مهما طال البعاد

جاني انسان يسأل عن حالي ومستغرب ليه مخاوي أحزاني

و ليه ما أعيش عمري الغالي ويقول ليه من جرحك تعاني

قلت يا الغالـي أنا مجــروح

و من القهـــر مذبــوح

ويــن مـن الحـزن أروح

اشـلـون أشـكي وأنـوح

كيـف أول حب يـــروح

.. واللـه محال أنسـاه ..

قال يـا الغالي ليه ومـن يكون

وليـه تحبــه لمـرحلة الجنون

من باعـك بيعه بلا شجـون

عيش حيـاتك ولا تصير حنون

انسى الماضي وفكر كيف تكون

.. واللـه بسهوله بتنسـاه ..

قلت والله انـه يحبني و يهوانـي بس ما أدري ايش اللي حصل

قـال لا توهم نفسك وتعانـي لو يحبك كان على الأقل يتصل

.. والله مايستاهل انك تهـواه ..

قلت ساعدني ما أقدر أنســاه اشلون و قلبي مايبـي سـواه

قـال ساعد نفسك و بتنسـاه قوي قلبك واترك الماضي وراه

.. مابتوقف الدنيا بدونه وبتـعيش بليـاه ..

قـال ياالغالي انسان بـاع الحــب

وكلامـه كان كله كذب في كـذب

و بعد هذا تقول نسيانـه صعــب

ما يستاهل عشانه تعيش في تعــب

اذا كان فعـلا يبيـك كان عالأقل يجيــك

والظاهر انه ما يبيـك لأنه ما يسأل عليـك

خلاص الحل ياالغالـي انك تنسـى

وتقوّي قلبك وياليت بعد لو تقسـى

حرام تضيّع شبابك على شي مايسوى

.. عيش حياتك وبتلقى اللي تستاهل هـواه ..

جرحتني ورحت عني وياحظك نسيـت جرحتني وجرحـك الين الحين يبكينـي

خلاص رحت عني يعني خلاص مليـت؟ خلاص ماتفكر فينـي خلاص ماتبينـي؟

ماتوقعت أنجرح وأستاهل اللي عطيـت ماتوقعت يهـون عليك عذابي وأنينـي

ماتوقعت اني أنجرح منك وما هجيـت ولا توقعت يجـي منك شي مايرضينـي

خساره خاب فيك ظنـي اللي ظنيـت وماتت ثقتي بكل الناس اللي حولينـي

ليه غير الكذب و الوهم منك مالقيـت ليه تظلمني وأنا أهديتك صادق حنينـي

رويتك حبي وغير جرحك ما ارتويـت صدقت معك بس ليه بكذبك تجازينـي

أنا وفيت و أنت لعبت فيني و تسليـت وماعمري توقعت انك بتخيب ظنينـي

بعت كل الناس وغيـرك ما اشتريـت وأنت بعتني وخليتهـم يتشمتوا فينـي

أنا عشقتك بجنـون وغيرك ما حبيـت وأنت ماحبيت غير نفسك يامشقينـي

أنت اللي اخترت البعد وعني صديـت وجرحتني وجرحك الين الحين يبكينـي

ومن جرحك بكيت وأنت ماحسيـت ومن كثر البكا دمـوع عيني تشكينـي

وصلت للمووت وأنت عني مادريـت ولا حتى فكرت ياظالم تسأل عني وينـي

خلاص أنا من جروحك والله انتهيـت ومن جروحك كرهت أيامي و سنينـي

اخترتك و أنا أعترف اني والله خطيـت وندمان بس وايش يفيد الندم ياعينـي

يا للأسف قتلت حلمـي اللي تمنيـت وما صرت الحبيب اللي تمنيته يخاوينـي

والله ماني مصدق كأني بحلم وصحيـت معقولـه تجرحني ومن جرحك تدمينـي

بس ربنا موجود وأنـا والله ما نسيـت انـه من مرض جرحك راح يشفينـي

إننا أحياناً قد نعتاد الحزن حتى يصبح جزءاً منا
ونصير جزءاً منه وفي بعض الأحيان تعتاد عين الإنسان
على بعض الألوان ويفقد القدرة على أن يرى غيرها ولو أنه
حاول أن يرى ما حوله لأكتشف
أن اللون الأسود جميل ولكن الأبيض أجمل منه
وأن لون السماء الرمادي يحرك المشاعر والخيال
ولكن لون السماء أصفى في زرقته فابحث عن الصفاء ولو كان لحظة
وابحث عن الوفاء ولو كان متعباً و شاقاً
وتمسك بخيوط الشمس حتى ولو كانت بعيده
ولا تترك قلبك ومشاعرك وأيامك لأشياء ضاع زمانها

وما زالت دموعي تسألني
عندما يسود الصمت

عندما يترنم الحزن على وجهي
عندما تخرج اهات حزني

عندما تنفجر الدموع من عيوني
عندا اتذكر اني سأفارق من احب

تحاكيني انهار دموعي لماذا هذا البكاء
فأجيب بصوت خافتً يرتجف هذا من حيرتي وخوفي من فراقه

يرتجف جسدي من البرد وانا لا املك سوى هذا البكاء
احسست بدقات قلبي المتناقصه

جمدت احاسيسي .. ازدادت دموعي
لم تعد تهمني هذه الحياة

فما حاجتي لهذه الحياة وهاانا الان اعيش الحرمان
واي حرمان ؟؟فانا اعرف اننا سنستسلم للفراق

ومازالت دموعي تسألني
ولماذا الفراق ؟؟ولماذا بسببه كرهتي الحياة

فأجبت هذه هي الحياه
اتريدينني ان ابتسم لها وهي لم تدعني اعيش بقرب من احب

وحكمت علي بفراق من احب
قالت او تقدرين على فراقه

اجبت .. كيف اقدر على فراق من علمني معنى الحياه
لمن رسمت في عينيه احلى الامنيات

لمن يواسيني اذا ضاقت بي هذه الحياه
لمن اوجد في دنياي طعم الهناء
لمن جعل من حياتي اجمل واعذب الهمسات

layla2
بكل صراحة ياليلى من زمان بعيد لم اقرأ مثل هذا الكلام المملوء بالمشاعر والاحساس المبدع, قرأته ثلاث مرات وعجبني هذا الشعر جدا, واللهي العظيم اقول الحقيقة وليست مجاملة, أحسنتي ياليلى