اشتهر الفنان الشعبي المصري شعبان عبد الرحيم ببساطته سواء بالأحاديث والتصريحات او بأغانيه التي تتحدث عن نفسها. أما بعد ثورة مصر والتغيير فيها فلشعبولا ايضا آراءه وتحليلاته للوضع القائم.
فأكد شعبولا أنه كان يغني لنظام حكم حسني مبارك لأنه لم يكن يعلم بكمية الفساد الموجودة، مؤكدا أنه سيغني للنظام الجديد، أما لو صعد الإخوان المسلمون إلى سدة الحكم، فإنه لن يغني أصلا، وسيتجه إلى قراءة القرآن.

وقال شعبولا “بصراحة أنا مكنتش أعرف إن الناس دي سارقانا في حاجة ولا حاجة خالص، يعني مين كان يقول حبيب العادلي ياخد فلوس ويحطها في البنك لنفسه ولا الريس يعمل كده يا ريت الناس الجديدة اللي تيجي بقى تبقى كويسة وتظبطنا”
وعن تأكده من نزاهة النظام الجديد حتى يتسنّى له الغناء له قال: “هغني وخلاص زي ما كنت الأول بغني وخلاص يعني أنا كنت اتأكدت أولاني عشان أتأكد تاني”؟، “ولو الإخوان المسلمين مسكوا الواحد هقرا قرآن وخلاص هخش برضوا تبع الخط يعني همشي ورا عمرو خالد هو يتكلم وأنا أقول “آمين” .
وفيما يتعلق بثورة 25 يناير، قال شعبان: “والله حاجة كويسة وأهو تجديد برضه وهي دي التكنولوجيا”، ورفض شعبان أن تكون الشرطة هي التي أطلقت الرصاص على الشهداء وقال: ” الشرطة مضربتش حد. الناس والشرطة كله كان بيضرب في بعضه، يعني الناس بتضرب في الشرطة والشرطة بتضرب في الناس وكل واحد فيهم كان بيدافع عن نفسه” .
وأضاف المطرب الشعبي: “وبعدين الشرطة دي ساعة ما مشيوا وسابوا الأقسام دي أوامر واخدينها وميقدروش ميعملوهاش بس مش في قسم واحد ده في كذا قسم يعني لازم يكون في حد كبير هوه اللي قالهم يمشوا دول بياخدوا أوامر امشي امشي، اقف اقف، اضرب اضرب مبيفكروش فيها وبيني وبينك لما يمشوا أحسن ما يقفوا قصادهم ويضربوا بالنار”.

شارك الخبر:

شارك برأيك

‫23 تعليق

  1. امشي امشي، اقف اقف، اضرب اضرب ,
    خطر عدوى القذافي بتنتشرهو قال إلى الأمام إلى الأمام و هاهي تسري

  2. أما لو صعد الإخوان المسلمون إلى سدة الحكم، فإنه لن يغني أصلا، وسيتجه إلى قراءة القرآن.
    يعني هتستنى لغاية ما يصعدو الإخوان المسلمون للحكم عشان تقراءة القرآن غريبة . والسؤال هنى هل يعرف القراءة ولا لا

  3. لم يكن يعلم بكمية الفساد الموجودة،
    تستعبط علينا يا شعبول… متبطل هزار زي ما بيقولو بالمصرية.

  4. شعبان عبدالرحيم: “لو حكموا الاخوان حَ امشي ورا عمرو خالد واقول آمين

    ولو حكموا ابناء العم؟؟؟؟ ما اموقفك

  5. هههههههههههههههه صح يا أروجه
    تقريبا ( الطبيب المُعالج من التعاطي ) بتاعهم واحد.
    والله أعلم

  6. “هغني وخلاص زي ما كنت الأول بغني وخلاص يعني أنا كنت اتأكدت أولاني عشان أتأكد تاني”؟
    ـــــــــــــ
    ههههههههههههههههههههههههههههههههههههههههه
    يا ختـــــــــــي كميـــــــــــــلة
    عاجباني أوي الطفولة والبراءة اللي في كلامك يا قطة
    ولا فاهم حاجة…أهديك مقطع يونس شلبي في مدرسة المشاغبين

  7. يانا س ارحمونا من الاشكال الوسخة دي احنا بنطلع لقدام وعاوزين العالم يرى حضارة مصر وثقافة شباب مصر رجاء بلاش نشر غسيل مصر الوسخ على الملا اية دة اللي بيقول انا مع اللي يجي والكلب كان طاع يغني لحسني يعني حمار ونمسكة منبر اعلامي بان ننشر اخبارة وهو لا قيمة الا للساعة اللي في ايدة
    الاخوة امحررين وامعلقين كفاية اخبار قذرة ويجب ان نقاطع اي مجلة او موقع او صحيفة تنشر اخبار هذا الشي حتي لا نصنعمنه اي كيان حتى ولو خيال الظل حتى كفاية زهقنا من شكلة وقرفة ونشازة ومن اللي صنعوه علشان يلهو بيه الناس

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *