أنا مؤيد لبشار:

لا انت فعلا ، شبيح ، مخبر ، و حسابنا معك بعد ما يسقط النظام .. رح ندعسك “لك تفو عليك”..

طيب خلص انا معارض لبشار : يا عيب الشوم عليك يا خاين الوطن ، مندس، عميل جهات خارجية .. لازمك دعس “لك تفو عليك”..

طيب معناتا ان
ا محايد : له ، لك انت مكروه من الطرفين، ﻷن الحياة مواقف و انت لازم تحدد موقفك ( يا عيب الشوم يا مذبذب).. “لك تفو عليك”..

أخي أنا من جماعة الحل السلمي : طبعا ما انت جبان ، و دم الشهداء برقبتك ليوم الدين ، و لازم تاخد بالتار ، يا عيب الشوم “لك تفو عليك”..

طيب خلص روق انا من جماعة الحل العسكري : انت مجرم بلا أخلاق لأنو ما بكفيك اللي استشهدوا لهلأ ! يا قاتل يا سفاح “لك تفو عليك”..

أنا ضد تسليح المعارضة : اي يعني شو بدك يانا نموت و نحنا ساكتين مثلا !! يا عيب الشوم عليك “لك تفو عليك”..

طيب انا مع تسليح المعارضة : اي شو بدك يصير بالبلد حرب أهلية ؟ لعما انت ما بتفهم “لك تفو عليك”..

أنا أصلاً ضد التدخل الخارجي : لك حبيبي لأيمتا ؟ فهام اذا ما كبرت ما بتصغر و هالنظام بدو الناتو لحتى يسقط لك انت بضل غشيم !! “لك تفو عليك”..

طيب انا مع التدخل الخارجي : بالله شو !!
بدك تجيب المستعمر ع بلدك على طبق من دهب ! “لك تفو عليك”..

طيب انا قررت هاجر : يا عيب الشوم عليك شو البلد أوتيل اذا ما عجبتك الخدمة بتسافر ! خليك انقبر هون .. “لك تفو عليك”..

طيب انا قررت ضل هون لشوف شو آخرتا : شو مجنون انت ؟ معقول تضل ! اتخيل حالك تموت من ليبي بالأخير أو من ارهابي بتروح ببلاش .. أو تخيل تموت بشي قذيفة من الجيش انت و بيتك .. شو بتستفيد يا غبي !! “لك تفو عليك”..


شارك الخبر:

شارك برأيك

‫16 تعليق

  1. هههههههههههههههههههههههههههههههههههاي
    يعني في كل الأحوال سيقولون له ”لك ت ف و عليك” …
    إرضاء الناس غاية لا تدرك..
    أقترح عليه: إذا سألوه يقول لهم انا أجنبي مش من البلد دي..
    لكن الخوف لو يقولوا له : إنت جاسوس للمخابرات الأجنبية..
    خلاص احسن حل: يقول أن من كوكب آخر غير الأرض..

    1. هذا الموضوع فكرني في حكاية جحا و ابنه و ا ل ح م ا ر..
      مر جحا و ابنه راكبان حمارا على قرية..
      فسمع جحا اهل القرية يقولون: هذا الرجل و ابنه عديما الإنسانية ..هل الحمار الصغير المسكين يقدر على حملهما معا؟؟؟؟
      نزل ابن جحا عن الحمار و ظل جحا راكبا.. فسمع ناس ثانية من نفس القرية يقولون: هذا الرجل قاسي القلب..يترك طفلا صغيرا يمشي على قدميه متعبا و عوده مازال طريا..
      نزل جحا و ركب ابنه الحمار..سمعوا فئة أخرى تقول: هذا الصبي عاق لوالده.. كيف يترك أباه و هو شيخ كبير يمشي بينما هو صبي في مقتبل عمره راكبا!!!!
      نزل جحا و ابنه يمشيان على قدميهما.. سمعوا فئة أخرى تقول: هذا الرجل و ابنه احمقان..لماذا وجدت ا ل ح م ي ر ؟؟ سوى ليركب عليها الناس..
      حينها قال جحا لابنه:
      أرأيت يا بني؟؟ إرضاء الناس غاية لا تدرك أبدااااا..

  2. شو انت ؟؟؟ انت واحد لازمك دروس في الدبلوماسية العربية ( النفاق )و التعامل ….حتى ترضي الناس و يقولوا عنك محترم…
    لا زم قبل ما تدلي بآرائك هاته…. ان تدرس نوعية الناس لي جالس وسطهم و تعرف اتجاهاتهم .. و آراءهم آراءك يجب ان تكون مرنة تشكلها متى أردت و بناء عليه صرح بآرائك التي يجب ان تكون مطابقة لآراء هم حتى تسلم من لسانهم و اذيتهم و يبطلو يتفلو عليك ههههه و تكون شخص محترم في نظرهم و مواقفك سليمة….
    هذا ان كنت وسط مجموعة عندها نفس الآراء اما إذا كانت تشكيلة آراء فلزم الصمت و ان طلبوا رأيك اعمل حالك مجنون ههههه

    1. صباح الخير فوزية..واش اخبارك آختي؟؟
      كلشي لاباس؟؟
      ايوا تبارك الله عليك ا فوزفوز..راكي وليتي مجهدة ..
      خمسة و خميس عليك..
      إنتي بتزاكري من ورانا؟؟ ههههههههههاي

      1. صباح النور و البنور مريومة ….حمد الله كلشي لاباس ان شا الله انت بألف خير …..ههههه ضحكتيني هذشي تعلمتو من مدرستي الحلوة نونو ههههه

  3. لأول مرة تكتب شيئا نتفق عليه هه

    للأسف الشديد هذا هو الوضع حقا في سوريا الآن لكن مازلت عند رأيي أن المتسبب الأول في كل هذه الدوامة المروعة هو النظام الذي لم يقدر في البداية الوضع كما ينبغي وسمح لنفسه بالسخرية والاستهانة بالقضية .

    1. اذا كان المتسبب النظام فلماذا لم يقطع عليه الطريق ويقبل الحوار معه قبلوا الحوار مع اسرائيل ولم يحاوروه جاهدوا في سوريا وتركو فلسطين افتو لسوريا وسكتوا عن فلسطين استخدموا اسلحة النظام ووسائله ودمروا الجسور والمنشات والسدود وبلاخر ليس المشكلة ان نقول من السبب لان البلد احترق وامتلا بالحواجز المختلفة الدينية والعقائدية والعسكرية وضاعت الحرية لانهم لا يبحثون عنها الا في توجيهات دينية خارجية ولو ارادوا خيرا للبلد لجلسو وحاور الاسد من اول ثلاثة اشهر عندما الغى الطوارىء والغى الحزب الواحد وفتح الاعلام حينها لو كانت المعارضة ترغب بحقن الدماء فعلا لجلست وحاورت كطرف سلمي لا كطرف مسلح كالذي يحدث الان هكذا يقول اغلب السوريين

  4. مع الأسف يا الياس الإنسان الواضح لا يرتاح البعض اليه
    الناس بمعظمهم يحبون و يعزون من يتملقهم و من يواجههم يصبح مغضوباً عليه
    أتفهم خوفك كمسيحي مما يجري في بلدك سوريا
    أنا شخصياً لدي مخاوف كثيرة
    اتمنى ان تنتهي الحرب بأسرع وقت و ان لا تتكرر التجربة المصرية و أن لا تدخل سوريا في نفقٍ مماثل

  5. يوميات معارض
    بعد ان اصابت رصاصته الثاقبة راس المحكوم عليه بالموت انزوى جانبا واشعل سيكارته الحمراء
    – مدري كان بيستاهل او ما بيستاهل
    – لا لا اكيد كان بيستاهل
    – مدري كان مجوز مدري لا , عندو ولاد , كم ولد , ويمكن يكون لسا خاطب , ويمكن يكون مو خرج نسوان اصلا
    – لك دخلك شو الفرق ما هوي مات , يعني راحت علي , يعني نقصت هالبلد واحد , انا شو فارقة معي
    – ما كانت تخلص هالسيكارة لقوم شفلي حدا تاني بس نشالله يكون بيستاهل……..مبلا اكيد لح يكون بيستاهل……..
    – بيستاهل…….بيستاهل…………بيستاهل

  6. يوميات ضابط
    بعد أن ضغط على زر اطلاق صاروخ السكود انزوى جانباً وأشعل سيكارته الحمراء
    – مدري كانوا بيستاهلوا او ما بيستاهلوا
    – لالا أكيد كانوا بيستاهلوا
    – مدري في مجوزين مدري لا .. يمكن في أولاد .. ويمكن في خاطبين .. ويمكن في مو خرج خطبة ولا زيجة …
    – لك دخلك شو الفرق .. ماهنن ماتوا .. ونقصت هالبلد حارة او حي أو ضيعه .. أنا شو فارقه معي ..
    – ما كانت تخلص هالسيكارة لقوم شفلي ضيعه تانية بس يكونوا بيستاهلوا .. مبلا أكيد لح يكونوا بيستاهلوا …
    – بيستاهلوا … بيستاهلوا …….. بيستاهلوا ……

  7. اظهرت صور نشرها الجيش الحر استيلاءه على كميات كبيرة من الصواريخ المضادة للطائرات ورادارات، بالإضافة إلى ذخائر وآليات وذلك في موقع كتيبة السهوة في درعا التي سيطر عليها أمس الخميس، والتي توصف بأنها أضخم كتائب النظام في سوريا.
    وحقق الجيش الحر عدداً من الانتصارات الاستراتيجية على الأرض خلال الأسبوع الماضي، منها استيلاؤه على حقل نفطي في محافظة الحسكة شرقي البلاد. اوالاكيد انه يتقن استخدام الصواريخ وخاصة انهم تدربو في ليبيا وافغانستان والسلاح لم يعد حكرا لاحد وخاصة الحدود التركية المفتوحة للمسلحين

  8. المنطقة التي يدخلها الجيش الحر, تموت و تكون بداية التعاسة على أهلها, و لكن هل السبب هو الجيش الحر؟ ليسَ تماما,, بل السبب هو الجيش السوري, و لكن هنا نقول,, إذا لما يدخلها الجيش الحر إذا كان الموت مصيرها؟؟؟ و يرفض السياسيون المعارضون الحل السلمي و التفاوض و الحوار؟؟ لما يريدون الموت للشعب؟؟ لما يريدون المتاجرة بدماء الشعب لصالحهم و ليس لصالح الشعب؟ هم يريدون الموت للشعب و للأطفال و كل طفل سوري يموت هو مادة دسمة جداً تعود لهم بالخير !! هي فعلأ مؤامرة على الشعب السوري بقيادة المعارضة الخارجية و داعميها و العضلات هي حرب الجيش الحر العشوائية !

  9. هو حال الجميع في كل الدنيا فمن النادر ان تجد من يتقبل الرأي الآخر في اي مكان في الدنيا ليس فقط في العالم العربي وسوريا مع الفارق ان في سوريا عندما يختلف طرفين في الرأي فإن النتيجه تكون رصاصه في الرأس!
    والرصاصه مع الأسف لا تفرق بين كبير وصغير إمرأه أو رجل!!
    حقيقه منذ فتره طويل إتخذت رأي المحايد فلا أعرف من الصائب ومن المخطئ!
    تخلصنا في مصر من الحزب الواطي وإبتلينا بالإخوان
    فالخيار من سئ الي أسواء فربما إن تخلصت سوريا من ظلم وقهر بشار وحزب البعث سقطت في براثن الطائفيه والفوضويه!!
    لأول مره أكون سلبي في حياتي ولا يكون لدي وجهه نظر محدده!!
    تحياتي لكل من سبقني بالتعليق

  10. اول ما شفت العنوان “شو انا” فكرت أخونا الفلاحي كاتب هالمقال ورح يكون الموضوع عن انو انا الإنسان ههههههه
    بس يا أخ إلياس فعلا كلامك هوي واقعنا ما حدا راضي يسمع لحدا او يشوف شو هواجسه وكل طرف منتظر انو النصر الو بالنهاية وما بدو يشارك باقي الأطراف بالبلد….. الفكر الالغائي بامتياز…انا بدعي دايما الله ينور عقول كل الأطراف ويغلبو المصالح العليا للوطن على مصالحهم الشخصية الدنيئة …..

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *