الاسم: علاء عبد الهادى.
السن: 22 عاماً.
المهنة: طالب بكلية الطب- جامعة عين شمس- الفرقة الخامسة.
الحالة الإجتماعية: شهيد.
مكان الاستشهاد: مجلس الوزراء _احداث مجلس الوزراء_
طريقة الاستشهاد: رصاصة اخترقت الرأس.
قالواْ عنه:
- أصحابه:كان خدوماً، يقدم يد العون لجميع أصدقائه، أثناء تواجده فى الحرم الجامعى كان دائم التواجد فى المعارض الطبية. انشأ موقع على النت هو وأصحابه لتحميل المحاضرات والدروس الطبية، حتى يستفيد منه الطلاب المتخصصين فى مجال الطب.
- قبل استشهاده بعدة أيام، كان يفكر فى عمل مشروع خيرى، لتأجير العظام للطلبة غير القادرين على شرائه.
- والدته:السياسة كانت لا تجعله يجلس معى طويلا، حيث كان يشارك في الحياة السياسية بالجامعة واعتصام الطلبة لعزل عمداء الكليات التابعين للنظام المخلوع، ولا يتوقف عن المشاركة في جميع المستشفيات الميدانية التي نصبت خلال الاشتباكات التي وقعت خلال الشهور الماضية، تحكي أنه ابنها الكبير وأن عيد ميلاده كان بعد أيام.. تحكي ولا يتوقف بكاؤها أو دموعها.
- المسئولين: لم نطلق على المتظاهرين الرصاص، والطرف الاخر هو من أطلق الرصاص.
- بعض ارباب السلطة: من تظاهر فى احداث محمد محمود، وماسبيرو، ومجلس الوزراء، ما هم الا مجموعة من المشاغبين البلطجية، الممولين من الخارج، والمدربين فى صربيا لاحداث الفتنة فى مصر.
ملحوظة1:
أغلب من قتل وأصيب فى احداث ما بعد الثورة من البلطجية _كما يدعى البعض_ من عينة الشهيد د/ علاء عبد الهادى، فلو هو وغيره بلطجية… فياليت كل أبناء بلدى مصر بلطجية متله.
مشاء الله عنه بعمر الزهور .. الله يرحمه و يغفرله
حسبنا الله و نعم الوكيل
شكرا فتيما
ألله يرحمه ويرحم كل شهداؤنا اللذين ضحوا بأرواحهم من أجل حرية بلدهم .ويصبر أهلهم وذويهم ويلهمهم الصبر والسلوان.
الله يرحمه ويسكنه فسيح جناته .. ويفرجها على مصر وعلى كل الامه العربيه .. اعتقد نحتاج الى معجزه لفعل هذا !
ربنا يرحمك يا علاء اللى قال عنك الاخوان والمجلس العسكرى انك بلطجى ومأجور
والله يصبرك ويبرد نارك يا ست ام علاء
http://sphotos-d.ak.fbcdn.net/hphotos-ak-ash4/306512_230396507058978_476648346_n.jpg
اسم الصفحه يجنن يا فاتى هههههههههههههههه
هههههههههههه انتى اول مرة تعرفى الصفحة دى ههههههه
اسمها شاعرى اوووى.
فتوووووووووووووش
شلونك؟
زينة يا ندوش.
شلونك انتى؟؟
سلمت عليكى فى موضوع مدام الجفالى.
فتوووووش
لسه شايفاه .. تسلمين يالفري انا بخير .. وحشتيني .
شيرين .. ام حمزه .. هو انت شيرين المصريه ؟
ازيك ؟.. انت داخله من غير مرحبه او السلام عليكم انا زعلانه منك خالص .. ازيك ياجميل وازي حموزه .. بوساتي من خالتو .
ازيك يا نادوووووووووو؟؟
معلش يا روح قلبى انا اسفه حقك عليا
اه يا فاتى اول مرة اسمع عن الصفحه دى ..اسمها يجنن
للاسف مضطره امشى دلوقتى
فتكواااا بعافية يا عساسيل
انا قصدى اسم الصفحه انا اخوان انا …………….. هههه
فى احداث محمد محمود السنه اللى فاتت استشهد 40 شاب من خيرة شباب مصر
ربنا يرحمهم
اين القصاص يا مرسى؟؟؟؟؟؟؟؟
وكيف يسقط شهداء فى عهدك اذا كنت مرشح الثورة؟؟؟؟
يقصدون بالتدرب في صربيا جمعية canvas التى دربت كثيرا من شباب العالم العربى على سياسة الانقلابات البيضاء ما سمى في المنطقة بالربيع العربى فيما بعد ………………..الجزائر
هى فين يا كمال ياخويا صربيا دى ؟؟
قبل الاعداديه ولا بعد الاعدادية؟؟؟؟؟؟؟؟؟؟؟؟؟
هاااااااها بعد الاعدادية يا شيرين من جمهوريات البلقان التى بدأت فيها الانقلابات ع الحكم …………..الجزائر
شكرا فاتي للموضوع…الله يرحمه برحمته,,اللهم صبر اهله….!
لكن مادخل مرسي بقتله؟ يمكن هذا العمل مقصود من جماعة شفيق…!
او اي ظابط لايريد مرسي في الحكم….!
الله ينصرك يامرسي وينور طريقك…لانك على طريق الحق…!
الله احفظ مصر من الثعابين المتخفية…وفي اركان الدولة!!!!!
هو الحقيقة جماعة مرسى اللى ليها دخل، بتقول عنه وعن الشباب اللى زيه انهم بلطجية.
الله ينصرك يا مصر، ويبعد عنك مرسى وجماعة الاخوان.
فاتى قبل مامشى فيه تصريح لبديع على المصرى اليوم النهارده بيقول : لا مانع لعمل مخيمات للغزاويين فى سينا
شفتى بديع بيتكلم بثقه ازاى وكأنه هو الريس !!!!!
http://www.almasryalyoum.com/node/1258241
والله يا ست شيرين اقراي المقال كامل غير منقوص من شان نعرف قال ايه مش تنقلي اللي عاجبك بس
اما بالنسبه لغزه حكيتللك اياها في السابق في ال 2008 حصل ما هو افضع وابشع حيث وصل عدد الشهداء الى اكثر من الف والجرحى الى 10 الالاف ولم ياتي احد الى سينا او غير سينا
كنت اريد ان ارى هذا الحقد على المخلوع عندما اقفل المعابر واعلن الحرب على غزه من القاهره ومنع قوافل المساعدات ومنع الوفود الطبيه من الدخول الى غزه والا ايه رايك
شكلك مكنتش بتعلق ع الجريده قبل الثورة يا صابر بيه
انا محدش كان بيقطع فى فروة المخلوع قدى ..كنت طالعة نازلة شتيمه فيه
واسأل كل القدامى ع نورت
دا حتى صاحبيتى الحاضر الغائب كوكى عادل كانت بتقولى ان اخرى سجن القناطر
انا عمرى فى حياتى وربى يشهد ماشكرت فى حسنى مبارك والحمد لله كنت فى التحرير مع ولاد بلدى وان كنت نزلت متأخر بعد موقعة الجمل بيوم واحد بس اسأل اى حد مصرى حيقولك ان الزخم الاكبر كان بعد موقعة الجمل يعنى ناس كتير اتأخرت فى النزول زيي
لما يتعاقبوا الشرطيين اللي قتلوا خالد سعيد عمدا بالتعذيب و قتها حعرف ان عجلة العدل بدأت تدور
الله يرحمهم جميعاً
مرحبا الأخوه والأخوات جميعا ….
.
المشاكل والأختلافات اللي بين الناس نابعه من سبب واحد ( بسبب هذا الشئ ..يوجد صراع وحب وكراهية
هذا الشئ إذا صلح …صلح الجسد كله …وإذا فسد …فسد الجسد كله
طبعا أكيد كلكم عرفتوه …. وهو القلب
.
كلنا نحمل قلب واحد …. أربع غرف …. ومع ذلك فالفرق بين القلب والأخر ..ربما يكون بين السماء والأرض
فهناك من يحمل قلب حي …..وهناك من يحمل قلب مريض … أو ربما هناك الكثير من يسير ويعيش ويأكل ويشرب وينام ولكنه يحمل قلب ميت .
.
هذه المقدمة …ربما تفسر أشياء كثيره …نحتار في تفسيرها
وخلاصة ما أقول … أن الأنسان الذي يحمل قلب مملؤ بالإيمان واليقين … هو قلب حي … يعيش في طاعة الله وحمايته …. ويرى الأمور برؤية واضحه لإنه يرى بنور الله .. عفيف اللسان محب للجميع لايكره أحد . فلاخوف عليه ولايحزن أبدا …دائما مبتسم … لإنه راضي دائما بما يقسمه الله له … وعنده اليقين أن الله دائما يقضي بالخير …حتى ولو كان ظاهره محزن أو فيه بلاء
.
الأن ….ندخل في الموضوع
ممكن أسأل صاحبة الموضوع …. ما الذي يجعل المتظاهرين يذهبوا الى أماكن حيوية وهامه
لماذا لا يتظاهر في ميدان التحرير …,هو رمز الحرية والثوره
.
لماذا يذهب ويحاول أن يحرق أو يهد هذه المنشأت الحيوية
وهل الحراس يظلوا اكتين حتى يتم حرق المكان بهم
لو جاء أحد الى بيتك …وحاول أقتحامه أو حرقه …. هل تتركيه
ربما تسكتي وهو يسب ويهتف ضدك …ولكن عندما يحاول أن يصيبك بضرر …فلابد هنا من الوقوف ضده …حتى ولو وصل الأمر أن اصيبه أو أقتله ..,لا أجعله يدمر مكان مكلف بالملايين وسقوط ذلك المكان يعتبر اشاعة الفوضى في البلاد ..
كلنا جميعا نعلم أن المظاهرات تبدأ بالهتافات …ثم بواسطة عناصر مخربه لها أهداف أخرى …تبدأ في مهاجمة الشرطة ورجال الأمن ….. ويحاول أن يؤذي من يدافع عنا وعن البلد
وهذا رجل الأمن المسكين هو مسلم وله أسرة …فكيف اهاجمه والقي حجارة عليه ومواد مشتعله
ثم عندما يدافع عن نفسه ….. تقوم القيامة … ونصفهم ابشع الوصاف
.
كلنا نرى صبر هؤلاء المجندين على المتظاهرين …وكيف يظل واقف وهو يحمي نفسه وراء درع زجاجي …يصبر بالساعات ….ولا يمس أحد يسمع السباب والهتفات القذره …,لايتحرك .
.
ولكن عندما يقترب المتظاهرين منه …وتبدأ محاولة التحرش به أو اختراق الموقع الذي يحرسه
هنا يبدأ يتحرك ….
.
ولهذا …يا أخواني
أي متظاهر مات أمام وزارة الداخليه أو مبني وزارة الدفاع ….. لايعتبر شهيد
وأنما يعتبر منتحر ….
نريد أن نكون عادلين ومنصفين …ولو كان الجندي الذي يحمي هذه المنشأت أخيك أو أبيك
لعرفت كم هؤلاء المتظاهرين اشرار واصحاب نيات سيئه واهدافهم دنيئة لمحاولة سقوط بلده
وتعطيل مصالح اخوانه ….
.
هل المباني والمنشات التي تم حرقها …اليست من أموال الشعب …وهو يتعدى عليها
وأصلحها يعتبر عبأ جديد على الدولة
.
لماذا يهدم …ويحرق … ويخرب ….لماذا
هل هذا يعتبر مواطن مصري ..أم مواطن صهيوني ..عندما يهاجم منشأت بلده
.
من يريد أن يتظاهر ….فالميدان موجود ….والكاميرات معه تصوره ليظهر إنه بطل ..وتشاور عليه الفتيات ….هذا رامبو الذي لايخاف
خلاصة القول …. هذا فعلا بلطجي أو شاب مضحوك على عقله …. أو شاب أراد الظهور أمام الكاميرات ليتم تصويره ويراه أصحابه واقاربه …ويقول عنه بطل ..وإذا أصيب فهناك مبالغ تدفع له
وان مات فيعتقد واهله انه شهيد وسوف تخلد مصر ذكراه
.
الشهداء هم من سقطوا في ميدان التحرير …. وأي انسان مات بعد نجاح الرئيس …لايعتبر شهيد
وإنما فعلا بلطجي …لايحب بلده …خرج ليؤذي ويهدم وتظهر شجاعته أمام الفتيات …وتتهاتف الفضائيات لتصوره ويقال شاب ثوري ….
يا سراج روح الله يسامحك
علاء كان طبيب المستشفى الميدانى بالتحرير وقت احداث محمد محمود
راعى ضميرك واتقى الله
انت بقيت اسوأ من رجالة الحزب الوطنى يا رجل
الله يسامحنا جميعا
يا شيرين ..تقولي إنه كان طبيب المستشفى الميداني بالتحرير وقت أحداث محمد محمود …. والتقرير المنشور يقول إنه استشهد أمام مجلس الوزراء
فسر لي أي القولين أصدق
.
هذا شاب تم خداعه ..وهناك من أفهمه إنه ناشط ثوري …
ولكن الصحافه والفضائيات والفيس بوك سوف تصور منه ملاك شهيد بطلاً كان يتبرع بأكله للفقراء يصوم بالليل والنهار ويفطر على كلمة بحبك ي مصر
سوف يتم نسج قصص مؤثرة لبطل …. ولكن قتله مرسي
.
إنها لاتعمي الأبصار …وأنما تعمي القلوب التي في الصدور
وما أكثرهم …
.
يا سراج، لشهيد عبد الهادى، كان طبيب متطوع فى المستشفى الميدانى بداية من احداث الثورة، ومروراً بكافة الاحداث التى شهدتها مصر، وكان متواجد كطبيب اسعاف فى احداث محمد محمود، ومن بعدها استشهد فى احداث مجلس الوزراء.
فعلا انها لا تعمى الابصار، وانما تعمى القلوب التى فى الصدور، وما اكثركم.
كيف كان طبيب …وهو مازال طالب يدرس
هل كان يتدرب في المصابين ,,,,,
.
ثم إنه مات قبل أن يتولى مرسي الرئاسة …
.
وقرارات مرسي الأخيرة ترجع الحق لإصحابه وتحاكم القتلة …فلماذا التظاهر الأن في محمد محمود
.
حمضين صباحي كومبارس السينما ….فشل في ‘دارة جريدة الكرامة وهبطت مبيعاتها …فهل يستطيع إدارة مصر بأكملها …أم إنه سوف يشغل الشباب والبنات في أفلام خالد يوسف ويسرا والهام شاهين
.
أخيرا …
أعترفتي أخيرا …,وصدقتي كلامي …. أنها تعمي القلوب التي في الصدور …فمتى تبصري حتى تشاهدي نور الحق ….
ايه ده هو انت مارحتش ميدان التحرير وقت المظاهرات ولا يه؟؟
ماتعرفش انه فيه مدنيين لم يدرسوا الطب كانوا بيساعدوا فى نجده ومساعدة المصابييين؟؟؟
ده اى واحد منا كانوا بيدوله فى المدرسة كورسات الاسعاف السريع، يعنى هايبقى صعب على طالب فى كلية الطب فى الفرقة الخامسة مساعدة المصابين.
نعم هو فعلا لم يمت فى عهد مرسى امون رع… لكنه مات فى عهد العسكر اللى اتحالفتم معاهم على البلد والثوار، وقولتم على خيرة شباب مصر الى قتلوا ومازالوا يقتلوا بانهم بلطجية… فبلاش مزايدات على الثورة، ولعب بدماء الشهداء لتمكين الاخوان من البلد.
اه انا معترفة من زمان انها تعمى القلوب التى فى الصدور… لانى شيفاكم يا اخوانجية منتهى عمى البصيرة عندكم لا حدود له.
حسبنا الله ونعم الوكيل فيكم.
لماذا الاخوان والسلفيين تظاهروا امام وازرة الدفاع بلعباسية منذ ما يقرب من العام؟ ووقتها بعضهم اعتدى على ضباط الجيش وحصلت اشتباكات بينهم كما حدث فى محمد محمود؟؟؟
لماذا اختار مرسى وزير الداخلية الحالى؟
لماذا ضرب الاخووان المتظاهرين فى جمعة اسقاط النائب العام، وذهبوا الى اماكن تجمع تظاهرات التيار المدنى عن عمد، وتناوشوا معهم وبعدها، انكروا نزولهم، مع ان اتوبيساتهم كانت فى الميدان لتؤكد تواجدهم وتعمدهم التناوش مع ابناء بلدهم؟
لماذا تظاهر الاخوان
بعد سقوط مبارك …لم يتظاهر الأخوان خارج ميدان التحرير
المتظاهرون في العباسية كانوا تبع الشيخ حازم أبو اسماعيل وليسوا الاخوان
.
حمدين صباحي مازال يحلم بكرسي الرئاسة …. وهو من يحرك هذه التيارات وطبعا بأوامر من شفيق واعمدة الفساد في النظام السابق
دائما نظلم الأخوان …ونلقي عليهم التهم الباطله
حمدين والبردعى وغيرهم من المعارضين هايفضلوا شوكة فى جسدكم يا سراج.
وانا متوقعة ان الخطوة القادمة من فرعونك مرسى هو تحديد اقامتهم، هذا اذا لم تقم عناصركم الكامنة بتصفيتهم.
الشهداء هم من سقطوا في ميدان التحرير …. وأي انسان مات بعد نجاح الرئيس …لايعتبر شهيد
وإنما فعلا بلطجي …لايحب بلده …خرج ليؤذي ويهدم وتظهر شجاعته أمام الفتيات …وتتهاتف الفضائيات لتصوره ويقال شاب ثوري
ـــــــــــــــــــــــ
فعلا واضح ان الدكتور علاء عبد الهادى بلطجى، علشان كده قررت اعرف الناس طبيعة البلطجية اللى بيموتوا فى عهد الاخوان.
بس خاليك فاكر جملتك اللى نسختها دى، لان الايام دول، واكيد اكيد هايجى يوم يتظاهر فيه الاخوان، وتحصل مناوشات وحد منهم يموت، ووقتها هانسخ كلامك ده وهانردده، ماهو انتم القدوة اللى لازم نقتدى بيكم.
الله يرحمة و يغفر لنا وله
و يجعل مثواه الجنه و يصبر أهله على مصابهم
لاحول ولا قوة الا بالله العلي العظيم
إنا لله وإنا اليه راجعون
هد ا مسكين وجه الخروف الله يرحمة و يغفر لنا وله
و يجعل مثواه الجنه و يصبر أهله على مصابهم
لاحول ولا قوة الا بالله العلي العظيم
إنا لله وإنا اليه راجعون
اما انت يا ارهابي سيراج الاحديه ماعندكش في قلبك راحمه وتزيد تقول اقتولو ولاد بلادك يا ارهابي
الله يرحمة و يغفر لنا وله
و يجعل مثواه الجنه و يصبر أهله على مصابهم kif elkoun 3in td7akou bsaf7it shahid men baldkoun lzem bas td3oulou bra7mi w sabr l2hlou
عندك حق يا اخت badi3a
وعفواً على هذا التجاوز… تحياتى.
والله انا كمان مش قصدى
رحمه الله وانشاء الله تعود مصر قلب العروبة بمواقفها الواضحة والصريحة وتكون اما للجميع
فاتى ‘شيرين المصريـــــــه 3fwan ya e5weti ana b7bkoun w b7ib ahil maser lafadil
هلا فيكى أختbadi3a، وتسلمى من كل سوء.
الله يرحمة ويصبر اهلة
الصورة الام اللى ارسلتيها ياشرين قطعت قلبى الله يصبرها على فراقه
يارب ارحم جميع امواتنا
شكرا فاتى
ألله يرحمه ويرحم كل شهداؤنا
الله يرحمه
أنا من أول الناس الذين هاجموا هذا الموغسي وعصابته وكنت أعلم أن هذه ستكون أفعالهم والبعض من المختلين عقليا هنا هاجمونى لأعتقادهم أنى أهاجم دينه وليس هو وعصابته وعبائتهم الذين يختبئون تحتها
مش كل من قال الله أكبر أصبح نبي متى تتعلمون أن الشعب هو من يعانى من أختياراته هو بنفسه..أتعلموا كيف تختارون لأنكم وحدكم من تدفعون الثمن
يا حراااااااام الله يرحمه و يصبر امه عليه من شكله باين انه ابن ناس الله ينتقم من اللي كان السبب في قتله شهيد بادن الله
الله يرحمه ويغفرله ويجعل مثواه الجنة ويصبر أمه على فراقه يارب
ويرجع الأمن والسلام لمصر الحبيبة وشكراً فاتي
هشام قنديل رئيس الوزراء يخيّر الشعب بين القبول بالقرارات المتمثلة في الإعلان الدستوري التي يصفها بأنها تبني الوطن والتي اعترضت عليها كل القوى السياسية، وبين الهدم والدمّ!
وقت الثورة الدكتاتور مبارك خيّرنا بين بقاءه وبين الفوضى. كمّلنا اعتصام في ميدان التحرير وميادين مصر، وأثبتنا للعالم كله ان الشعب المصري قادر يكمّل ثورته لأنها أكبر من تهديدات دكتاتور مجرم لا يفهم أن وجوده مبني بالأساس على رضا الشعب وقبوله، وانتصرت ثورتنا وأعاقها وجود العسكر وقوانينهم التي أربكت المرحلة الانتقالية وكمّلنا ثورتنا وقاومنا في محمد محمود 2011 محاولة تأجيل الانتخابات الرئاسيّة وسقط أكثر من 45 شهيد وأكثر من ألف جريح ليقرّ موعد انتخابات الرئاسة ويُلغى تأجيلها ويصل محمد مرسي لرئاسة الجمهوريّة.
ويُصْدَر إعلان دستوري بغير توافق مع القوى السياسيّة يشوبه عوار قانوني، ويعترض عليه القضاة ومرشّحوا الرئاسة السابقين والأحزاب السياسيّة والحركات الشبابيّة، ويخرج علينا رئيس الوزراء هشام قنديل ليخيّرنا بين القبول بالقرارات أو الدمّ والهدم!
لغة النظام الدكتاتوري الذي أسقطه الشعب تُنطق على لسان رئيس وزراء حكومة الثورة، ودم المواطنين يُستهان به ليكون بديلا عن رفض القرارات.
هل يعتذر رئيس الوزراء؟ هل يستقيل اعتذارا على تصريحه؟ هل يستدعيه الرئيس لسؤاله عن مقصده بين تخيير المصريين بين الموافقة على الإعلان الدستوري وبين الهدم والدمّ؟ هل نُعيد أخطاء الماضي بلا تعلّم؟
قام الشعب بالثورة ليكون للمواطنين صوت، ولتكون قرارات الرئيس وخططه مبنيّة على اجماع المواطنين لأننا في مرحلة انتقالية هدفها بناء نظام جديد، حرّ وديموقراطي يحقق مطالب الثورة: عيش.. حريّة.. عدالة اجتماعيّة. وليس الاستفراد بالقرار والاستعلاء على رأي المخالفين.
وكأن الثورة لم تقمْ…
منقـــــــــــــول.
استقاله الشاعر فاروق جويده من منصبه كمستشار للرئيس
ههههههههههه ومين هو فاروق جويده …..ده ياله شاعر لا راح ولاجه
من شهور والمنافقين بينسحبوا ….وبعدين يعيطوا ويقولوا اللجنة التأسيسية اغلبيتها أخوان
طيب ما أنتم اللي انسحبتم …… حاجة تجنن
.
والحمد لله أن هؤلاء المنافقين بينسحبوا ….لإن الله يريد لمصر أن يصنع دستورها أناس أنقياء طاهرين …ولايوجد فيهم منافق أو مريض قلبه أو حاقد أو أعمى البصيره
.
فاروق جويدة الشاعر المحترم مش عاجبك.
لماذا التقليل والانقاص من الاخرين؟!
لكن لا عجب، فهذا هو أسلوب الاخوانجية… مش جديد عليكم.
اولا …. فاروق جويدة لم يكن مستشار للرئيس … وأنما كان في اللجنة التأسيسية للدستور …
وكان يمدح في الدستور …ثم انسحب مع المنافقين لتسقط باقي اللجنة التأسيسية …. ( وهذا من فضل الله …حتى تتطهر اللجنه من المنافقين )
.
ثم عمل إيه لمصر سي فاروق …. شوية أشعار …. يعني لم يخترع شئ مفيد أو يبني ويضع طوبة في مبنى ..
يعني من الأخر بياع كلام …بعد ما بيوزنه … ويعمل بيت شعر من الهواء ..
فاروق جويدة لم يكن مستشار من مستشارى مرسى؟!!!!!!!
الشاعرفاروق ججويدة من ضمن الفريق الرئاسى لمرسى… روح ذاكر كويس يا سراج.
وللمرة التانية جماعتكم من مبادئها تسفيه وتحقير الاخرين؟!!!!!!!!!!!!!!
الله يحفظ مصر شعب ووطن!!! امين
اااااااااااااااااااااااااااااااااااااااااااااااااااااااآميييييييييييييييييييييييين يا رب العالمين
آمين الله يهدي النفوس
دريم 2
صفوت حجازي
الثورة عملها الاخوان وخلصت
ومجموعة المتظاهرين عملاء واعضاء في احزاب ذات مصالح
مفيش ثورة تانية
ـــــــــــــــــــــ
الكذب عنى عينك سبحان الله، قال عملوها الاخوان. قال!
هههههه يا فاتي …. قبل الثورة كانت فيه مظاهرات كل كام يوم ( 6 ابريل وكفايه وطلبة الجامعه …ولكنها محددوة ….ويتم تفرقها بسرعه والقبض على منظميها
ولكن عندما نجحت مظاهرات تونس وهرب رئيسها بن علي …اعطت الأمل لشعب مصر أن الصمود سوف يأتي بنجاح
ولهذا خرجت جموع الشعب المصري ومعهم الفصيل المنظم ( الأخوان المسلمين )
وهناك مقطع على اليوتيوب على لسان ألد أعداء الاخوان المسلمين ( نجيب ساويروس ) يقول بلسانه
لولا وجود شباب الأخوان المسلمين في الميدان ما نجحت الثورة .
.
وهذا حق …ولكن الكارهين يكذبوا على انفسهم
بل أن المجلس العسكري …حاول أن يمسك البلد بيد من حديد …ويخرج وثائق تعطيه الهيمنه مثل وثيقة السلمي …ولم يقف أمامها إلا الأخوان المسلمين
واسقطت الاعلان الدستوري للمجلس العسكري الذي كان يجعل مصر تحت الأحتلال العسكري …ويبقى الرئيس طرطور .
.
وسؤالي ….لماذا لم تخرج هذه القوى والتيارات المنافقه ضد الاعلان الدستوري للمجلس العسكري
.
أخيرا
سوف تسقط الاقنعه عن هؤلاء المنافقين …,ويعرف الشعب المصري بأكمله …أن الموجودين في الميدان الأن هم أعداء مصر الحقيقيين ….والكارهين للأسلام والدين ويحبوا ان تشيع الفاحشة في الارض يساندهم الفنانات والمنافقين واعداء مصر من الخارج
صح بدليل انه بديع قبلها مباشرة قال “لن نشارك فى التظاهرات”.
وقبلها كان مرشدكم بيدعوا الناس لمبايعة جمال مبارك ههههههههه
لولا وجود شباب مصر وخاصة الالتراس لما نجحت الثورة المصرية بلا تلفيق وكذب كعادتكم.
اما عن حركات 6 ابريل وكفاية لم تكن مجرد مظاهرات يتم تفريقها بسهولة… ولو فرضنا جدلاً، فهم رجال ونساء وشباب طلعوا وعرضوا حياتهم للخطر، علشان بلدهم.
كفاكم تضليل وكذب يا سراج، اتقوا الله.
هههههههه ضحكتنى جداً، وثيقة السلمى لم يقف امامها سوى الاخوان؟؟؟ اكيد وقفتوا ضدها لانها تعارض مصالحكم فقط لا غير.
اضحكوا على الغلابة اللى بتدوهم زيت وسكر وشاى… مش علينااااااااااا.
شيرين، تعالى شفى الفيديو ده وقوليلى عبد الله بدر بيقول ايه كده؟
http://www.youtube.com/watch?feature=player_embedded&v=SubqzxROPvo
بلطجـــــــــى رقم 2:
الشهيد الشيخ عماد عفت.
توفى فى أحداث مجلس الوزراء، يوم 16/12/2011
شيخ ازهرى ثورى، خرج ليساند الثوار، فقتلوه وقالوا عنه…
http://www.facebook.com/photo.php?fbid=450366385029772&set=a.176861142380299.46432.161556980577382&type=1&theater
http://www.facebook.com/photo.php?fbid=521397291218908&set=a.515471771811460.117646.515466621811975&type=1&theater
رحم الله الشيخ عماد واسكنه فسيح جناته
فتوتى ازيك؟
التصويت كان اخباره ايه امبارح؟
انتى كنتى فى اللجنه اللى صوت فيها خيرت الشاطر؟؟
اهلا شيرى، اخبارك انت ايه؟
لجنتى كانت كويسة وفاية تقريبا الغريب انه رحت الصبح وبرغم ان اللجنة كانت فاضية لكن الصندوق كان مليان.
اما اللجنتين اللى كانوا فى نفسى المدرسة اللى فيها لجنتى كان الزحام خرافى… ولجنة ماما ياحرام كانت مكبوسة على اخرها للاسف.
لا الحمد لله ماكنتش فى لجنة هذا الشاطر جاته الهم، بس الستات قاموا معاه بالوجب ههههه
يكفى كلمة يا قاتل اللى كانوا بيقولوها له.
اقصد فاضية تقريبا لما جيت اصوت كنت انا وبعدى دخلت بنت واللجنة كانت بتهش
اللجنه كانت بتهش والصندوق كان مليان ؟؟؟؟؟؟؟؟؟؟؟؟؟؟؟!!!
يا خــــــــــــــــــــــرابى !
انتى صوتى فى المدرسه بتاعة كل مرة صح؟؟
انا كل مرة بصوت فى العمرانية والمرادى حصوت فى بولاق !!!!!!!!
اه انا صووتت فى نفس المدرسة وفى نفس اللجنة اللى صوتت فيها فى انتخابات الرئاسة والشعب.
اللى اتغير بس هو رقمى فى الكشوف.
http://sphotos-d.ak.fbcdn.net/hphotos-ak-prn1/s480x480/528387_548008258545739_709089508_n.png
فتوتى …بيقولك واحد بيسأل صاحبه:هو اللى بيحصل فى مصر دا مخطط من الخارج؟؟
قاله : لأ دا مشجر من الداخل ^_^
ههههههههههههههههههههههه
فاتى دا فيديو عن الشهيد علاء(بلجى رقم 1)
حاجة تقطع القلب
ربنا يرحمه
http://www.youtube.com/watch?feature=player_embedded&v=T84oVyO0yvQ#!
إنا لله وإنا إليه راجعون، ربنا يصبر أهله ياااارب.
هى حاجة تقطع القلب ياشيرى، لكن نياله، ونحسبه عند الله من الشهداء.
أنا بقيت مقتنعة تماما بالجملة دى يا شيرين:
ماات من يستحق أن يعيش، ليحيا من يستحق أن يموت.
شعر اسود فى القبور وشعر ابيض على الكراسى
وانا لله وانا اليه راجعون
بلطجـــــــى رقم 3
جابر صلاح جيكا… ينتمى لحركة 6 إبريل المعارضة… انتخب مرسى فى جولة الاعادة لازاحة شفيق، ونزل يحتفل بفوز مرسى على شفيق.
قتل جيكا مؤخراً برصاصة فى الرأس، فى ذكرى احداث محمد محمود الاخيرة، وقالوا عنه انه بلطجى.
ملحوظة:
جيكا كان ادمن صفحة ضد الاخوان باسم”معاً ضد الاخوان”.
وامبارح النيابة حفظت التحيق فى مقتل جيكا، والفاعل “مجهـول”.
https://www.facebook.com/photo.php?fbid=334390656665971&set=pcb.334390686665968&type=1&theater
https://www.facebook.com/photo.php?fbid=334390626665974&set=pcb.334390686665968&type=1&theater
بلطجــــــى رقم 4
محمد كريستى:
قتل برصاصة فى احداث اليومين الاخيرة، وهو ادمن صفحة باسم “اخوان كاذبون”.
هو طالب فى كليه تجارة.
https://www.facebook.com/photo.php?fbid=496624313716704&set=a.424274030951733.93511.418805481498588&type=1&theater
بلطجــــــى 5:
محمد الجندى، اختفى من كام اسبوع، وبعد قترة من اختفاءه عرف اصدقاءه انه متواجد بمستشفى الهلال بدعوى انه عمل حادثة.
الطب الشرعى اثبت انه مات نتيجة التعذيب.
مع العلم ان محمد الجندى عضو “بالتيار الشعبى”.
https://www.facebook.com/photo.php?fbid=334393956665641&set=a.107515009353538.8881.100002851192827&type=1&theater
فاتى انا قلبى محروق ع الناس دى
احلى شباب فى البلد حسبى الله ونعم الوكيل
فاتى بالراحه كده بالله عليكى
ليه مانقولشى ان استهداف الشباب دول بعينهم مؤامرة لالصاق التهمة بالاسلاميين باعتبار انهم المستفيدين من موتهم او اختفائهم ولكى فى تونس دليل ..
فى تونس اغتيل علمانى لكى يقول الرأى العام ان من فعلها حزب النهضة الاسلامى
فاتى مش عايزين نكون جزء من المؤامرة
وهل انا اثق فى جماعة بتكدب عينى عينك بداية من رئيسها؟!
وبعدين شيوخ الاخوانجية المتاسلمين بيحرضوا عينى عينك على قتل كل من يخالف مرسى، ولم نسمع من الجماعة ولا رئيسها ولا حتى مرسى ونائبه الخاص اى رد فعل على العبث ده… يكفى فيديوهات الارهابى وجدى غنيم يا شيرين.
ولكى فى تعليقات سراج دليل على انه العنف هم اللى بيتبنوه.
واوعى والنبى تقوليلى الفلول… لانه الاخوان والفلول دلوقتى سمن على عسل.
كفاية ان الاخوانجية بيقولوا على الشباب دول بلطجية… ويكفى ان مرات مرسى وهم بيتقتلوا فى الشوارع كانت فى زيارة ترفهية لطابا… ده غير انها لما تقدم واجب العزاء، راحت تعزى فى اسلام لان خاله اخوانى، ومافكرتش انها تعزى جيكا.
برغم ان الاول من سكان دمنهور، والتانى من سكان عابدين بالقاهرة.
انتى سمعتى تصريحات بعض ضباك الشرطة مؤخرا واللى قالوا فيها انه مليشيات الاخوان هم من ارتدى ملابس رسمية لسحل الموطنينين ومنهم حماده صابر؟
ماسمعتيش ضابط تامين القصر الرئاسى ايام اشتباكات الاتحادية مع معتز الدمرداش لما دخل فى مكالمة تليفونية، وقال”انه الاخوان هم من ارسلوا مليشياتهم لضرب المعتصمين السلمين، وهانقدم ادلة على ان الاخوان هم من قتل وضرب”؟؟؟
الضابط ده راح فين يا شيرين دلوقتى؟ سمعتى عنه شئ؟ روحى اسمعى الفيديو اللى اتكلم فيه مع معتز الدمرداش وقوليلى رايك.
وليه مابيكونش اللى بيحصل فى مصر وتونس من تخطيطهم لانهم هايقولوا زيك كده، وهاتبقى دى حجتهم.
اه انتى عرفتى بموضوع ال250 مليون دولار بتوع قطر لحماس لحماية مرسى وشرعيته؟؟؟ هاتقوليلى ده اعلام الفلول الللى بيروج كده.
هاقولك اعلام الفلول ده هو الى قال ان حماس والاخوان هم من فتح السجون وقت الثورة، وكلنا ضحكنا على الكلام ده وقتها وقولنا ايه العبط ده؟؟؟؟؟؟؟؟
وهو هو نفسه الاعلام اللى طلع قال وقت ما مرسى اترشح، انه اول شئ هايعمله الاخوان هو بيع او تمكين قطر من قناة السويس… وقتها الاخوان قعدوا يقولوا كدب… وتمر الايام ونكتشف ان الكلام صحيح… والدليل الصكوك.
الاهم بئا، انى بحط صور الشهداء دوووول لانهم بيقولوا عنهم بلطجية… يعنى لسه ما اتهمتهمش بانهم المتسببين فى قتلهم، فليه اعتبرتى انه اتهام ليهم؟؟؟
شيرى، عرفتى ان النائب الخاص نقل المستشار مصطفى خاطر للصعيد علشان رفض الضغوط اللى كانت على حمادة المسحوووول؟
مش خايفة يا بنتى على نفسك وبلدك من نظام فيه نائب خاص لمرسى وجماعته وبيمارسوا الممارسات دى كلها.
مؤامرة ايه يا شيرين ههههه يا حبيبتى المؤامرة بقت واقع خلاص وتمت بالفعل، واركان المؤامرة دى الاخوان والفلول وقطر والصهاينة.
ناس بتبعتلك بلطجية مدربين لارهاب البنات فى ميدان التحرير، ولسه بنتكلم عن المؤامرة… يا الهى.
https://www.facebook.com/photo.php?fbid=496636863715449&set=a.424274030951733.93511.418805481498588&type=1&theater
خلاص يا فاتى مابقتش عارفة اصدق مين
اقعد معاكى اصدقك اقعد مع الاخوان يعملولى غسيل مخ
يبقى الحل انى اقعد مع نفسى شوية ولا اسمع من ده ولا اسمع من ده
مابقتش عارفه مصلحة بلدى مع مين وواضح اصلا ان كل طرف عايز مصلحته
لكى الله يا مصر
وانت ليه يا شيرين تسمعى ليهم او لينا؟! وليه حالة التردد اللى انتى فيها دى، فيه ناس كتير محتارة زىك بس مش كل يوم برأى.
المفروض يكون موقفك نابع من قناعتك ومشاهداتك وحكمك على الامور، انتى دكتورة يعنى ماينفعش تسلمى مخك لاى طرف من الاطراف لانه مفترض انك مثقفة وواعية وتعرفى تحكمى وتوزنى الامور بنفسك بدون ضغط من ده او ده.