>

ردت المذيعة حبيبة بسيونى على الفنانة بدرية طلبة، زميلتها السابقة في برنامج “نفسنة”، وذلك أثناء لقائها ببرنامج”معكم” مع الإعلامية منى الشاذلى.

وقالت حبيبة إنها شعرت أثناء تواجدها في برنامج”نفسنة” أن الهجوم والضجة ورسائل السب عبر مواقع التواصل كانت بالفعل تؤثر على باقى المذيعات، مضيفة”أنا كنت دايمًا بشوف أن ده جزء من نجاح البرنامج أنه بيخلى المشاهد يعيش حالة البرنامج ويبقى معاكى وعايش اللحظة بس ده بيرجع لفكرة البرنامج وفى الآخر احنا بنصور حلقة والنتيجة اللى بيشوفها المشاهد مش هي هي اللى بيحصل في التصوير لأن البرنامج متسجل”.

وتابعت”كنت دايمًا بتضايق لما بلاقى رد فعل شديد على كل اللى بيتقال في البرنامج وأنا حتى في أي كومنتس كنت بتابع وأسيب التعليقات الوحشة والحلوة وعلشان كل واحد عنده رأيى ويمكن ناس تحبنى وتكرهنى وحد تانى بيحب هيدى وانتصار وفى أوقات كنت بحس اننا بنلعب ماتش كورة في البرنامج”.

وكانت بدرية طلبة تحدثت عن سبب تركها لنفسنة في حلقة سابقة من معكم، قائلة “قلت لهم مش عارفه أشتغل في الجو ده لأنه متعب وطول الوقت ببرر للى قدامى وأقعد أقول لها والله بحبك والله انتى زى بنتى وأنا مش مطلوب منى أقول لها كده بس من كتر ماهى علطول زعلانه وقافشه ومصدره للناس اننا ضاغطين عليها فلقيت كمان ناس بتشتمنى على الفيس والإنستجرام وأنا متعوده أن الناس بتحبنى فليه حد يكون سبب انى بنى آدم واحد من اللى بيحبونى يكرهنى فانسحبت”.



ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *