قالت الفنانة رنا سماحة، إن محمد صلاح العزب، مؤلف مسلسلها الرمضاني الجديد «أزمة نسب»، لم يكن مقتنعا بموهبتها الفنية نهائيًا في أول لقاء بينهما.
وأضافت «رنا»، عبر حسابها الرسمي بموقع التواصل الاجتماعي «تويتر»، مساء اليوم الخميس: «محمد صلاح العزب ده مؤلف المسلسل ما كانش مقتنع بيا نهائيا، كان بيقول إني مش بعرف أمثل وقالي كده في أول مقابلة بنا وكنت متضايقة جدا».
وتابعت: «من تاني مقابلة بدأ يشوف الحاجات اللي عملتها كليباتي ساعتها قالي كان لازم أشوف الحاجات دي من زمان».
وقالت: «ومن ساعتها والعزب من أكتر الناس اللي بتشجعني، وطبعا الفنانة زينة كانت مصممة على وجودي في المسلسل رغم كل ده».
مسلسل «أزمة نسب» بطولة زينة، محمود عبدالمغني، دينا، ريم البارودي، وليد فواز، رنا سماحة، ومن تأليف محمد صلاح العزب، وإخراج سعيد حامد.