مرسلة من صديقة الموقع koky adel

للشاعر احمد فؤاد نجم

بَحِبِّكْ يا مصرْ..

وبعشقْ ترابكْ.
وألِفْ المداينْ..
وأرْجعْ لبابِكْ.
وأحِسْ بكياني..
وكرامتي فْ رحابِكْ.

يقولوا فقيرة..
يقولوا أسيرة..
بشوفِكْ أميرة..
وأحبِّكْ يا مصرْ.

بحبِّكْ ملاية.. ومنديلْ بِقُويا.
مقالبْ من أختي.. وغتَاتة مْنْ أخويا.
ودعوة مِنْ أمي… تنسينى همِّي..
وحِكْمَة مْنْ أبويا.
وأحبِّكْ صبيِّة.. على البحرْ جايَّة..
في ساعةْ عصَاري.
ونسمة قُبَالْها.. تطيَّرْ في شالْها..
تبَيِّنْ جمالها.. وتِرجعْ تداري.
وأحبِّكْ مراكبْ.. تعدِّى إللِّي راكبْ..
لبرْ الأمانْ.
يدوبْ جوَّا نيلكْ.. ويعطشْ يجيلكْ..
يقوللِّكْ كمانْ.

وأقابلِكْ ببُوسة.. في زفِّةْ عروسة..
ولَمَّة في بيتنا..
مع ولادْ حارتْنا..
تدُقْ المزاهرْ.. ترُدْ المزامرْ..
تزَغْردْ جارتْنا.
نهلِّلْ.. نغنى..
وحلمْ التمنِّي..
ينورْ ليليتنا.
وأحبِّك زيارة لبيتْ عمْ سيدْ…
ده أصله فقير مِشْ حيقْدرْ يعَيِّدْ..
نعَيِّدْ عليه.. نفرَّحْ عنِيهْ..
ويدعيلْنا دعوة بمليونْ جنيه.

في أرضِكْ يحِسْ الغريبْ إنُّه مصري..
وإحنا الأجانبْ.
ويلْقَى الرعايةْ.. ويلْقَى الحمايةْ..
على كلْ جانبْ.
ويمشى ف ربوعِكْ.. ويشبعْ بجوعِكْ..
ويعملْ مصايبْ.
ويرحلْ وينسى.. جِميلِكْ ويقْسَى..
ويطْلَعْ يعايبْ.
ويرْجعْ تسامْحي.. يا ساكنة فْ ملامحي..
يا سِتْ الحبايبْ.

ولادِكْ بَنُوكي.. بروحْهُمْ فَدُوكي..
ويِشْهدْ عليهمْ ترابكْ في سينا.
ومنهُمْ با عوكي.. عشانْ الشِيروكِي..
وفيللَّا فْ مارينا.
يعيشوا في خيرِكْ.. ويدُّوهْ لغيركْ..
ولادْ اللَّذِينا.
ولوْ جارْ زمانْهمْ.. يعودُوا لْمكانهمْ..
يلاقوا السَكينَةْ.
وتِنْسِى جحودْهمْ.. وتبكي عليهمْ..
عنيكي الحزينةْ.

في أرضكْ سرَحْتْ.. فشَلْتْ ونَجَحْتْ..
وعشْتْ بْبساطَةْ.
صاحِبتْ الحمَامْ.. ونِمْتْ فْ سلامْ..
ولوَْ عَ البلاطةْ.
تِغَيَّرْ في شَكلي..همومي ومشَاكْلي..
لكِنْ روحي لأْ.
أعَبَّرْ بغنْوةْ.. وأقولْ نُكتةْ حلوةْ..
لكِنْ يأسْ لأْ.
ما طيقْشْ الغَتاتةْ..
وقلبي المسالمْ ما يعرفْ شّماتةْ..
وأقولْ بالتلاتةْ..
بَحِبِّكْ يا مصرْ..

شارك الخبر:

شارك برأيك

‫270 تعليق

  1. خوليو استلمت رسالتك وبعثت لك رسالة شي حلوي
    شو بدك…انام ولا ابقى صباحي اليوم

  2. مي انا بعد شوي عندي شغل….نامي وريحي وبعدين اشوفك
    تودي انت تموني اعملي شو بدك
    انا رايح بعدين اشوفكم

  3. خوليو بعثتلك شي يفتح نفسك من الصبح ويعملك نشاط وحيوية ويفتح نفسك على الاكل…على ايميلك

  4. اي صح مصر ام دنيا!!!!!!!!!!!!!!!!!!! غزا مش من بقية ولادك يا مصر؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    بلادكن حبوهااااااا متل ما بدكن
    بس نظامهاااااااااااااااااااااااا بينحب؟؟؟؟؟؟؟؟؟؟؟؟؟؟؟؟؟؟؟؟

  5. منتقدة، عمرك ماشفتى عربى بيحب مصر، اسمحيلى يعنى انتى جلالتك تعرف 180 مليون عربى، غريبة والله، بس واضح انك ما بتشوفيش كويس
    ياريت تروحى لدكتور عيون. احنا عارفين ان فيه كتير من العرب ما بيحبوناش، لكن هناك القلة التى تحبنا ياسيتى.
    اما بالنسبة للغرور والتعالى، فاعتقد اللى عنده عقدة نقص هو الذى يشعر بأن الاخر يتعالى عليه. واعتقد اننا كمصريين متواجدين هنا، لم يشعر احد الاعضاء منا بتعالى. وبعدين من حقنا نفتخر ببلدنا، ومانفتخرش ليه؟
    عموما كلامك فى النقطة دى وضحلى حاجات كتيرة قوى.
    اما بالنسبة لبلد راعية لما قد تفوهتى به، احب اقولك اللى بلده بترعى الكلام ده، هم اللى بعرفوا اصحاب ا ل د ع ا رة و ال ف سق.
    بنحبك يا مصر رغم انف الحاقدين.

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *