رفض الرئيس المصري عبد الفتاح السيسي اتهامات الفساد التي وجهت له وأكد أن هناك قصورا يتم تشييدها ولكنها “ليست ملكا له”، في ما يبدو أنه رد من السيسي على المقاول محمد علي الذي أثارت مقاطع فيديو اتهم فيها مسؤولين بالفساد جدلا كبيرا في الفترة الأخيرة.

وداقع السيسي عن نفسه في مؤتمر للشباب يوم السبت: “أنا شريف وأمين ومخلص”.

وأكد السيسي أنه يتم بناء قصور رئاسية: “أنا عملت قصور رئاسية وسأعمل.. هي ليست لي. ليس هناك شيء باسمي. هي باسم مصر”.

وتابع السيسي قائلا “فيا خسارة يا خسارة” واضاف “انا مش زعلان لاني متوقع ده والكلام ده منتهاش من اول ما تولت الامر ولكن الذي يهمني انه انتم تبقوا متأكدين ومتطمنين”.

ورفض مزاعم علي بأنه أقام مدفنا لوالدته الراحلة عل نفقة الدولة قائلا: “ما قيل عن هذا الأمر كذب وافتراء”.

ونوه الرئيس المصري إلى أن الأجهزة الأمنية طلبت منه عدم الحديث في هذه القضية.

وعلّق مازحا “هو مفيش في مصر إلا قصور محمد علي؟!” متعمدا على ما يبدو الخلط بين اسم المقاول الذي يوجه اليه اتهامات الفساد ومحمد علي باشا مؤسس مصر الحديثة ما بين عامي 1805 و1848 والذي ظلت أسرته تعتلي عرش مصر الى أن أطاح الجيش الملكية في العام 1952.

شارك الخبر:

شارك برأيك

‫13 تعليق

  1. اه بعمل قصور رئاسية ..بس مش عشاني عشان مصر انا ببني دولة
    ــــــــــــــــــــــــــــــــــ
    ياللي ظلمتوا السيسي
    وقولتوا وعدتوا عليه
    قولتوا عليه مش عارف ايه
    دا العيب فيكو يا في حبايبكو
    اما السيسي .. يا روحي عليه
    يا روحي عليه

  2. فعلا زي ماقال الريس حبيب الغلابة
    اللي عايز يبني دولة لازم يبدأ ببناء القصور واكبر كنيسة واكبر مسجد ومؤتمر شباب بالمليارات لو انت فاكر انه لازم عشان يبني دولة يبدأ بالمصانع والمدارس والمستشفيات ف دي مشكلتك انت ايش فاهمك منك له في بناء الدول ؟؟ .. كنتو بنيتوا دول قبل كدة يا عملاء يا خونة؟؟.

  3. هل هذا رئيس جمهورية ؟
    ده آخره رئيس زريبة أو حارس على مدافن
    اللهم أحصهم عددا واقتلهم بددا ولا تبقي منهم أحدا

    1. مش معني ان حد بيقول معلومات صحيحة تقوموا تصدقوه ..!!
      #بلحيات
      وهنا انتحر المنطق ..!
      رئيس مسلي يا جماعة علاج فعال للاكتئاب الشعب كله فطسان من الضحك
      وكم من مصر من مضحكات ولكنه ضحك كالبكاء
      لله الامر من قبل ومن بعد

      1. اقسم بالله نص الشعب مناااافق وكلنا هنتحاسب ع الناس الي تظلمت والي اتعدمت ظلم
        كلنا كنا شاهدين ع الظلم و نتفرج و ساكتين و هنسكت كمان وكمان
        الناس دي بتلعب بينا كره طايره و احنا ناكل هوا

  4. كما قُلت في تعليق سابق لي أن ما يُعجبُني هو أن مُحمد علي قد كشف الوجه القبيح للظالم – و إن كان مكشوف من قبل هذه الفيديوهات – و فيديوهاته و كلامه الشبه عفوي ( عفوي الألفاظ مُتقصّد المغزى ) قد وصل لكُل مصري و كُل عربي و كُل كاره للظُلم و المحسوبيات و النهب و السلب و السرقات ، فيديوهاته وصلت لكُل شريف ( رغم أني لا أمنحه هو صفة الشرف فهو مُجرد شخص إنقلب على من ساعدهم في نهب و مص دماء الفُقراء و لولا خلافه معهم لما سمعنا لهُ صوتا ، لولا أنه شبع و إكتفى ما سمعنا صوته ، لولا أنه لم يعُد يقبل أن يضربه أحد على رأسه و يُذله لما سمعنا صوته ، بمعنى أراه من باب اللهم إضرب الظالمين بالظالمين )
    المُهم ماذا سيفعل المصريون الآن فالفساد كان مؤكداً و أصبح أكثر تأكيداً ، كان شبهةً مؤكدة فأصبح تُهمة موثقة ……. هل سيقبل المصريون أن تُصبح ثورتهم هباءاً منثوراً و تأخذ معها ثروتهم و ثروة بلادهم ؟!
    الله المُستعان …..
    !!

  5. يا سيادة الريس، يا ريت حضرتك تبطل تبني قصور. قيمة مصر مش بالقصور، قيمتها بنمو ورخاء شعبها. مصر كبيرة جدا فعلا، بس من غير قصور. معظم شعبك الفقير مش حيستفيدوا من بناء قصور جديده لمصر، ولا حيشبعوا ويعلموا ويعالجوا ولادهم, لما يعدوا جنب قصر رئاسي جديد ويقولوا الله دي مصر بقت عظيمه اوي. شعبك مبسوطين بقصور محمد علي وحفيده الملك فاروق، ومكتفيين بهذا القدر”.
    امريكا مثلا تملك الاقتصاد الأكبر والأول فى العالم يوجد بها مقر رئاسى واحد اسمه البيت الأبيض من سنة 1800”.

    وداقع السيسي عن نفسه في مؤتمر للشباب يوم السبت: “أنا شريف وأمين ومخلص”.
    …قالت العرب قديما…مادح نفسه كداب ..لايعتد باقواله…

    الشرع نهي عن تزكية النفس والثناء عليها، قال الله تعالى: فَلا تُزَكُّوا أَنْفُسَكُمْ هُوَ أَعْلَمُ بِمَنِ اتَّقَى .

  6. السيسي واصل لمرحلة انه تجاوز كل كلاسيكيات التبرير او النفي او التجاهل. هو دلوقتي نقل العلاقة بين الشعب والنظام الى مربع “اه احنا كده وهو ده الصح وحقنا عشان خلصناكم من الاخوان واللي مش عاجبه يشرب مالبحر او نطربق البلد عليكم”

    الاجهزة كانت بتبوس ايده عشان يسيبوا الرد كالمعتاد عن طريق النقيب اشرف والقنوات المعتادة بتاعة التليفزيون وابراهيم الجارحي واللجان الاليكترونية لكن هو اصر انه يوصل فكرة “انا حسيت انكم واخدين فكرة وحشة عننا فحبيت أأكدهالكم” عشان الناس يبقوا فاهمين ان البديل عن الوضع الوسخ ده هو بديل اوسخ وهيتصنع بإديهم برضو. متلازمة الربط الدائم بين الارهاب وثورة يناير والمعارضة مؤشر خطير وتهديد مباشر وحقير وازدراء لإرادة الشعب اللي كل شوية يتشدق بيها

    ارادة الشعب اللي هو عايز يحترمها هي الارادة اللي مبنية على ايهام الشعب ان عشرات القصور الرئاسية الفارهة هي الطريق لبناء دولة فقيرة ذات شعب معظمه تحت خط الفقر

    من الاخر يعني لو مش عاجبكم الوضع ده، عندنا اوضاع تانية اوسخ ممكن اوريهالكم

    الناشط الساخر خالد تليمة

  7. يا خسارت الشباب الي ماتت بالثوره من اجل ضروف تأتي بهذا البهيم ليحكم مصر
    باع ارض مصر وكان سببا بانهيار العمله وعوم الجنيه ورفع الاسعار وفرض دكتاتوريته وضيق الحصار على اهل غزه من اجل الصهاينه الذي كانت وما زالت حكومة مصر الشريك والصديق الصدوق لاسرائيل التي دفت ابناء مصر بارض سينا احياء واغلب الشعب المنافق يصفق له

  8. ياريت اللي بيقولوا علي شعب مصر انه منافق يحترموا نفسهم
    عرب جرب
    ملعون ابو الملك الخايس الجاسوسبتاعك عبد الله بن المقبور الحسين
    شعب مصر اشرف منك ومن ملوكك المنافقين الخونة
    وبلحة حيسقط حيسقط باذن الله ان غدا لناظره قريب

  9. واحد بيمدح في الملك الخاين ابن المقبور وبيشتم بلحة؟؟
    طاب ما الاتنين نفس العجينة يا اهبل .انت كنت بترضع لبن حمير وانت صغير ؟ الاتنين خونة متامرين .. لو فيه حد منافق يبقي حضرتك مش الشعب المصري

    جاتكو البلاوي مليتوا البلد

  10. السيسى خبط جمله كده فى المؤتمر لخصت العقليه اللى بتدير مصر الفترة دى
    ” مش معنى ان حد يقول معلومات صحيحة انكوا تصدقوه ! ”
    لكي الله يا مصر
    ازيك دكتورة يارب تكوني فكراني

ماذا تقول أنت؟
اترك رداً على مصرية وافتخر إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *