كشفت الفنانة المصرية مي كساب عن العديد من الأسرار والكواليس الخاصة بحياتها الشخصية.
وأكدت خلال استضافتها في برنامج “مع دودي” الذي تقدمه الإعلامية دعاء صلاح على قناة “النهار”، أنها “من الشخصيات اللي ما بعرفش أستسلم للاكتئاب ولا التشاؤم، ولا أي حاجة بتديني طاقة سلبية، ممكن الحالة دي تسيطر عليّ دقايق ومتأخدش في حياتي أكبر من كده، وعلى طول لازم أتغلب عليها”.
وتطرقت مي لعلاقة الرجل بالمرأة قائلة: “عندي وجهة نظر أنثوية بحته، دائما الرجل يكون السبب في الأمور اللي الستات بتقلق وتخاف منها، في رجل يخلي حياتك حلوة وآخر يخلي حياتك وحشة، والست كائن ضعيف وطول الوقت حياتها مرتبطة بهذا الرجل وده ممكن يخليها فرحانة أو زعلانة أو غير ذلك”.
وعن رأيها في الحسد قائلة: “بخاف من الحسد، وحصلي كتير في حياتي، وأنا بولّد لقيت أصحابي بيصورني، وماكنتش مركزة، وجه والدي قالي غلط، فقعدت يوم زيادة في المستشفى وتعبت جدا وحصلتلي حاجة مش طبيعية”.
وعن زوجها المطرب الشعبي “أوكا” قالت: “زوجي عاقل وهادئ وبارد، وأنا بعكسه، ومش هادية ومش بستحمل، وهو عكسي تماما وعلى عكس ما يبدو”.