ردّت الفنانة الكويتية شمس على اتهامها بإهانة عامل مصري يعمل في منزلها ووصفت منتقديها بـ ” المعفنين”.
ونشرت شمس مقطع فيديو قالت خلاله: “لكل الصحافة والدنيا اللي قالت فنانة كويتية تهين عامل مصري، اسمعوا رد الشخص ده على اللي اتقال”.
ووجهت الكلام إلى العامل قائلة: “قريت يا أيمن الموضوع ده”، فأجابها: “أيوة قريته وعندي تعليقات كتير على الموضوع ده…أولا المدام شمس إنسانة محترمة وفي قمة الأخلاق ومشهورة وليها جمهورها”.
وتابع: “وطبعًا مفيش حد بيعمل كده مع جنايني وبيبقى متواضع معاه ويتصور جنبه إلا عشان هي متواضعة وكويسة”.
وقالت شمس: “قصدت أوريكم قد إيه في ناس حقيرين..لأن أنا في أول الفيديو قلت أيمن ده ابني.. ولما بمزح معاه بقوله كلب وحقير وهو بيتقبل عشان عارف إني بمزح ودي عادتي مع اللي أحبه”. واختتمت حديثها، قائلة: “فاخرسوا يا معفنين.. يلي بقيتوا فجأة ملائكة ومثاليين”.
وقال العامل: “هي بتعاملني أكتر من ابنها، ونأكل على سفرة واحدة.. وأي حد بيتكلم على الفنانة شمس وانتقدها بقولهم أنتم تتمنوا تبقوا مكاني وأنتم تنتقدوا حاجات ملكوش دعوة بيها، شمس دي أمي وبتعاملني مش كواحد شغال عندها وأكبر دليل اللي أنتم شايفينوا ده”.
وكان الفنانة شمس واجهت موجة انتقادات بعد ظهورها في مقطع فيديو نشرته عبر “سناب شات” مستلقية في حديقة الفيلا وبجوارها العامل المصري الذي طلبت منه مشاركتها في تحية جمهورها.
وبسبب صمت العامل بعد ظهوره في الكاميرا، قالت: “أيمن أخرس بالمناسبة”، وتابعت: “هو مش بس الجنايني هو بيسويلي كل شيء أريده”.
وطلبت شمس من العامل المصري إبداء رأيه الشخصي فيها، فقال: “فنانة محترمة وأخلاق عالية”، لترد عليه: “هادي المزايا فين العيوب؟!! متقدرش تقول يا كلب يا واطي”.