روي الفنان المصري محمد صبحي، موقفا كوميديا عن أول قصة حب عاشها في حياته، وكان عمره 10 سنوات فقط، قائلًا: «كنت بقف في البلكونة وأقف أبص ليها وهيا كمان تبصلي وعمرنا ما اتكلمنا».
وأضاف خلال تقديمه برنامج «أعزائي المشاهدين مفيش مشكلة خالص»، المذاع عبر فضائية «CBC»،: «كان في حفرة كبيرة في الشارع والناس مغطينها بلوح خشب طوله 4 أمتار.. وولد بيبيع عيش وسايق بسكلته عدى من فوق لوح الخشب ببراعة والبنت اللي بحبها انبهرت بسبب اللي الولد عمله.. فقررت أعمل زيه عشان تحبني وتنبهر بيا أنا كمان.. بس أنا أبهرتها أكتر عشان أخدت الـ 4 أمتار لتحت داخل الحفرة مش على لوح الخشب.. ومن ساعتها وعلاقة الحب اللي ما بينا انتهت».