سخر الاعلامي اكرم حسني ،المعروف باسم “أبو حفيظة” عبر أوبريت “المصريين أهمه” الجديد من احوال المصريين.
وقال أبوحفيظة أن “الموضة الفكرية” هي التي تحرك المصريين، مضيفا، “الحاجة بتنتشر تلاقي المصريين جايين فيها وش، ومعظم اهتماماتهم ليست مفيدة، دبسماش أو مسلسلات تركي أو برامج اكتشاف المواهب، أو حتى تحدي الثلج، الذي تحول من تحدي خير لناس عايزة تبل بعضها وخلاص”.
وتقول كلمات الأغنية الساخرة “المصريين أهمه.. بقى ينفع كده بالذمة.. بنموت في الهلس ومش فالحين..المصريين أهمه.. بنحب الزيطة واللمة.. في الأى كلام تلاقينا جايين..المصرى منين ما يشوف الهلس عليه يجرى.. دايما بيقول الهلس أعمله بصباع رجلى.. هتقوله يمين تلاقيه بيروح.. هتقوله شمال تلاقيه بيروح.. ماشى مع الموضه وقشطة يا مان.. فيس بوكه طول اليوم مفتوح.. والكاندى كرش عنده إدمان.. المصرى مسمع برة ولا زيه في أي مجرة”.