دعا فنانون ومثقفون سوريون، في بادرة غير مسبوقة، الشعب السوري إلى المشاركة الواسعة في العصيان المدني، مطالبين الجامعة العربية ومنظمات حقوق الإنسان بالضغط على النظام لإيقاف “آلة القتل الوحشي” وسحب الدبابات من المدن.

وحثّ بيان وقّعه 162 شخصية فنية وثقافية، على العصيان المدني نصرة للمدن المختلفة التي تتعرض للقتل، مطالبين أبناء سوريا بالخروج عن الصمت و”أخذ دورٍ فاعلٍ لرفض الظلم والقتل وانتصاراً للحرية” حسب وصف البيان.

كما ندد فيه ممثلون ومخرجون وصحفيون وشعراء وكتاب وروائيون وفنانون تشكيليون ومصممو أزياء، باستمرار “آلة القمع الوحشي” للنظام السوري، الذي “يستبيح المدن والقرى السورية”، ويقتل الشعب المطالب بالحرية والكرامة”، دون أي التزام بأبسط حقوق الإنسان، بحجة وجود عصابات مسلحة.

ويعتبر البيان الذي صدر مساء أمس الجمعة، أول بادرة عبّر فيها مثقفون وفنانون منهم المخرجة، واحة الراهب، بوضوح عن موقفهم من النظام السوري بلهجة “شديدة”.

وعبّرت شخصيات ثقافية وفنية بارزة في سوريا، منهم الممثلة مي سكاف والمغني سميح شقير والموسيقار مالك الجندلي، عن استيائهم جراء استمرار عمليات القتل في مختلف المدن السورية، رغم موافقة الحكومة على بروتوكول مجلس الجامعة العربية ووجود لجنة المراقبة المكلفة بذلك.

وطالب البيان، متحدثاً باسم تجمع “فناني سوريا ومبدعيها من أجل الحرية”، الجامعة العربية ومنظمات حقوق الإنسان المعنية بالضغط على النظام لوقف القتل، وسحب الدبابات من المدن، والإفراج عن المعتقلين، محملاً النظام مسؤولية كل نقطة دم تسفك في سوريا.

وفي تعقيبه على البيان، قال الصحفي إياد شربجي، أحد الموقعين عليه، “إن العصيان المدني قادر على الإطاحة بالنظام الحاكم الذي يأخذ البلاد نحو الهاوية من خلال استمراره بممارسة العنف والقتل ضد المتظاهرين السلميين وإنكار وجودهم”.

ومن جهته، أشار الفنان السوري جلال الطويل، إلى أن البيان هو الخطوة الأولى للتجمع، ملمحاً إلى قيام الأخير بخطوات تصعيدية رفض الحديث عنها في الوقت الراهن.
انقسام في الوسط الفني

ويشهد الوسط الفني السوري انقساماً حاداً في المواقف المؤيدة والمعارضة للاحتجاجات التي انطلقت في منتصف مارس/آذار الماضي، وسط أزمة حادة تعيشها الدراما السورية جراء الأحداث الجارية في البلاد.

وناصر حوالي 10% من الفنانين الثورة، فيما اصطف حوالي 10% آخرين مع نظام الرئيس السوري بشار الأسد، في حين فضّل معظم الفنانين السوريين الآخرين الصمت إزاء ما تشهده بلادهم حسب تصريحات سابقة للفنانين السوريين التوأم ملص في لقاء سابق مع “العربية.نت”.

كما أكد الممثل جلال الطويل، الذي تعرض للضرب في مظاهرة بدمشق على أيدي الشبيحة قبل نحو أسبوعين، أن الكثير من الفنانين السوريين معارضين للنظام الحاكم، وأنه يجتمع بأكثر من 70 فناناً مؤيداً للثورة السورية على الأقل. بالرغم من أن الفنانين الذين صرّحوا بمعارضتهم للنظام قلة.

واتهم الممثل السوري في تصريحاته بعد الاعتداء لـ”العربية.نت” نظام بلاده بالاستهداف “الممنهج” للفنانين السوريين المؤيدين للثورة، بعد أيام من اعتقال الممثل محمد آل رشي، مصرحاً للمرة الأولى عن تعرضه لإطلاق نار قبل شهر.

ونوّه جلال الطويل لـ”العربية.نت” إلى أن الفنانين الذين أعلنوا رفضهم للقتل الذي يجري في بلادهم يتعرضون لمضايقات اجتماعية ومهنية مستمرة من قبل المؤيدين للرئيس السوري، مشيراً إلى أنهم يواجهون مقاطعة في الإنتاج الدرامي والتهجم من قبل فنانين مؤيدين للنظام.

شارك الخبر:

شارك برأيك

‫40 تعليق

  1. ما بيقدر التاريخ يارخ بسجله غير الابطال… واللي من تم ساكت راح يموت وتمه ساكت

  2. هاد هو الحل الاسلم يطلع الشعب السوري بباقي المحافظات لمناصرة المدن المحاصرة مو معقول كيف ضميرهم بيقبل يضلوا صامتين وباقي المحافظات شعبها عايش بحصار سواء من المعارضة المسلحة او من النظام
    مو الحل الاسلم الجلوس على طاولة المفاوضات مع النظام الفاشل اللي مابيهموا غير يضل لازق بالكرسي حتى لو وصلت فيه الدموية ليحرق كل سوريا وشعبها
    اصحوا ياشعبنا الشعب التونسي قام بثورة اطاحت النظام الديكتاتوري من اجل البوعزيزي شعبنا مابيستاهل نتحد مع بعض ونوقف معه مابيكفينا صمت مابيكفي مجزرة حماة الاولى الحرب الاهلية والتدخل الخارجي مو من مصلحتنا لننقذ نفسنا لازم كلنا نتحد ونوقف مع المحافظات اللي عم يضربوها قبل ماكل واحد يفكر كيف ينقذ نفسه فكروا تنقذوا البلد ماحدا بيوقف الحرب الاهلية الا وقفتنا مع بعض واللي لسا مؤيد للنظام واللي لسا عم يحكي عن خوف الاقليات من الاكتريات يمحي هاد الخطاب ويمحي هي الافكار الهدامة هاد اللي عم يضعفنا خلص الشعب بدو يقلع النظام وقفوا مع ارادة شعبكم لشو التمسك بنظام فاسد انتهى وقتو مابيكفيه اكتر من 46 سنة
    النظام اللي بيبيح دم وارواح شعبو نظام انتهى مو من حق اي انسان يطلع ويقول انا مؤيد يكفيه كل هذه السنوات وصدق المثل اللي قال اللي بيجرب المجرب عقلو مخرب

      1. صدقت اخي بلال وصباح الخير وان شاء الله تكون سنة خير وفرج على شعبنا وبلدنا

    1. يعطيكي تيرضيكي كفيت والله وفيتي الحلوة مراحب …
      وياريت لما باتبعوا حدن ع حق وخير للبلد بينعمي قمارهن وبصرهن والله يا مراحب باتعجب لما بيحسبوا حساب لبشر وبخافوا منو وهو نفسه بخاف …
      الله يفرجها عليكن ويكون هدا البلاء خير ونعمة باذن رب العالمين ….وغيمة وبتروح وبعدا بعم راحة البال وتكونوا باحسن الاحوال

      1. يسعدلي صباحك ياهنا ياحلوة يا امورة يااحلى وردة بين الورود شو ها العيون الدباحة ماشاء الله
        الله كريم وان شاء الله راح تنتصر ارادة الشعب

        1. اي تسلمي يا ست الزوء انتي انا مبلية بشي اسمه ورد بحبه بشكل ما بينوصف …هههه وازا انا وردة انت عبيرها وشذاها ههه شفت قديش انتي غالية ع قلبي +___-

  3. الله ينصر الشعب السوري على الطاغيه وزبانيته
    copy
    inshaa Allah bteherquh labashar alhimar a3n qarib
    wetkoun sinet kheir a3leikom
    salam lilkol

    1. له يا …. بلال ما حبيتها عللوك اللي هلكت نورت حالها فيه ما ترد السلام ههه طمني عنك ان شالله تكون بافضل حال …

      1. Hana
        sorry halaa la shefet salamek
        keifek inti inshaa Allah tkuni wa al3ileh bi alf kheir
        shefti lisatna bendaya3 ba3d bas yalla ahsan min awal ma ghayaruha

    1. اخي جمال شو كنت بدك تقول ونورت قاطشة تعليقك ؟ معلش جرب مرة تانية وبالرموز ههه صباح الخير الك

  4. صباح النور اختي هناء !!!صرت عم بقرف علق على اي موضوع… بينشطب مع انو مني عم هاجم اي شخص داخل نورت!!! وها تركنا نورت 4 ايام, لكن حنيني لها رجعني من جديد بس هوووووووسسسس…………………………….

  5. عندما يكون عصيان مدني بقوة السلاح ( كما هو حاصل في بلدتي ) فإنه يفقد كل معناه ..!!
    المفروض أن تترك الحرية للشعب ليمارسوا عصيانهم بحريتهم .. وذلك مؤشر فعلاً على رفض الشعب للنظام من عدمه ..
    ويا أخت مراحب أنا لا افهم كيف ستهب باقي المحافظات للنصرة وأنتِ ترين البعض يُحارب الناس في لقمة عيشهم ويُريد أن يُميتهم جوعاً ..ويمنع أطفالهم من التعليم ..
    أنا أرى هذه ثورة ضد الشعب وليست ضد النظام ..!!

  6. اخي مأمون اللي شايفته في ناس عم تاكل الضرب اكتر من غيرها لما يكون جزء منا عم يطلع وجزء اكبر خايف وساكت وخايف على لقمة عيشه وعلى تعليم اطفاله بالوقت اللي غيره ملاحق هو واطفاله
    ليه مانفكر بولادهم متل مامنفكر بولادنا ونفكر بلقمة عيشهم متل مامنفكر بلقمة عيشنا وبارواحهم المهددة كل لحظة ماعدا اللي عم يعتقل وانت وكل سوري بيعرف شو يعني معتقل
    لما كل الشعب يتضامن ويطلع بوقت واحد على الاقل باقي المحافظات لتتضامن مع باقي المحافظات وكأنوا اللي عم ينضربوا بحمص ودرعا وادلب مالنا علاقة فيهم او من بلد تانية والله لما انضرب لبنان كأنا نحن اللي انضربنا وقت كان في حرية لنوقف مع جيرانا وهلأ مافي حرية لنوقف مع ولاد بلدنا
    ليه انا ( على سبيل المثال ) لما بدي اطلع بالشام تأييد للمحافظة المحاصرة بيعتقلوني اي شو كفرت

    1. ياريت كل الشعب يتضامن ويطلع يا أخت مراحب ..
      بس للأسف اللي عم يمنع الشعب أنو يطلع يتضامن مو بس النظام وقمعه .. وكمان المعارضة وتصرفاتها ..!!
      لما يشوف الواحد جماعة مسلحين يجوا ويقوله سكر محلك وروح انضب ببيتك .. ولما بياخد ولاده للمدرسة بيقولوله روح ارجع ما في تعليم ولا تدريس .. شو تتوقعي منه أنه يطلع مظاهرة ؟؟؟!!
      رح يقول تنمحقوا … لأن الانسان لما بيتحارب بلقمة عيشه بيكفر بكل شي ..!!
      اللي تركوا اعمالهم وغيره تركوها بارادتهم .. وما بعرف يمكن في جهات تانية عم تصرف عليهم .. الله أعلم .. بس الانسان البسيط اللي عنده محل عم يعيش منه هو وأولاده .. ويجوا يجبروه انه يسكر محله ويقعد بالبيت ويفتح تمه للهوى .. يعني اما يطلع يتظاهر او أنه يموت من الجوع ؟؟!!
      شو هالمنطق ؟؟؟؟

  7. هي المعاناة اللي عم تعيشوها انتو بادلب وحمص ودرعا
    لهيك المطلوب من باقي المحافظات تطلع وتضامن مع المحافظات اللي عم تنضرب من النظام ومن المعارضة
    المظاهرات المسموح نطلع فيها هي فقط لنقول يعيش يحيا سوريا الاسد اذا فتحنا تمنا وطالبنا بالتضامن مع المحافظات اللي عم تاكل الضرب مباشرة منعتقل وبدون مايسألوا ببلشوا سب وضرب باحذيتهم واهانات ما بيخلوا لا ام ولا اب ولاجد ولاعيلة لما تفتح تمك وتقول انا مابدي اسقط النظام بدي نوقف مع باقي المحافظات ضد المسلحين متل ماعم تقولوا مين انت يا ابن كذا وكذا
    بدينك بضميرك شو رأيك بهيك نظام مو قادر يحمي باقي المحافظات واذا لم تطيعه طاعة عمياء بيسخطك انت وسابع جد الك لشو الخوف ولامتى
    هاد اللي بقصده لامتى الناس بدا تضل خايفة وماعم تقول اللي بقلبها بتقول اللي مصرح انها تقولو وغير هيك حتى لو كان ضد المسلحين او المعارضة الخارجية لانو فيه اظهار لضعف النظام بيرفضوه شعبنا عم يقتلوا الطرفين ونحن المطلوب منا نقول للنظام رفعت راسنا عم تحمينا من المسلحين اي حماية هي انتو محمين بادلب اهل حمص ودرعا محمين
    خلينا نوقف مع بعض ضد هيك نظام لما المعارضة المسلحة تلاقينا واقفين مع بعض راح تحسبلنا مليون حساب
    يا اخي النظام هو اساس البلا اللي نحن فيه وهو اللي خلق اشكال هذه المعارضة اللي مصرة على ان تسقطه وراح تسقطه فخلينا نلحق حالنا ونسقطه نحن لانو اذا هي اللي راح تسقطه راح تسقطنا باتون حرب اهلية
    يعني سكوتنا بالاول وبالاخير هو اللي راح يقضي علينا
    اذا شفت مني حدية بالكلام اعذرني اخي اللي عم يصير ببلدنا وبعض افراد شعبنا اللي بالوش مو قليل ومو قليل لما ينقتل ويعتقل كل ها الكم من شعبك واغلبنا لسا ساكت وخايف وبس بدو يهرب ويأمن ولادو ورزقو وانا متلي متلهم ماني احسن منهم

  8. نعم يجب يكونو كلمة واحدة ايد وحده ما بتزاف. ايرظيهم الجرائم التي مارسها النظام الفاسد على شعبكم الي يطالب بحريتو.

  9. أختي مراحب أنا فاهم وجعك وفهمان عليكي ..!!
    وكل كلمة قلتيها عن النظام صحيحة وأنا معك فيها مليون بالمية .. هاد شي بعرفه ومو محتاج حدا يذكرني فيه او يشرحلي ياه ..!!
    بس شوفي حجم المعاناة لما يكون عندك هيك نظام وبدك تخلصي منو .. وتتفاجئي بمعارضة – على اساس بتمثلك – وهي ما بتفرق عن النظام شي ..!!!!!
    للأسف يا أختي المعارضة متلها متل النظام .. نفس القمع ، نفس القتل ، نفس تكميم الأفواه ، نفس التمييز ومبدأ الواسطة وفيتامين واو ..
    في ناس عارفين شو بدهم .. وحاسمين خيارهم .. يا هون يا هون ..
    بس المصيبة لما ما بتعرفي لوين بدك تروحي .. تنظري لهالطرف تلاقي البلاوي .. وتنظري لهالطرف تلاقي نفس البلاوي ؟؟؟!!
    لوين الواحد بدو يروح …. ؟؟

  10. لوين الواحد بدو يروح …. ؟؟
    يروح لطرف الشعب خلونا امام خيارين وطريقين اما النظام او المعارضة وكلاهما امر من التاني
    خلينا نخلق طرف تالت طرف الاكترية طرف الشعب مابدي كون لامع النظام ولامع المعارضة
    طبعا الحكي مو للمحافظات اللي تحت الضرب حمص وادلب وردعا لباقي المحافظات اللي لسا ساكتة وصامتة واهمها دمشق وحلب
    دعوة للتضامن معكم من قبل الشعب السوري لكل انسان سوري عنده ضمير الله ياخد المعارضة والنظام مع بعض اتركوهم وبلا مايكون في مؤيدين ومعارضين خلينا نوقف مع بعض لانو نحن فئة الشعب اللي راح نكون الضحية عم يقتلونا بايدينا ويحاربونا بايدينا خلينا نطلع بالشام وبحلب وبباقي المحافظات الصامتة نتضامن مع شعبنا اللي عم يندبح كل يوم ويتاجر بارواحه ودمائه نطلع مظاهرات تطالب باسقاط النظام والمعارضة المسلحة
    يمكن يكون نداء خيالي ويمكن يلاقي صدا بركي بتتحرك فينا النخوة والغيرة على شعبنا وبلدنا
    وبرجع بقول النداء فقط للمحافظات اللي لهلأ ساكتة وعم تراقب مو للمحافظات اللي عم تاكلها

  11. وأنا معك بدعوتك ..!!
    الله يختار الخير .. وينجينا مما نحنُ فيه ..!!

    1. اللهم آميـــــــــــــــــــــــــــــن
      ان شاء الله ينسمع صوتنا لانو بهي الايام اللي ماعندو غير صوته ماحدا بيسمعوا
      وشكرا اخي مأمون على سعة صدرك وطولة بالك ورقي نقاشك
      سلام نلتقي على خير ان شاء الله

  12. السلام عليكم وسلام خاص لاحرار سوريا الضين رفضو ان ينافقو النضام الذي قتل الاطفال والنساء في دون شفقه وبعدين ياتي ليقول ذالك المعتوه انه لم يامر الجيش بقتل الشعب معناته انك خيخه يا هبيله شو لسه بتعمل لماذا لا تخرج قبل ان يحدث لك ما حدث للقذافي ان الشعب السوري الابي سينتقم شعب شيخ القسام كل الشعب الفلسطيني معكم يا اهلنا ها انتم عدتم لترفعو راس سوريا عاليا ولم يعد يخفيكم الموت يا احرار عتبي على دوريد لحام كان ينادي بتحرير الاوطان في كاسك يا ودن وينتقد الحكاك كنا نره فيه بطل اخص طلع كله حكي زي ضراط على البلاط

  13. اللي يحيي كل واحد واقف ضد هالنظام الفاسد اصلا اي حدا عندو ذرة ضمير لا يمكن يدافع عن هيك أجرام و اللي مقتنع بكذبة او سيناريو العصابة الإرهابية المسلحة بكرة ييجي يوم و ببينلو انو بشار الاسد هو رئيس هالعصابة و اي حدا عم يدافع عن هيك نظام لا بد ما يكون اما غبي جاهل و اما طائفي للعمى او مرتزقة تابع لابواق النظام و اذناب السلطة….
    انني اهتف بشعار الحرية شعار الضمير و الانسانية شعار الديمقراطية…. لا اهتف بشعار الأغبياء الجهلاء او الخونة العملاء او عديمي المبادئ و الوجدانية…
    انني و بالرغم من طائفتي العلوية .. انادي باعدامك أيها المجرم .. لأنني و ببساطة لست أبدا أنانية و بكل فخر لست أبدا طائفية

  14. allah ma3 bashar allah ye7mik w ytawel 3omrak jad enta madrase bl 7ouriyi wl sharaf wl 3izzi wl badon yshiluk la ye7kmo salafiyi takfiyi jehlin bs fasharo wala

  15. بكره كل فنان وقف ضد ارادة شعبه حييجى يعتذر ويبوس الايادى زى ماحصل عندنا فى مصر
    وتمورة العيوطه خير مثال !!!

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *