتي مضيعة شي ؟
مرامو : مضيعة عبود حدا شافه ؟
مجنون بس حنون : شن القصة ؟ مين مات ؟
مي : الله يرحمه كان كويس ،، اييييييييييه الدايم الله ،، يا جماعة أنا بعرف انه عبود رح يجي على كندا ، لكن هاد بعده ،، رح فخخ الطيارة بلكي بيوقع بالبحر وبتاكله أسماك القرش ،،
عبد الوهاب: انا بدي روح على كندا ؟! أصلاً انا بحط الخريطة وبشوف وين كندا وببعد عنها قد ما فيني ،، لسه بدي ألحقك لهنيك
ساندرا : تحيا مصر ،،
نور : بسم الله ،، انتي منين طلعتي ؟
إلين : عبود يا بتقول السبب يا اما انا بدي روح ،، مني فاضيتلك ،، عندي سهرة زجلية باليوتيوب ،، خلصني
سامية الجزائرية : عبود خليك راجل ،، روح وما تسال على حدا ،، ون تو ثري ،، فيفا لالجيري …ديروا حالة يارجالة ….
اخيليس : سامية عندك نقانق ؟
سامية :عندي ام درمان ،، بيمشي حالها ؟
عبد الوهاب : بلا أم درمان بلا ام أربع وأربعين ،، انا رايح جهز حالي للسفر ،،لانه فعلا البقاء معكم مضيعة للوقت ،،، سلام .
قام عبد الوهاب مسرعاً تاركا كرسيه يسقط على الأرض وخلفه زوبعة من الغبار وصفق الباب بشدة وخيم الصمت على الجميع ،،،،
في الحلقة القادمة سنرى كيف سيتعاون الأعضاء مع بعضهم لثني عبود عن قراره ،، يا ترى هل سيستطيعون ؟؟؟؟؟؟

شارك الخبر:

شارك برأيك

‫305 تعليقات

  1. where are you Top Quality i used to read your comments always but you have been for long time not here ..i hope you are ok..salam to all

  2. Mimo
    this episode is great i really liked when AKHILS asked me than i answered 3indi oum dourman
    hahaha
    i’m waiting for the 3d episode
    u r really talented in senarios ,bravo

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *