>

أعلن الفنان ربيع الجميل من خلال بيان أطلقه عبر صفحاته الرسمية على مواقع التواصل الإجتماعي، توقفه عن الغناء في الملاهي الليلية نهائياً.

الجميل فاجأ جمهوره بقراره المصيري وإعتزاله الغناء في الملاهي الليلية، ووعدهم بالإستمرار في تقديم الأعمال الأجمل والأفضل، كما تقدم بالشكر إلى كل من وقف إلى جانبه ودعمه ولا يزال.

وكتب الجميل: “حبايب قلبي ، ينعاد عليكم جميعاً هالعيد الغالي عليي كتير والسيدة اللي مباركتلي حياتي كلا دخيل اسما، بهالمناسبة حبيت شارككم بقرار مصيري اخدته بعد تفكير طويل وبعد مشاورات مع إدارة أعمالي ومع الشركة الغالية المنتجة لألبومي المقبل بإذن الله X-Ray Production.
أنا بفضل الله وفضلكم ومحبتكم ودعمكم جميعاً وصلت لكل نجاحاتي اليوم وهالنجاحات متل ما أنا فخور وسعيد فيها كمان الها ضريبة بالمقابل، هالضريبة هيي التعب والمجهود الهائل اللي عم بضطر قدمه مؤخراً حتى إقدر لبّيكم بكافة الحفلات والمهرجانات والأعراس اللي عم تختاروا إنتو ربيع تايحييها، ومتل ما الكل بيعرف في جزء كبير منكم معوّد يحضرني تلات سهرات أسبوعياً بـ” موسيقار نايت كلوب” هالمكان العزيز كتير على قلبي ويللي إلي فيه ذكريات ونجاحات ما بتنتسى ويللي بصمت فيه أنا وإدارته الكريمة وكامل فريق عمله الغاليين بصمة لامعة جداً بعالم السهر بلبنان، اليوم أنا وبكل أسف مش قادر كمّل معكم بموسيقار ولا حتى بأيا نايت كلوب آخر نظراً لضخامة مسؤولياتي الجديدة من تحضير ألبومي اللي مفروض يصدر قريباً عن X-Ray Production إلى ارتباطاتي الكثيفة بين لبنان والدول العربية وجولات سفر بالخارج ، كرمال هيك قراري اليوم إني إتفرّغ فقط لحفلاتي العامة وإطلالاتي المصوّرة وإصداراتي الغنائية …
بشكر محبتكم ودعمكم الدائم لربيع الجميّل اللي إنتو عملتوه ، بشكر كل شخص تابعني وسهر عندي بموسيقار يوماً ما ، بشكر إدارة هالمكان الغالي ، بشكر كل موظفينه بكافة مسؤولياتهم ، وأكيد بتمنى تعذروني إذا سبق وصدر مني أيا شي ضايقكم إخواتي بيكون بفعل التعب الفني اليومي وقلة النوم … بحبكم من نص قلبي”.



شارك برأيك

‫9 تعليقات

  1. هلهلو يا جماعة الخير ههههه
    بلو حبيبة قلبي قريت جوابك تسلمي يارب
    See you later 😉

  2. هاي بنت الرافدين كيفك حبيبه قلبي
    هلا فيك واهلا وسهلا ومرحبا
    تحياتي لك وللجميع
    بتمنى ام محمد تكون بخير وتطمنا عنها

    1. مساء الخير مدام بلو ، أتمنى أن تكوني بخير …….. تحياتي
      تحياتي أيضاً لعلياء و أتمنى أن تكون بخير .

  3. شكرًا يا قلبي الحمدلله بخير 🙂 يارب تكون بخير وسعادة وفرح
    تحياتي لكي ول Blue
    والدي حينزل بنهاية 8 لبنان بعدها العمرة بعدين مصر C

    1. يسعد مساكي بالخير العزيزه آخر العنقود وشكراً عالسؤال بتمنى تكوني بخير كمان آسفه حبيبتي علقت وطلعت ما شفت تعليقك
      والعزيزه بنت العراق الحمد الله انك منيحه مع العيله بيشرف لبنان قدوم الوالد انشالله يقضي إجازه سعيده وحلوه يا ريت قبل هلأ بتكون الصيفيه عامره عا كل حال انشالله نقوم بالواجب اللي يستاهلو وعمره مباركه سلفاً الله يطول بعمره والجميع
      والعزيزه شاميه ميه ومليون هلووو منغمش قلبي عليكي بشوف تعليقاتك بس ماخره من هيك ما عم بكتب بس ذكرتك اول دخولي الجريده كما الجميع بعرف ما قريتيها كيف حبيبتي وكيف الماما انشالله تكون إجازتك كانت حلوه
      يلا باي

  4. فديتك حبيبة قلبي (( Blue)) يابعد حيي ،،وهالكلمة اذا سمعتيها من شمرية فاعرفي معزتك فاقت الحدود 😉
    يارب يخليكي ويوفقك عالكلام الحلو ،،، يارب اميييين يتقبل منه ومن الجميع
    تحياتي يالغالية وربي يسعدك

    1. حبيبتي ميرسي عاكلامك جنم ? ?
      وانتي بعد يا بعد حيي ? الله يعزك يا رب واللي يسال ما يتوه سالت عمي غوغل
      بالاساس فهمتها وشعرت بكلامك نابع من محبتك الله يسعدك ويوفقك ويخلي عائلتك ومحبينك وكل عام وانتي بخير
      تحياتي للعزيزه مغربيه قرات سلامك واماني الحمدالله عارجوعك بالسلامه
      والعزيزه نور شو هالطله الصغيره ? شم ولا تدوق والحمدالله عالسلامه ارجو ان تكوني بخير وجميع الاحباء
      ارجو ان تكون ام محمد بخير وتطمنا عنها

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *