كشفت الفنانة المصرية ياسمين علي عن تعرض إحدى غرف منزلها لحريق نتيجة حدوث ماس كهربائي كاد أن يدمر المنزل بالكامل لولا تدخل العناية الإلهية، لافتة إلى أن ما حدث معها وحادثة أخرى تعرضت لها منذ أيام سببهما الحسد أو من يتابعون حياتها من الخارج على حد قولها .

نشرت ياسمين علي صورة عبر حسابها على موقع الصور والفيديوهات “انستجرام” لحائط غرفتها والذي ظهر عليه آثار الحريق، وكتبت في تعليقها عليها: “ما بحبش الطاقة السلبية والله بس أعمل إيه طيب” .

تابعت: “هحكيلكم حاجة صغننة، امبارح الساعه 2 بليل من العادة ببقي قاعدة مع بابا وماما ويحيي بنتفرج عالتليفزيون، قمت عشان أروح أوضتي أنام دخلت الاوضة قعدت دقيقة شامة ريحة بلاستيك محروق ومش فاهمه الريحة جاية من فين” .

أضافت: “فجأة بدون مقدمات وربنا عالم باللي هقوله (لقيت السقف علي وسعه مولع نار كله بمعنى الكلمة وفجأة النار اتشفطت وبقت مختصرة فالشكل اللي انتوا شايفينه ده وقفلنا الكهرباء ورشينا ماية) كل ده في لحظات” .

واصلت ياسمين: “أتاري الجار من فوق في ماية بتنزل من عنده عالسقف عندنا، فعملت ماس فالكهرباء وحصلت النار اللي شوفتها دي .. لو مكنتش دخلت الأوضة ف التوقيت اللي روحت فيه الله اعلم كان حصل إيه .. وقبلها بكام يوم كنا لسه عاملين حادثة بالعربية مع عربية نقل كبيرة” .

واختتمت الفنانة ياسمين علي تعليقها برسالة جاء فيها: “فما تنخدعوش بالضحك اللي بضحكه .. كل واحد له فيلم عايشه .. احمدوا ربنا علي كل لحظة أمان انتوا عايشينها بدون ترويع وعدم ستر وماتبصوش لحياة حد أبدا من برة” .

شارك برأيك

تعليق واحد

  1. هو انتو لسه بتستخدمي المروحه يا ياسمين🤦🏻‍♂️
    اومال فين المكيفات🤷‍♂️
    المراوح دي للناس الفقراء 😁

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *