كشف المستشار ياسر قنطوش، محامي الفنانة المصرية شيرين عبد الوهاب، تفاصيل حالتها الصحية وحقيقة الصورة المنتشرة لها في سيارة مع طليقها الفنان حسام حبيب.

وقال قنطوش إن شيرين لم تخرج من المستشفى مع طليقها حسام حبيب، كما أشيع خلال الساعات الماضية، مؤكدا أن الصورة المنتشرة شيرين مخرجتش مع حسام حبيب وكل الصور دي قديمة، وهي هتستريح شوية وإن شاء الله في القريب العاجل هيكون فيه فيديو مصور ليها هيوضح كل حاجة، حسب تصريحاته لبرنامج “آخر كلام” الذي تقدمه ياسمين عز على قناة “MBC مصر”.

تحدث قنطوش عن سبب خروج شيرين عبد الوهاب من المستشفى، قائلا: شيرين بصحة جيدة، من أدعى أنها مدمنة هو أخوها، قبل ما حدث كانت في حفلة أمام الرئيس وحالتها الصحية كانت جيدة، وطلع تقرير من مجلس الصحة النفسية إن حالتها لا تستلزم العلاج الإلزامي وبناءً عليه خرجناها النهاردة من المستشفى ورجعت بيتها، وشيرين كانت قبل ما تدخل المستشفى بأسبوع كانت عاملة حادثة كبيرة، والآن حالتها الصحية تسمح لها بمزاولة حياتها الطبيعية، وهي لو تعبانة مكنش هيطلع تقرير من مجلس الصحة النفسية إنها تطلع فورًا.

وأضاف: إحنا طول الوقت بنتعرض لحملة مدفوعة وموجهة بتشكك في شيرين ومرض شيرين ومحامي شيرين، ولكن الحمد لله كل حاجة ظهرت للرأي العام وخرجت لبيتها بالسلامة، وهي الفترة اللي جاية هتكون مركزة في شغلها وحياتها الفنية ومفيش أكتر من كده.

واختتم حديثه قائلًا: أنا إمبارح حاولت أدخل المستشفى بصفة ودية لأن وجودها في المستشفى بقى اختياري وليس إجباري، ومن حق أي حد إنه يزورها ولكن إحنا مُنعنا من الدخول، وهي طلبت مني إني أنشر التسجيل الصوتي ده، علشان الناس اللي بتثير الشكوك، وبناء عليه صدر القرار وخرجت لـ بيتها.

شارك الخبر:

شارك برأيك

تعليقان

  1. قرفنا بقي من شيرين وخيبيتها وكذبها ومصايبها وكل يوم حكايه وكل يوم تطلع تقول حاجه وبعدين تطلع بعدها تقول انا كذبت عليكم. ايه يعني صوتها حلو ؟ ده مش مبرر للي الشعب بيشوفه وبيسمعه عنها كل يوم من متناقضات. لا هي هاتكون احسن من ام كلثوم ولا من القمم اللي غنت لمصر ولشعب مصر. اقفلوا عليها قمقم وارحمونا بقي من الاشكال المتناقضه دي

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *