نشرت الفنانة المصرية ” زينة ” صورة عبر حسابها على موقع الصور والفيديوهات ” إنستجرام ” لوالدها الراحل توجه من خلالها رسالة إليه تعاتبه على رحيله عنها .
فكتبت في تعليقها على الصورة قائلة : ” من كتر ما أنا بحبك نفسي أعاتبك إني بقالي 12 سنة مشوفتكش وكأنه بإيدك يا أبويا استغفر الله العظيم اللهم لا اعتراض .. إنت ارتحت وأنا اللي بموت كل يوم من غيرك يا بابا .. إنت أكيد مبسوط بس أنا لا ” .
وتابعت : ” المهم راحتك بس وحشتني أوي ومفيش طعم لحاجة من غيرك صايصة كده وملهاش لازمة الدنيا .. الله يرحمك ويعفو عنك في الجنة ونعيمها ويارب يكون بيوصلك سلامي ودعائي .. وتكون عارف إن زي ما أنت عشت علشاني أنا واخواتي إحنا كمان عايشين علشانك ” .
وأضافت زينة : ” دلوقتي إخواتي أحلى ذكرى من ريحتك وصلبك يا غالي .. أرجوا منكم الدعاء بالرحمة والمغفرة لأغلى مخلوق في قلبي وعقلي أبويا ويرحم كل أب يا رب ” .