>

هاجم العشرات من جمهور النجم المصري عمرو دياب البوستر المقترح لألبومه الجديد “وياه” على موقعه الرسمي لتتداوله عشرات المواقع والمنتديات على شبكة الإنترنت، والذي يظهر فيه دياب بوشم “تاتو” على كتفه العاري يحمل اسم “عبد الله”، وبنطلونه الذي يظهر جزءا من ملابسه الداخلية “الساقط”.

وبينما كان الوشم مؤثرا في الكثيرين؛ بسبب اسم عبد الله البارز على الكتف، والذي اعتبره البعض محاولة من دياب للرد على من يهاجمون الإسلام، إلا أن معظم العارفين بعائلة عمرو ربطوا بين الوشم واسم ابن دياب الوحيد “عبد الله”، علما أن النجم المصري لديه 3 بنات أخريات هن: نور وكنزي وجيني.

لكن غالبية من شاهدوا البوستر على المواقع والمنتديات عابوا على المطرب الكبير الملقب بين جمهوره بالهضبة الظهور ببنطلون “ساقط” يعتبر موضة لدى المراهقين منذ سنوات، حتى أن أحد التعليقات على موقع معجبي دياب وجهت له رسالة مفادها “عيب عليك يا عمرو قوي”.

في المقابل، قال أحمد زغلول مدير أعمال دياب إن الصورة التي انتشرت ليست البوستر الأصلي، وإن كانت أحد بوسترات الدعاية، مشيرا إلى أن الصورة المذكورة لن توضع على غلاف الألبوم لكنها فقط مخصصة للترويج للألبوم، بينما يوجد بوستر آخر رسمي سوف يتم طرحه في وقتٍ لاحق على الموقع الرسمي وتوزيعه على بائعي الكاسيت ووضعه في إعلانات الألبوم بالشوارع والميادين الرئيسة في كل الدول العربية.

وحمل الموقع الرسمي لدياب على الإنترنت “عدادا” تنازليّا يرصد الوقت المتبقي على صدور الألبوم الجديد، بينما قال مدير أعمال دياب إن عمرو سيفتتح الموقع رسميّا بنفسه يوم الأول من يوليو/تموز المقرر إطلاق الألبوم فيه حيث يقوم بالرد بنفسه على كل استفسارات جمهوره وإجراء حوار مفتوح معهم.

غضب واستنكار

وأبدى جمهور النجم المصري غضبه من البوستر المقترح، وبدت التعليقات على المنتديات والفيس بوك وكذا موقع عمرو دياب نفسه، رفضها له، معبرةً عن غضبها من أن يلجأ دياب إلى هذه الوسائل لجذب المراهقين.

وقال أحد المعلقين على البوستر إن الصورة التي يتم الترويج لها كبوستر قديمة وأنه تم تصويرها قبل ألبوم “الليلة دي” بدليل شعر عمرو الطويل فيها الذي لا يمكن أن يكون بهدا الطول حاليا، إضافةً إلى كون الصورة “طولية” ولا تصلح كبوستر من الأساس.

لكن تعليق آخر اعتبر أن الصورة مجرد اختبار، وقال “عاوزين يعرفوا رد الفعل لأنه فعلا ممكن تكون صورة البوستر حاجة جديدة وفيها جرأة أكثر وهذه مجرد استشعار للوضع، وربما توضع داخل الغلاف لكنها ليست البوستر بكل وضوح وعقلانية”.

أما الغاضبون فقال أحدهم “البوستر فكرته جامدة وتمام بس اللي مزعلني تسقيطة البنطلون والتاتوو مش ده عمرو مش هوا اللى يعمل كده يا خسارة”، وقال آخر “فعلا أنا مصدوم من تسقيط البنطلون، يا رب ميكونش ده البوستر”، وقال ثالث “لو ده البوستر كان نزل علي روتانا وأعتقد أن عمر مش هيعمل نفس نظام “ليلي نهاري” تاني”، في إشارة إلى كون الصورة جانبية ويظهر فيها عاري الكتفين.

لكن أشد التعليقات غضبا، قال صاحبها فيها “بجد أنا زعلان والله مش مصدق حرااااااااااااام، عمرو دياب أنا خسرت ناس واتخانقت كتير عشانك وكنت بحبك جدا، حتى إني أرسلت السمبيلز لكل الناس، وطول النهار باسمع عمرو، والله بجد بوستر أقل حاجة يتقال عليها إنه بوستر فاشل، والتاتو بيئة جدا، ومسقط كمان البنطلون.. يا نهار أبيض”.

رسالة ميرهان

ووجهت إحدى الفتيات على موقع معجبي عمرو دياب الرسمي رسالةً لكل الغاضبين قالت فيها “من فضلكوا كفاية كلام في الموضوع ونفوق بقى وكل واحد يأخد باله من كلامه، ويعرف هو في سايت مين وازاي جمهور عمرو يبقي كدا لمجرد صورة للدعاية، وقلنا مليون مرة إنها مش البوستر الرسمي الأساسي وكل واحد قال رأيه، اللي عجبه قال واللي ماعجبوش برضو قال وعرفنا إن في اعتراضات كتير وأكيد الكلام دا هيوصل لعمرو وماحدش قال ماتقولوش رأيكوا قولوا براحتكوا وطول عمركوا بتنقدوا عمرو بسبب ومن غير وكل واحد له رأي في حاجة عمرو عملها بيقولها بس بأدب مش بالمهزلة اللي بتحصل دي”.

وأضافت الفتاة واسمها ميريهان “سيبنا ايه لجماهير المطربين التانيين ازاي الجيش الديابي اللي بيدافع عن عمرو قصاد أي حد يبقى كده لمجرد صورة أمام تاريخ أكتر من 25 سنة مفيهوش غلطة دلوقتي اتنسي كله وماحدش افتكر غير البنطلون والحنة، عمرو دياب مش ملاك وبجد الله يكون في عونه بعد ما كان عليه أعدائه بس بقي عليه أعدائه وجمهوره اللي أتاح للصحافة الصفراء مادة خصبة تكتب فيها لسنة قادمة”.

تغيير عنوان الألبوم

كان دياب قد غير عنوان ألبومه الجديد إلى “واياه”، بعد أن كان قد تردد أنه سيحمل اسم “حلوة الأيام”.

وعلم من مصادر مقربة من دياب أن الألبوم الجديد “وياه” يضم 12 أغنية، وأنه تقرر تصوير الأغنية عنوان الألبوم التي كتبها تامر حسين ولحنها عمرو مصطفى بطريقة الفيديو كليب، وتقول كلماتها “وياه الحياة تحلى وأنا معاه/ هو ده اللي أنا بتمناه / والي عيني شايفاه/ إحساس انو أحلى وأغلى الناس/ خللى قلبي يقولي خلاص/ اهدى بقا لقيناه”.

شارك برأيك

‫25 تعليق

  1. بسم الله …..
    ولسة يا جماعة ياما هنشوف من عمر كل ما يقرب لنهايته ربنا هيضله أكتر علشان مكانه فى النار يكبر ويكبر…..

  2. ana badi oul saba7 el kheir la top quality w 2elou wa7shy ktir plz top ne7na meshte2illak rja3elna iza ken 2elna mekni 3andak bterja3 metel el awal 🙂

  3. la 7awla wa la 9owata ila bi ALLAH
    khali 3alik ism ALLAH
    mo7aram 3ala niswan wad3 sinsila li maktob 3aliha ism ALLAH
    walma7ros wachamha fi kitfo
    ydkhol bi ism ALJALALA ila amakin 9adira mitlo
    ya3ni la ysta7i min hada alfi3l
    ALLAH yhdina jami3an

  4. أختى نور الله…
    زي ما فى حسن الخاتمة فى كمان سوء الخاتمة وفى ناس بيضلوا وربنا بيزيدهم ضلال زي مثلا حسين فهمى لما تعالى على الله وسب الحجاب والمحجبين……
    ربنا يهدي الجميع

  5. بهؤلاء تزداد الأمة فاحشة وفساد ، بهؤلاء ينزل الله غضبه وسخطه ، بهؤلاء هلاك العباد والبلاد

  6. صباح الخير يا Mahmoud وصباح الخيرعليكم كلكم

    ليا رجاء ياجماعة
    بلاش التهكم دة على اى مطرب سواء كان عمرو دياب او غيرة، أو كان حتى اى ممثل لأن ماحدش عارف اخرة المطرب دة إية عند ربنا ولا حد عارف أخرتة هو نفسة إية عند ربنا، والمفروض ندعى ربنا بهدايتة مش بضلالة …

    أما بالنسبة لعمرودياب كفنان فأنا مقطنع بية تماما، بغض النظر عن إعتراضكم علية فى تعليقاتكم، بس شايف إن راجل يوصل لسن الـ 48 ويبقى لسة بالمنظر دة وباللياقة دى، فلازم نقولة برافو أو نتعلم منه حتى الحاجة الحلوة، ومش لازم نسقط بنطلوناتنا زية
    ممكن مانشربش سجاير ونلعب رياضة، كلنا شايفين الشباب دلوقتى بيبقوا فى سن الـ 30 وكلهم عندهم “كرش”
    وربنا يهدى الجميع

  7. “وياة” الحياة هتحلى وأنا معاه، هوة دة اللى أنا بتمناة واللى عينى شايفاة، إحساس إنة أغلى وأحلى الناس، خلى قلبى يقُولى خلاص…إهدى بقى لقينااة

  8. الى الأخ اوالأخت vipمن حقك طبعا ان تكون ( مقطنع) بهذا المغني واسمحلي بتصحيح بسيط (مقطنع) تكتب بهذا الشكل _ مقتنع _ وأنا اعذرك لأن حماسك الشديد لمطربك المفضل ربما دفعك الى شيئين اولهما ان اقتناعك به لايغير من ان مافعله مشين ومقزز واذاشئت ينم عن انعدام الذوق ! وثانيهما ان قناعتك بهذا المغني شيئ يخصك وحدك ولاداعي لان تصور من لم ( يقطنع) وكانه متحامل سواء على فنانك هذا اوباقي الاشخاص الذين يعتاشون من مهنة الغناء اوالتمثيل ! اخيرا من المعيب ان تعتبر شخصا كهذا مثلا اعلى وكلمة ( برافو) تعني ان ليس لديك مشكلة ان يظهر مغنيك هذا بأي مظهر مهما كان مقززا طالما أن حضرتك ( مقطنع ) به؟_مع احترامي لقناعاتك طبعا _

  9. انا مستغرب عمرو دياب سوبر ستار ووصل للعالميه وهو دايماً يجدد ستايل لبسه والصوره مافيها اي شي والبنطلون (الساقط) موضه معروفه بكل مكان وكل الفنانين متابعين للموضه وعمرو دياب ظهر في مثل هذا اللبس بكل مكان في حفلاته وفي مقابلات وفي كليباته ايضاً !!! ايش الغلط بالموضوع ؟؟؟ يجذب المراهقين ؟؟؟ طيب ماطول عمره عمرو دياب بيغني للشباب والكل بيحبه !! وبعدين البنطلون الساقط موضه يلبسها كل الاعمار لحد الثلاتينات اما اذا اخواننا اللي علقو على الموضوع مايحبو الموضه هذه فهذا شي يعود لهم ! يعني الناس مختلفة في الاذواق مش لازم ابداً يكون ستايل الفنان او الشخص يعجب جميع الاذواق خصوصاً في اللبس وهذا شي طبيعي
    ولكن اعطيتم الموضوع اكبر من حجمه وهاجمتوه كأنه ارتكب جريمه !! وعلى فكرة اللي مثل عمرو دياب مايتأثر ابداً بهجوم زي كده لانه طول عمره متجدد ويعمل اللي براسه واللي يشوفه مناسب له ويتوفق بهذا الشي وعشان كدا وصل للعالميه ,, اوكي عمرو دياب كبير في السن بس كبر السن هذا ما اجى بيوم وليله في الصوره دي فقط .لا طبعاً عمرو دياب تقدم في السن وطول عمره بيعمل ستايلات شبابيه ليه ما اجى الهجوم ده من قبل ؟
    بالعكس كل اللي يعمله مناسب له وهو مهتم بمظهره وهو رياضي من الدرجه الاولى .. ولكن مايتهم بالمظهر على حساب اعماله لان عمرو دياب رغم انف الكل هو الوحيد من الفنانين العرب اللي قدر يوفق بين الاثنين الشكل (المظهر) والاداء والعمل الجميل وانسان له تاريخ ومشوار طويل زي ده يستحق التقدير .
    تحياتي

  10. أخى او أختى nursay أولاً أهلا بيكى وفرصة سعيدة جداً
    إسمحلى أن أكلمك بصيغة المذكر لكونى لا اعرف إن كنت صديق أو صديقة
    أما بخصوص تعليقك فبشكرك على تصحيح الكلمة وفعلا الغلط كان نتيجة حماسى الزائد فى الكتابة
    بص ياأستاذى لو كنت قريت تعليقى بتركيز اعتقد إنك مكنتش قولت الكلام اللى حضرتك كتبتة دة، أنا فى بداية تعليقى قولت رجاء ياجماعة بلاش التهكم على مطرب لكونك مش مقطنع بية او لكونك مش من معجبينة يعنى لو عاجبك الخبر أدخل علق مش عاجبك خلاص سيبك ولا تزعل ولا تزعل نفسك، وانا عن نفسى عاجبنى الخبر وعاجبنى المطرب محل الخبر لأنى زى ماقولت وبأكد مقطنع بية وبفنة وانا كنت بتكلم عن نفسى، واعتقد من تعليقى إنى مكنتش بفرض رأيى على حد، وانا من حقى أقول رأيى طالما مافيهوش إهانة او تجريح فى حد، أما بالنسبة لنقطة الذوق فدى حاجة تخصنى انا، وسيادتك مالكش علاقة بيها
    وإختصاراً وعشان ماطولش على سيادتك، ياااااااااااااااما عمرو دياب إتهاجم من نُقاد وياما من إعلاميين وياما من منتجيين وياما من جماهير ودلوقتى حضرتك بتكمل النقد وبتنتقدنى انا كواحد مٌعجب بفنة!!!
    ولكن إية النتيجة بعد كل هذا النقد وكل هذة الحروب
    أصبح المطرب رقم واحد على الساحة الفنية لمشوار يتجاوز الـ 25 سنة.
    أصبح أغلى مطرب فى الشرق الاوسط وفى الوطن العربى وبالارقام.
    أصبح اغلى مطرب سعراً فى شركات الغنتاج العربية..
    أعتقد النجاح ممكن يكون صدفة لسنة او لأثنيين …….. لكن لمسيرة 25 سنة يبقى مايبقاش صدفة
    استاذى إنت حر يعجبك اللى يعجبك ومايعجبكش اللى مايعجبكش
    وانا كمان حر أسمع اللى اسمعلة واقطنع باللى اقطنع بية، واعتقد إنى قولت للى مش عاجبة الميجا ستار عمرو دياب، مش لازم تسقط بنطلونك زية ولا توقف شعرك زية بس ممكن تاخد منه الحاجة الكويسة الى تحبها فية حاول بس توصل لسنة وتكون فى لياقتة.
    واظن إن ليا حرية الراى والتعبير، طالما مأجبرتش سيادتك او غيرك على حاجة
    على فكرة انا دماغى مش فاضية ولا حاجة انا بتابع الفن والرياضة والسياسة والدين والحمد لله بحاول أبقى عارف فى كلة وليا غهتمامات فى كلة، بس مش لازم أتكلم فى الدين بس عشان اظهر مُتدين أو أتكلم فى السياسة بس عشان اظهر مُثقف.
    شكرا ليك وتحياتى وفرصة سعيدة
    وتقبل مرورى

  11. يا جماعه بعد اذنكم ممكن لما نتكلم على حد نتكلم عليه بحجم مكانته فى الوسط الفنى بجد . وانا بالنسبالى بجد ومن اشد المعجبين بالهضبه بجد بقولكم ده اسمه الاستاذ بجد.الاستاذ عمرو وربنا مهما حصل مهما قالوا بجد ده حقد عليه بجد انت انسان بجد ومكانتك جامده جدااااااااااااااا وسيبوا اللى يقول يقول ……… بس ياريت لما نتكلم نقول الاستاذ عمرو بس دا اللى انا عايزه منكم ……….اسمه الاستاذ عمرو

  12. الاستاذ VIP
    هو انا بحترم يا سيدى انك بتحب عمرو دياب بس هو من ناحية الاخلاق و الدين حلال لنك تغتاب المجاهر بالمعصية و طبعا لا غبرا على ان فى الف معصية فى الفن اللى بيقدمة اى فنان

    ثانيا ربنا بيقول ولكم فى رسول الله اسوه حسنة
    و قال الرسول المرء يحشر مع من يحب

    فموضوع اننا ناخد عمرو دياب قدوة …. يعنى الموضوع ده عايز مراجعة منك شويه

  13. الى الأخ vipاهلا بك اولا اود أن اوضح بأني لم اقصد شخصكم عندما قلت بأن بأن مافعله هذا الشخص مشين ومقزز وإن شئت ينم عن عدم الذوق ! كنت اقصده تماما ولا اقصدك به _ اما عن رأيك في هذا الشخص فذلك شأنك _ وحتى اني لم اعط رأيي فيه _ بل في تصرفه وهنا قد نختلف انت تعتبره مبررا بشكل ما وعددت الكثير من الخصال التي هي في نظرك ايجابية ! هذا رأيك _ولكن اداشئت رأيي فالعبد لله لااستمع الى هذا النوع من المؤدين للغناء ولاعلاقة لي لابهم ولابأخبارهم واعتقد ان مايتعلق بهم وبطبيعة عملهم لايعنيني ولكن الخبر تعلق بهذا الشخص وصادف وأنه مغني ولوكان شيئ آخر لكان رأيي هوهو لن يتغير ! اذا اين المشكله ؟ لامشكلة! انا اعتبر ان هذا سلوك مشين وحضرتك تراه سلوكا غير مشين ! لن نتفق وطبعا هذا ليس مطلوبا اصلا _ ولكن هذا لايمنع ان اقول بأن من العيب ان نصر على الخطأ وان نبرره

  14. انا اعتبر ان هذا سلوك مشين وحضرتك تراه سلوكا غير مشين
    ولية ياأستاذ nursay مين اللى قال لسيادتك إنى براه سلوك غير مشين ؟؟
    هل أنا قولت الكلام دة ؟ واعتقد إنى مادفعتش عن سلوك عمرو دياب فى هذا البوستر محل الجدل أو عن سلوك عمرو عموماً، أنا كل اللى كنت عاوز اقولة للناس اللى بتكتب وبتنتقد إن البوستر فية أشياء سلبية وفى اشياء إيجابية لية دايما مبناخدش بالنا غير عن الاشياء السلبية ونتكلم عنها ؟ وقولت مش ضرورى الشباب تقلد عمرو دياب وتسقط بنطلونتها، بس ضرورى الشباب تقلد عمرو دياب فى لياقتة وصحتة ماشاء الله وتبطل شرب مخدرات وسجاير وإغتصاب وتحرش، مش هما دول شبابنا ؟؟
    بص ياسيد nursay أقسم بربى رغم إنى مش مُطالب أقسم بالله عشان تصدقنى، أنا مش من الشباب الهيبز يعنى لا بسقط بنطلونى وانا ماشى، ولا بوقف شعرى ولا بشرب سجاير ولا ليا فى الكلام دة،
    بس مانكرش إنى بسمع اغانى زى اغلب الشباب وربنا يهدينى وأبطل، واللى بينى وبين اى مطرب الاغنية اللى بيقدمها مش سلوكة، لأنى ماليش إنى أتدخل فى سلوكياتة وحتى لو تدخلت ماعتقدش إنى هغيرها، ولأنى كمان إنسان واعى مش شرط عشان أنا من جمهورالمطرب فولان يبقى أقلدة حتى لو كان التصرف اللى بيقدمة مشين .. ، لأ أنا ليا عقل وليا أسلوب وليا شخصية ممكن اشوف فية الحاجة اللى ممكن اقلدها طالما إيجابية ومافيهاش حاجة حرام
    بس هى دى كل القضية
    تحياتى nursay واتمنى يكون الخلاف دة بداية صداقة
    وتقبل مرورى

  15. اهلا بك اخي vipارحب بصداقتك على الا يكون لآراءنا التي قد تكون متناقضة في بعض القضايا تأثير على هذه الصداقة فرأيك صحيح يحتمل الخطأ ورأيي خطأ يحتمل الصحة إلا ماهو معلوم من الدين بالضرورة _ تحياتي

  16. لا يا اخ nursay طالما بقيت صديق ليا، يبقى مش من السهل حاجة تاثر على صداقتى بيك، حتى لو كان إختلاف فى الرأى، ماتقلقش أنا صدرى رحب
    وربنا مايجيبش إختلاف
    تحياتى

  17. عمرو دياب غلبة حبة لأبنه فراح كاتب اسمة علي كتفه وشم يعني ما ينفعش يانجم تغني وأسم الله مكتوب علي كتفك زي الرقاصة مينفعش ترقص وهي متحجبة كلا يغني على ليله انت نجم كبير وليك مكانك حط اي كلمة تانية غير الدين والأسلام ، انت ممكن تحط اسم بنتك مراطك ابنك بس مش اسم عبد الله لو اسم تاني ماشي جراح الحب بس لا تزعل يادياب احنا بنحبك بس بنحم فيك منهجيتك وأسلوبك الرجولي وكمان لابس بنطلون خولاتي لية ياعمرو هاتخيب ولا اية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *