كشف المخرج عمرو سلامة أن أنف النجمة التونسية هند صبري في فيلمها الجديد “أسماء” لم يكن حقيقي, مشيراً أنه أراد من هند موهبتها الخارقة في التمثيل فقط وأن ينسى المشاهد الممثلة المعروفة.
وفي تدوينة طويلة على صفحته الشخصية على موقع التواصل الاجتماعي كتب قصة أنف هند المصطنع في فيلم “أسماء”، وقام بنشر فيديو أثبت من خلاله أن أنف هند كان مصنوعاً من الجلاتين.
وتحت عنوان “قصة مناخير أسماء” كتب عمرو:
“في فيلم أسماء، كنت مصمم على إني أغير شكل الفنانة هند صبري اللي قامت بدور أسماء، الفيلم كان مستوحى من قصة سيدة حقيقية، وكانت الفكرة إني عايز أخلي الفيلم واقعي وحقيقي على قدر الإمكان،وعلشان كده كنت عايز أنسي الناس شوية إن ديه هند صبري اللي هم عارفينها”.

وأضاف “على هذا الأساس أصريت نجيب واحدة من أفضل خبراء المكياج في العالم، إسمها Jo Allen، هي اللي عملت أفلام زي Gladiator, وهي اللي غيرت شكل نيكول كيدمان في فيلم The Hours وغيرت شكل هابيير بارديم في فيلم Mar Adentro”.
وتابع “طلبت منها نغير مناخير هند زي ما غيرت قبل كده مناخير نيكول كيدمان، وعملت كده فعلا، لكن الحقيقة إن تقريبا ماحدش خالص في الكوكب خد باله”. وأكمل “هند كانت بتقعد كل يوم قبل التصوير كذا ساعة علشان تعمل مكياج يخليها أكبر في السن وتحط المناخير”.
وختم “طبعا لما ما حدش خد باله في الآخر, هند صبري ومحمد حفظي بالذات كانوا مش طايقني, طبعا مع اللوكيشن كله اللي كان قاعد مستني المناخير. وأنا بستغل هذه الفرصة السعيدة علشان أشكرهم, وأعتذرلهم نص الإعتذار, لإن غرضي كان شريف والمناخير هي اللي طلعت نص كم”.

شارك الخبر:

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *