تعيش شاشات فضائيات الإعلام السوري الرسمي خارج الواقع الذي يعيشه الكثيرون داخل أراضي البلاد وكأنها في كوكب آخر، حيث لا تفارق الفقرات الصحية والرياضية وقهوة الصباح الشاشة حتى في أشد الأزمات.

ولا يعكر انسيابية عرض الكثير من البرامج إلا متفرقات من الأخبار العاجلة التي تتعلق بأي شيء سوى الأزمة السورية.

ففي كوكب سوريا يرتكب جرم في فضائها الإعلامي الرسمي، بينما تشهد أرضها جرائم على فضاءات الإعلام الدولي.

عزيزي المشاهد لا تصدق كل ما تشاهد، فالأبعاد التي أمامك غير حقيقية على مرآة الشاشة السورية إلا إذا رغبت في التعرف إلى دليلك السياحي إلى أرض الحضارات أو كشف أسرار دور الزواج في الحياة الزوجية.a

وعند ظهور “عاجل” على الشاشة الوردية ينقل لك نبأ تفجير غريب في بلد آخر أو نصر مريب تحقق وأنت في غمرة متابعاتك المشوقة، وربما في أوج حماسك لممارسة رياضتك الصباحية.

ويتعامل الإعلام السوري مع شعبه ومشاهديه بجرعات من حبوب الانفصام عن الواقع، وجلسات من غسل العقول والوجدان لإلغاء حواسه الخمس من خارطة الإنسانية، في حين أن الوضع الإنساني في سوريا منقول في أبشع صوره إلى العالم الخارجي بالصوت والصورة والقلم.

وبعد مجزرة الغوطة الأخيرة ألم أخرج الدبلوماسية عن طورها، وموت أحيى خيار التدخل العسكري من جديد، وحديث عن قرع طبول الحرب على أنغام الموسيقى السورية وفوق جثث الأبرياء.

شارك الخبر:

شارك برأيك

‫14 تعليق

  1. ليش هني ايمتا دخلكون كانو ضمن السرب الاعلامي
    وعلى قولة صباغ ……. ياااااااا بقار
    مبارح فتحت على الدونيا قلت عسى اقتنع بشي لقيتو للشيف عم يقلي دجاج والله ليش الكذب
    طيبة كتير هالوصفة احسن شي انهون صايرين حتى الشف يحكي بلغة القاف والبلدات السورية الي عم يعرضو تقارير بجمالها اغلبها سويدا وصلنفة وكسب ونواحي الق رداحة والساحل اي والله مو طائفيي بس يعني ما معقول الناس بالناس والقطة بالنفاس

  2. مساكين متل المختل رئيسهم عايشيين بحالة إنكار للواقع الأليم ….ذكروني بالتلفزيون المصري لما كانت قنوات الجزيرة والقنوات العالمية جايبة صورة الميادين مشتعلة بالمظاهرات في 25 يناير وهنن حاطين صورة شاعرية لنهر النيل الهادئ في الليل ..هيك كل قنوات العار الحكومية عندها إنفصال عن الواقع بيفتكروا أنه الواقع رح يتغير إذا عملوا هيك ربنا يشفيهم وإذا مفقود الأمل بالشفاء يخفيهم ويريحنا !

  3. أخت ورود
    عفوا .. أما تقصد اللي المناطق اللي ذكرتها ما فيهاش قصف؟؟؟

  4. هاها هذه دقيقتين من الأعلام السورى مختارة بخبث كالعادة من اقذر قناة عربية تابعة لعائلة لا تقل قذراة عن عائلة الأسد ما هذا التخريف والعنوان الذى هو خارج الواقع فقرات طبيعية الأخبار لا تتوقف على القنوات السورية والنقاشات وكشف فضائح مسلحى الجيش الحر الحرامى ومجازر جبهة النصرة التكفيرية…………………الجزائر

  5. اي فيها قصف اختي بس مو كتير وغالبا القصف من الثوار او الارهابيي اذا بدك
    يعني يوم العيد راحو التقو بالناس الي طالعة سيرانات وبالعادة الناس بتروح عبلودان وعصيدنايا ومعلولا وغير مناطق اقرب للشام وبيصورو هنيك وبأغلب المناطق اما هلق ما بتلاقيهون غير عم يحكو على التكية السلمانية وغابات كسب وبيلتقولك مع اهل صلنفة الي بيزعج مو هوي السياسي المتبعينها لانو حتى الجزيرة والعربية وكل قنوات العالم منحازيين بس هني بكترو استغباء للناس
    يعني ضلو يقولو سوريا بخيير بخير لحتى العالم ما عاد صدقتهون لك كيف بخيير والطرقات كلها مو أمنة هاد قصدي والا انا غيير هيك مالي عييب الدفاع عن سياستهون حق الهون بس مو ينكرو لدرجة الاستحمار

  6. ههههههه نور وورود استكتروا عليهم للقناة السورية شوية اوقات وردية دعوهم يستمتعوا باخر الايام السعيدة لهم لانه معروف الضربات توجه ايضا للمواقع الحيوية وتلفزيونا السوري معروف انه حيوي !!! هانت باذن الله

  7. المشكلة يا عربية مو بشو بدهون يضربو المشكلة الشام للي بيعرفها بيحسها قطعة واحدة ما فيكي تفصليها عنجد انا متمنية انو يروح هالمعتوه وتنحل القصة بلا اي ضربة عسكرية بس لا هوي عم يرحم ولا حدا عم يفهم

  8. معك حق إخت ورود .. إنكار الحقيقة أبدا مو حل.. المفروض يحطو إيدون ع الجرح لحتى يقدرو يداووه.. مو ينكروه و يتجاهلوه.. بهاي معك حق.. بس مشكلة الإعلام إخت ورود إنو خلص فقد مصداقيتو.. ما عاد حدا راح يصدقو.. كترو المغالطات و الفبركات بكل الإعلام.. لهيك أنا بصراحة بحاول أعرف شو صاير بسوريا من أهلها اللي عايشين فيها.. والمشكلة إنو حتى الخبر من أهل البلد صاير يدوخ.. الموالي بقلك شي والمعارض بيقولو عكسو تماما.. كل شي فيني قولو هو لله يحميكن

  9. يا تونسية يعني انتي بتفكري او غيرك انو نحنا ضد الجيش او ضد الدولة كدولة وجيش لاه والله اعتز بسوريتي وافتخر بها مهما صار بس يعني متل ما بيقولو الحكل افضل من العما عني عمونا كتر الكذب
    يعني اخي كان بمظاهرة من سنة ونص واكتر بجامعة دمشق وحكالي كيف ضربوهون الشبيحة وكيف حجزوهون متل الغنم وصارو ينكلو فيهون والي هرب ما عاد حسن يرجع يقدم صار مطلوب حتى عينو شباب شبيحة وكأنهم مخابرات دولة على الطلاب وبعد كل هالشي بيعملولك مقابلة مع شي ميت طالب جامعي بيقلولك الله يخليلنا ياك يا بشار والله والله وهاد ببوسو وهاد بيشكرو وما بيطلع من هالمية ولا واحد نص نص او ولا واحد معارض يعني اكليين البيضة وقشرتها بالغبا ولهيك كيف بدك الناس تصدق عم تشوف على الارض شي وتسمع عندهون شي تاني ضلو يقولو الطريق هذا سالك ولا صحة عن ما ورد على سيطرة الارهابيين عليه بيروح الواحد مأمن بحكياتهون يا بيموت على الطريق يا بيتشلح سيارتو او مصاريه واذا ربنا بيحبو موبايلو وساعتو لك كيف بدنا نصدقو لهالاعلام والله والله مو لاني ضدو عم بحكي هيك بس لهالدرجة شايفيين الناس غنم

  10. الحكل يعني الكحل
    شكرا الك تونسية واي شي سأليني ولا يهمك برجع بقللك نحنا مو مبسوطيين بالي عم يصيير ونحنا
    بنتمنى تنتهي الازمة بدون سيل دماء اليوم قبل بكرا
    الله يفرجها يارب احسن شي
    تحياتي القاكم بخيير

  11. إخت ورود.. أنا اللي بشكرك ع ردك ورحابة صدرك.. وهاد اللي بعرفو عن السوريين .. كرماء و ءخلاق عالية.. وبصراحة خفت الأزمة تغيركن.. بس ولله الحمد بعدكن متل ما إنتو.. بس والله حازز بقلبي كتير تقسيمكن.. وهاد اللي راح يجنني.. بس ما فيني قول إلا الله يجمع شملكن و يوحدكن ويحميكن.. ولا تفكري إذا ساندت بشار إني بكره قسم منكن بالعكس.. الله العالم إنو كل سوري ينسكب دمو ع الأرض بياخد قطعة مني.. سبحان من حببني فيكن.. وكمان سبحان الله .. المحبة من الله

  12. لا يا أختي عني وعن نفسي انا بتقبل الرأي المخالف صحيح بنقر مسمير احيانا بس صدقيني ما بكره الي ضدي واذا ساندتي بشار بس اكيد ما بهون عليكي بهالاطفال وهالشباب بعمر الورد الي ماتت كرمالو وكرمال نظامو والكرسي انا قبل الثورة كنت كتير حبو بس وقت صارت المجازر وسالت كل هالدماء
    لا والف لا اناصر هيك نظام لان هوي المسؤول على البلد والشعب اذا منو قوي يحمينا يعيفنا وكان يطلع بسلام ليش ليستنى حتى امريكا تدمر الي هوي لسا ما كمل تدميرو
    حسبنا الله ونعم الوكيل ونحنا بنتشرف بكل التوانسة وشكرا

  13. صح .. متل ما بيقولو .. الإختلاف في الرأي لا يفسد للود قضية .. وأكيد أنا ما بيهون علي أي دم سوري مهما كان.. بس راح قلك شغلة.. المرزوقي واللي هو رئيس تونس هلئ.. اليوم لما طلبو منو مغادرة الكرسي.. رفض .. ركزي منيح.. المرزوقي اللي السنة الماضية بس طالب بشار بالتخلي عن كرسيه لأنو شعبو هيك كان بدو.. اليوم رفض التخلي عن كرسيه و قال نفس الجملة اللي قالوها كل رؤساء بلدان ما يسمى بالربيع العربي..”رح سلم السلطة بالإنتخابات الجاية (واللي الله أعلم إمتة راح تجي)” .. حبيبتي هاد الكرسي لعنة وصابت كل اللي قعدو عليه.. وراح تضل هيك… أسباب مقتل كل الشعوب العربية من يوم الفتنة الكبيرة لآخر يوم بهالدنيا .. هي السلطة وهالكرسي الملعون

  14. ورود اغلب المعلقين على قدر من الثقافة والاستيعاب لما يجري وليس كما بتظاهر البعض انه ما عم يعرفوا شو عم يصير !! لكن اعتقد وقلتها قبلا والله هم يتكلمون من محبتهم لسوريا والسوريين ان سوريا تواجه لاسمح الله الاسوء وبينسوا فعلا انه اي سوري شريف لا يرضى بتدخل غربي لو كانت الظروف مختلفة عن هذه !! لكن بالنهاية فعلا حق التقرير يعود فقط للسوريين اللي في داخل سورية وليس للي خارجها هم الذين يواجهون الويلات وهم فقط المفروض ان يكون لديهم الحق بالقبول او الرفض !!!

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *