كشفت الفنانة المصرية إيمي المصري، أنها تعرضت للتحرش من قبل الفنان الشاب وائل عبدالعزيز شقيق الفنانة ياسمين عبدالعزيز.
إيمي المصري، نشرت صور لأخر المحادثات بينهما عبر صفحتها الشخصية بموقع «فيس بوك»، وعلقت عليها قائلة: «الاستاذ المحترم بيتحرش بي بمنتهى قلة الأدب وضايقني وانا كنت برد عليه بمنتهى الذوق والأخلاق لان تربيتي كده ولا عمري شوفته ولا أعرفه طلب رقمي ومن باب الذوق اديته رقمي عشان الشغل وعشان بيجمعنا عمل او وسط واحد مش عشانت يتحرش بيا ويقل أدبه».
وأضافت: «في الأول بيقولي وحشتني ومعرفش بيقول مده ليه وكأنه عشرة سنين وأنا ولا مرة شفته قبل كده زي ما واضح في المحادثة ومن فترة الاستاذ كلمني بيعزمني أو تقريبا بيتقابل هو واصحابه في بيته قلتله والله أنا مش بروح بيت حد حتى البنات أصحابي وأنا بقابل أي حد زي الناس الطبيعية في الكافية وسط الناس ودلوقتي قل أدبه عليه وشال كل الحدود اللي بينا وبين بعض وأنا لا أسمح لأي مخلوق على وجه الأرض إن يشيل الحدود اللي بحطها لكل الناس وده معروف عني للمقربين ليا واللي يعرفوني كويس».
إيمي المصري لم تكتف بنشر البوست ولكنها نشرت صور للمحادثة التي دارت بينهما رغم تأكيدها من تحذير بعض المقربين منها وذلك خوفًا عليها من رد فعل الفنانة ياسمين عبدالعزيز على الموقف
يذكر أن إيمي المصري شاركت بعدة أفلام من بينها «زهايمر» مع الفنان الكبير عادل إمام، و«الوتر» مع مصطفى شعبان.