كلاكيـــت .. من ذكريات الثورة

فى رمضان 2011 قام أحمد الشحات بإنزال العلم الإسرائيلي من على

السفارة الاسرائيلية بالقاهرة ورفع مكانه العلم المصري ،

وكانت هذه المكالمة بين السفير الإسرائيلي ونتنياهو بعد نزع العلم

–        * آلو .. مين ؟

–        ** أنا السفير كوهين

–        * أهلاً ، صباح الخير يا كوهين

–        ** صباح الخير يا ريس

–        * بلاش ريس دي ، مش بتفائل بيها ، انت شفت اللى حصل لمبارك

–        ** حاضر يا ريس

–        * ارغي

–        ** حاجةغريبة حصلت ، النهاردة الصبح حلقت دقني وركبت ميكروباص الجيزة عشان أروح الشغل .. طلعت السفارة ..

 ببص من الشباك مالقيتش العلم بتاعنا .

–        * مالقتش العلم بتاعنا ؟ أومال لقيت ايه ؟

–        ** لقيت علم مصر

–        * إزاي الكلام ده

–        ** والتوراة زي مابقولك يا ريس

–        * ماتحلفش يا كوهين

–        ** يا ريس بقولك والتوراة .. مش مصدقني ليه ؟

–        * دي شكلها هلاوس يا كوهين .. انت مش انت وانت جعان

–        ** طب والنعمة ده اللى حصل

–        * ايه ده .. أنا شايف الخبر قدامي أهو .. أحمد الشحات طلع

عشرين دور .. إبن الجنية .

·       مش قلت لك

·       والكلام ده .. حصل امتي ؟

·       امبارح بالليل

·       ومكلمنتيش ليه فى ساعتها ؟ جاي تكلمنى الصبح

·       ماهي يا ريس الساعة المجانية بتاعة فودافون ماكانتش نزلت

·       طب السفارة كده من غير علم ، وفقدت هويتها ..

مافيش أى علم تاني نحطه ؟

·       طب والعلم الصغير اللى على مكتبك ؟

·       ماهو امبارح وأنا بالحمام كانت المية مقطوعة ومالقيتش

مناديل تواليت بالحمام فإستعملته .

·       آه يا كوهين يا رمة ، طب اطبع خلفية اللابتوب بتاعك وحطها

·       معقولة يا ريس ، أحط صورة بالبيكيني

·       طب بص ، مش مهم العلم ، خذ بالك انت بس من نفسك لحد

مانبعت نجيبك

·       هتجيبوني ازاى يا ريس ، ده أنا فى الدور العشرين ومش عارف أنزل .

·       فعلاً دي مشكلة

·       طب ماعندكوش ناس تطلع الطلعة بتاعة أحمد الشحات

·       لأ .. عندنا ناس بس بتعمل السحبة بتاع مايكل جاكسون

·       والحل ؟ إسمع هأبعت لك فرقة صاعقة ينزلوك بس أهم

حاجة يكون الأسانسير شغال وبمروحة عشان مابقوش

يتسلقوا زي زمان .

·       هو فيه صاعقة بيركبوا أسانسيرات ؟

·       ماقولنا مش قادرين يتسلقوا .. عندهم تسلخات بالفخذين

·       تسلخات ؟

·       آه

·       ليه .. هي بوكسراتهم ايه ؟

·       شمعونيل

·       طب ماتخليهم يجربوا قطونيل ؟

·       ده عند أم نبيل

·       قطونيل كويس يا ريس ، وحماية بردو .. النهاردة أخدوا العلم

ماحدش عارف بكرة يأخدوا ايه تاني ؟

·       خلينا فى المهم

·       طب والعمل يا ريس ؟

·       أنا بقول نفجر السفارة ونغسل عارنا بإيدينا

·       هتموتوني يا ريس

·       ماتقلقش يا كوهين ، هتبقى بطل ، ومافيش عذاب قبر فى رمضان ، هتصحى تلاقى نفسك فى جهنم على طول ..

·       أنا سامع دوشة عندك يا ريس ، ايه الدوشة دي ؟

·       دي المظاهرات بيهتفوا ..

·       بيهتفوا ؟

·       بيقولوا الشعب والوساد ايد واحدة ، ونتنياهو مع نفسه

شفت يا كوهين ، أنا أبقى مع نفسي ..

·       طب وهتعمل ايه ؟

·       هانزل وحدات من الجيش وطيارات اف 16 وقنابل مسيلة

للعياط .

·       طب أنا هأشوف صرفة واجيلك بكرة يا ريس

·       ليه ؟

·       هاتصور مع الدبابات

·       الدبابات رجعت مكانها ، فيه قنابل عنقودية وغازات سامة

·       خلاص يبقى اتصور مع المهلبيات قصدي المجندات

·       خلاص ماشى

·       هاسيبك بقى يا ريس عشان الساعة المجانية بتاعة فودافون

قربت تخلص .

·       باي يا كوهين 

·       بايباي يا ريس

” إغلاق الستار “