بعد الانتقادات الكثيرة التي رافقتها بسبب وقوفها ضد زميلتها زينة في قضية أزمة نسب توأمه التي ثبتت بحكم المحكمة، خرجت الفنانة منة فضالي عن صمتها وكشفت سبب وقوفها الى جانب أحمد عز.
وجهت فضالي رسالة طويلة على صفحتها على “فايسبوك” قالت فيها: “مساء الخير عليكم، انا منه اللي بكتب دلوقتي وكنت عاوزه اسأل ليه بتهجموني ليه بتغلطو فيا وبتشتمو ليه عملتلكم ايه علشان الاهانات دي كلها، انا مش بجبركم على أنكم تحبوني او تتقبلوني لان دي حريه شخصية وممكن ببساطة متدخلوش صفحتي مدام مش حابني بس مفتكرش ان في اي استفاده من الغلط”.
وأضافت: “كمان عاوزه أقول حاجه لو حد منكم واخد موقف مني بسبب صور ليا زمان فأكيد عندكم حق بس انا مش كدة واتكلمت في الموضوع ده كتير اوي وأكيد لو انا كده مش حيكون للنشر لان بكده بخسر كل حاجه وصدقوني انا اتظلمت والله اللي عايز يصدق يصدق”، مضيفة: “ومش بقول كده علشان حاجه بلعكس انا خسرت حاجات كتير اوي بس صدقوني مش عيب الانسان يغلط ويتعلم من غلطه بدليل أني عمري ما عملت فيلم او مسلسل لبسه في لَبْس وحش او عملت مشاهد اغراء”.
وتابعت: “حاجه اخيره، اللي واخد موقف مني وبيشتموني علشان وقوفي جنب احمد عز فابقولكم ليه علشان ايه واخدين موقف انا حره زي ما اي حد حر، وانا دافعت عنه لأَنِّي اعرفه كويس مش اكتر وبعتبره صديق وأخ زي ما انتم بتحبه زينة، ومن حقكم تدافعوا عنها لان في حاجه اسمها حريه الرأي”.
وختمت رسالتها: “انا عامله الصفحه دي علشانكم انتم علشان تعرفو اخباري وتتفعلوا معايا وتشجعوني مش علشان تهاجموني، انا ممكن أقفل الصفحه لو انا متضايقاكم واوفر عليكم الغلط فيا، أهلًا بيكم واسفه أني طولت عليكم واشكر كل الناس اللي واقفه جنبي وبتشجعني وأشكر برضه اللي بيغلطوا وما اتمناش ان حد في يوم حد يغلط في حد من أهله أشكركم من كل قلبي”.
وانت شو حشرك في موضوع عز وزينه والاولاد ؟ هل كنت معاهم وعارفه اللي بيحصل بينهم
المفروض ان لا تتدخلي في مواضيع شخصيه خاصه بالاخرين
ثم موضوع النسب يثبته التحليل الذي رفضه احمد عز وهذا ما جعل المحكمه تثبت نسب الاولاد اليه . وانتهت الحكايه