فرانس برس- قتل 16 شخصاً بينهم عشرة أطفال في غارة للطيران الحربي السوري الأربعاء، على منطقة خاضعة لسيطرة “داعش” في محافظة دير الزور شرق سوريا، بحسب ما ذكر المرصد السوري لحقوق الإنسان.
وقال المرصد نفذ الطيران الحربي غارة على أماكن في منطقة الشولا، ما أدى إلى مقتل 16 مواطناً بينهم عشرة أطفال، جراء سقوط صاروخ على حافلة كانت تقلهم إلى دمشق.
من جهته، بثّ التلفزيون السوري الرسمي خبراً عاجلاً اتهم فيه “داعش” “بارتكاب مجزرة” في المكان نفسه، ما تسبب بمقتل 13 شخصاً معظمهم من النساء والأطفال، على حد قوله.
إلا أن مدير المرصد، رامي عبدالرحمن، أكد إصابة الحافلة بصاروخ أطلق من طائرة، مشيراً إلى أن الحافلة كانت قادمة من ريف دير الزور.
وفي السياق نفسه، أفاد المرصد السوري عن مقتل ستة أشخاص بينهم رجل وطفلته في بلدة كفربطنا في ريف دمشق، وأربعة رجال وطفل في مدينة دوما، نتيجة قصف مدفعي وصاروخي من قوات النظام.
بينما تحدثت “الهيئة العامة للثورة السورية” عن “مجزرة” في دوما نتيجة القصف الصاروخي، قتل فيها سبعة أشخاص معظمهم من النساء والأطفال.
وقتل خمسة مواطنين وأصيب تسعة آخرون في محافظة السويداء، جراء انفجار عبوتين ناسفتين بحافلة تقل مواطنين على طريق داما-عريقة.
والله مو دفاعاً عن النظام بس العنوان تحريضي وصاحب هالجريدة / الموقع شو ما بده يسميه ما عنده حرفيّة في نقل الخبر ..
إلى المسؤول عن هذا الموقع:
تذكر أن أول قاعدة يجب الالتزام بها (حتى للمبتدئين في عالم الإعلام) هي نقل الخبر بتجرد، وإذا كان دمك حامي وما بتقدر/ي ما تتفاعل مع الحدث، حلو كتير ليش ما بشوف هيك عناوين مُحرّضة بالأخبار يلي بتحكي عن داعش والمتأسلمين وآل سعدان الله يطول بعمره لحتى يشتهي الموت وما يلاقيه؟
فعلا يا ناشر .. العنوان استفزازي .. كان لازم تكتب العنوان ” غارة للجيش السوري وقتل عشر أطفال ارهابيين كانوا ينوون تفجير أنفسهم بحاجز للجيش .. فعلا يا ناشر أنت مجرم .. لازم تتفاعل مع الحدث وتكتب بتجرد .. وهدول الفيديوهات كلها فبركة .. عيب عليك يا ناشر .. الطيار بيتعب وبيطلع وبيقتل أطفال ارهابيين وانت بكل برود بتجي بتكتب الخبر بهالطريقة ؟! فعلا عيب عليك .. وفعلا أنك انسان ما عندك ذرّة انسانيّة .. بس شو الواحد بدو يحكي عنك يا ناشر ..
من أسبوع ولحد اليوم منطقتي عم تتعرض لهجمة همجيّة ..كل يوم براميل وغارات ..
أول أمس بضيعتي سقط عشر شهداء 5 أطفال و 3 نساء .. وقبلها النسر السوري استهدف روضة أطفال .. واستشهدت البنت ندى .. وبضيعه اسمها الهبيط استشهدوا 25 مدني أغلبهم نساء واطفال بسبب سقوط برميل متفجر على باب المغارة اللي كانوا متخبين فيها من القصف ..
أوعك يا ناشر تنشر هالأخبار .. معليش هدول الأطفال دمهم رخيص خليهم يموتوا ..وهالناس البريئة خليها تموت .. ما لازم تكتب عنهم يا ناشر .. وما لازم حدا بالعالم يسمع فيهم .. هدول بيموتوا بكل بساطة متل ما انت يا ناشر بتمسك حجر وبتدبها فوق نمل أو أي حشرة .. هيك عم يصير فيهم ..بس بدل الحجر برميل ..وبدل الحشرات أطفال ..
بس الله موجود .. وهالدم ان شاء الله ما رح ننساه ..
على منطقة خاضعة لسيطرة “داعش”
………….
ما دامت خاضعة لما يسمى داعش فلا باس بابادتها عن بكرة ابيها!!
اما دولة صهيون …فبشار يحتفظ لها بحق الرد !!
يعني انا ما عم أفهم .. كيف مروحية محمّلة براميل متفجرة .. تجي لفوق مدينة او ضيعه مليانة ناس واطفال ونساء وكبار وصغار وبيوت ..تجي لفوقها وتدب عليها براميل متفجرة !!! بأي دين ؟ بأي شريعه ؟ بأي مذهب ؟ بأي منطق ؟ بأي قانون ؟ .. وناس ساكتة .. وناس عم تهلل وتبرر ..
ما بعتقد صار اجرام على مر التاريخ متل هالاجرام .. كل يوم في بيوت عم تدمر بهالبراميل .. كل يوم في أطفال عم تموت .. في شباب عم تموت .. في نساء عم تموت .. كل يوم .. كل يوم ..بدون ذنب ..وبدون أي جريرة .. بس هيك للاجرام ..
ضيعتي من أسبوع لليوم وهي عم تنقصف بالبراميل يوميّاً .. مع أنها بعيدة عن المعارك ومافيها جبهة ..وكل الضحايا مدنيين … وكل البيوت اللي انهدت لمدنيين ..وكل المنطقة نفس الشي ..
بنفس اليوم اللي كانت الطيارة رايحة راجعه لعنا وقتلت الأطفال الخمسة .. بنفس اليوم كانت أرتال داعش اللي شفناها على التلفزيون عم تتوجه من الرقة لدير الزور .. بنفس اليوم ..تاركينها رايحة لمطار دير الزور وجايين يتمرجلوا على المدنيين .. تروح وترجع الطيارة وتضرب وتقتل .. ومفتكرين عندهم جيش !!!! هاد جيش هاد ؟ اللي أكثر من 2000 جندي منه اندبحوا بالرقة بالمطار والفرقة واللواء وما شفنا محاسبة ولو لضابط ككبش محرقة .. ولا شفنا وزير الدفاع اللي المنحبكجية سموّه وزير الموت .. وأطلقوا حمله لاقالته .. وعلى ذمّة صاحب الحملة اجته رسالة من عميد بالقصر الجمهوري أنو الوزير مارح يكون بالحكومة الجديدة .. وصاحبنا المسكين صدّق ونزّل شكر للعميد .. تاني يوم كان وزير الدفاع نفسه بالحكومة وصاحبنا الله أعلم وين صارت أراضيه ههههه ..
يلا .. كتير النظام سائل على جنوده ولا مؤيدينه .. بكرة ياما رح يشوفوا كمان .. رح يشوفوا كيف رح ينباعوا …. ورح يكتشفوا أنو متل ما قالوا بطرطوس واطلقوا الحملة ” الكرسي ألك والتابوت لولادنا ” .. وهاد فعلا اللي عم يصير .. بكرة رح ياكلوا الخازوق وبالجنهمممممممممممممممم
العالم يشيح بوجهه عن سوريا و كل يوم يسقط ضحايا بالعشرات على يد هذا المجرم الذي لم يرد على التاريخ مثله في الإجرام المنظم!
حسبنا الله و نعم الوكيل .. حسبنا الله و نعم الوكيل..حسبنا الله و نعم الوكيل..
اللهم أخرج شعب سوريا من الضيق إلى الفرج.. و اجعل كلمته العليا و كلمة السفاح ”قتال القتلا” السفلى.. !
أن شاء الله بينقتل بشار وكل مين بيدافع عنه متلهم يارب …العالم كله مهتم بجرائم داعش والدعايات والأخبار التي لا تصدق عنها ومتناسيين أو مطنشين جرائم هالكلب النجس بشارون وقتله لشعبنا وأهلنا
كم شهيد عم يسقط كل يوم على يد هالمجرم ما سمعنا حدا علق ولا قال كلمة كلهم صامتين صمت الأموات …وين المعلقين على داعش وجرائمها بنورت ما سمعنا صوتهم ولا دعائهم ولا استنكارهم لجرائم بشارون 10 أطفال بيوم واحد وبمنطقة واحدة هذا غير جرائمه ببقية المناطق ..ولا دم أطفالنا رخيص لكن دم أهلكم غالي …حسبنا الله ونعم الوكيل ببشار يارب تنتقم منه وتدمره وتفرجينا فيه يوم قريب !
على منطقة خاضعة لسيطرة “داعش”
………….
ما دامت خاضعة لما يسمى داعش فلا باس بابادتها عن بكرة ابيها!!
اما دولة صهيون …فبشار يحتفظ لها بحق الرد !!…………..يعني لو انتصرت ما تسمى داعش واحتلت كل بلاد الاسلام ..فسيصفقون لامريكا لو نجحت في ابادة كل امة الاسلام ..ما دام الهدف القضاء على ما يسمى داعش !!!!!!!!!!! لمثل هذا يذوب القلب من كمد ..يا امة ضحت من جهلها وبلادتها وتعطيلها لعقولها القرود والسعادين!!……….ما رايكم ان نسميها ناغش اذا كانت القضية في الاسم 🙂 … هل ستقفون لجانبها قبل ان تبيكم امريكا وعملاؤها؟!!!
تبيدكم امريكا وعملاؤها؟!!