نشر الفنان السوري عبد الكريم حمدان صوراً عبر صفحته الخاصة على احد مواقع التواصل الإجتماعي، توضّح آثار الدمار التي خلفها القصف على منزل عائلته والشارع الذي تربى به في مدينة حلب بسوريا.

وأعلن حمدان أن القصف ادى الى تدمير المنزل بالكامل، حيث أنها المرة الثانية التي يتم قصفه فيها، كما وجّه رسالة مؤثرة كتب فيها: “هي المرة التانية الي بينقصف فيها بيتي وبيت أهلي بس هل المرة ماضل شي فوق الأرض، هي سوريا مالها اسرائيل، افهموا ياناس كل مرة بقول أنا فنان وما بدي أحكي بشي أله علاقة بالسياسة على مبدأ أنو خلينا ندعي بالمحبة والتسامح و الخير لهالبلد اللي خرب ولسه نحن عم نتقاتل على أنو هاد مؤيد و هاد معارض بس انك تشوف البيت اللي تربيت فيه والحارة اللي لعبت على ارضها واللي كنت لما توقع ما كان غير هالأرض تحملك وتشيلك بحنانها صار حتى هو عالأرض و صار العمار تراب”.

وتابع: “بتبكي من كل قلبك على شقا عمرك و عمر أهلك وأجدادك لحتى يأمنوا لك بيت تسكن فيه ويأويك بفرحك وحزنك وجرحك و ألمك اي حب و اي تسامح و أي خير لسه بده الواحد يدعي أله ارحموا من في الأرض يرحمكم من في السماء طبعآ هاد اذا بتعرفوا شي أسمه محبة ولا خير لهالبلد ما كفاكن خراب لهالبيوت وتشريد وقتل لهالناس شو بدكن لسه!!”.

وأضاف حمدان “بيوت وحارات ما فيها حدا لا مؤيد ولا معارض حتى ما سلمت منكن ومن شركن شو بده الواحد لسه يحكي حسبنا الله عليكم بس هالبيت متله متل بيوت السوريين وما حيكون احجاره اغلى من قطرة دم طفل او جرح أم او دمعة شيخ و حرقة قلب أب تتهنوا بحجاره و حجار كل بيت سوري لأنه رح نرجع نعمره على قبوركن يا عديمين الرحمة”.

شارك الخبر:

شارك برأيك

‫17 تعليق

  1. سوريا كلهاراتدمرت ماجتش على بيتك..
    الله يدمر بشار هو سبب كل بلاويكم

  2. لا حول ولا قوة الا بالله العلي العظيم..
    البلد دمرت اصبحت خراب لم يبقى منها شئ..
    اين سوريا وناسها واهلها..

  3. لا يا سيرينا مو بشار سبب بلاوينا الارهاب سبب بلاوينا كنا عايشين 40 سنه ما في بيت اتخرب او جامع تهدم اوكنيسه او شيخ انقتل او طفل جاع حاجه كرمال الرب تركونا بحالنا وكل واحد يلتهي بهمو وببلدو حاجه تدعو على فلان وعلى علان بكفي

  4. لاحول ولا قوة الا بالله
    وبعدين مع اللي يسير
    الله يجازي اللي كان السبب منك لله يابشار الأسد عليك من الله ما تستحق

  5. ههههههههههههههههه من زمان سوريا مهدمة من وقت استلمو ال الجحش .. هلأ وقفت ع دمار البيوت … بيت الأسد هدمو الإنسان و الحضارة و هدمو الحياة السياسية و الإقتصادية .. حطموا الأنسان السوري بالدولة الأمنية و المخابراتية و كتم الأنفاس و هلأ عم يمارس النظام العتيد سياسة التجويع و التركيع .. يلي عم عاجبو الوضع من 40 سنة ما بيفهم شي غير التماهي بالظلم و الإحساس بالدونية يلي عشش فيه و بفكره .. يا سيدي بشار احسن رئيس و ما عد بدنا ياه .. بدنا تداول سلطة و بدنا نكون قاعدين بشي مطعم و نشوف الرئيس السابق مثلاً و نقول ليكو الرئيس فلان يلي كان من سنتين رئيس .. ما عد بدنا التخلف العقلي تبع بيت الأسد ..

  6. وبشار الاسد هو اللي اكل لحم البشر؟
    بشار هو اللي ذبح الاطفار باحضان ابائهم وامهاتهم؟
    بشار هو اللي قتل الفتاة خنقا بحبل لانعندها حساب فيس بوك ؟
    بشار هو اللي ذبح الام قدام ابنها ؟
    بشار هو اللي خاطف الراهبات من الدير لحد هسه ؟
    خلوا الله بين عيونكم واحكوا واتذكروا لما داعش لو جيش الخر او جبهه الكسره راح تمنعكم تحكوا نت اللي هسه حاطين رجل على رجل وبتحكوا فيه
    سيرينا والله ما تطلعي من البيت لو جاك داعش
    حسبي الله ونعم الوكيل بكل منافق افاق كذاب

  7. بس بيتك اللي اتدمر …محافظات باكملها تدمرت وتخربت وصارت مدن انقاض وأشباح كله حتى هالأبن الحرام بشار يبقى على كرسيه ويحكم سوريا وكانها الورث اللي خلف أبوه ريته يلحق باللي خلفه عن قريب وبمساعدة دجال المقاومة النجس الخاين وأوباش العراق ومجوس إيران ربنا يمحيهم عن وجه الأرض …سوريا بعد هالدمار والخراب محتاجه على الأقل 10 سنيين حتى ترجع توقف شوي على رجليها …إن شالله عن قريب منخلص من هالمجرم والكلاب اللي معه وترجع سوريا للسوريين ونرجع نعمرها يارب

  8. بشار هو يلي سلخ جلد الطفلة يلي بحمص وهو يلي ذبح اطفال الحولة و عمل المجازر الكبيرة ,,, أي نعم يا سيدي خليك عو تتغنى ببشارك و تدافع عنو لأنك متلو انت ..
    بشار هو يلي شوه اظفال درعا و هو يلي عم يرمي البراميل المتفجرة ع المدنيين بحجة مكافحة الارهاب و.. بشارك الكلب هو يلي ضرب الكيماوي ع الشعب الأعزل يا يلي عم تدافع عنو .. ..هو يلي خلع اظافر علي فرزات و سجن كبار المتقفين بالبلد و طفش العقول النيرة بمحاربتو … و اخيرا و ليس اخرا .. داعش من مفرزات بشارك الملاك يا هدا .. و اكل لحوم البشر هنن شبيحتك و رجال الأمن تبع بشارك .. بشار هو يلي اغتصب النساء.. بس خليكن ساكنين بخوفكن من نظام الدكتاتور .. يلي ما مر ع البشرية انجس منو ؟…

  9. ابو تراب، ليش كل الأطياف بسوريا ما أكلت لحوم بعض خلال الاف السنين؟ اي سوري شريف راح يحكي لأمثالك انه ظلم اي سوري بريئ اجرام حتى لو كان الظالم اعتى المقاومين ضد النظام، فيك انت تأجرم اللي عم يدخن بالمروحية و هو عم يدفش برميل الموت على القرى اللي تحت (مصور بالفيديو لا تحكيلي انه عند النصرة مروحيات) تعرف انه هالبراميل قتلت عشرات الالاف، فيك تحكي لمعلمك و تاج رأسك و ولي نعمتك انه أجرم، أخطئ، معقول واحد هو و ابوه حكموا ٤٠ سنة و ما ارتكبوا اي خطئ؟ الله لا يهديك خليك على بصيرتك ليوم الحساب.

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *