بكى الإعلامي تامر أمين، تأثرًا بأغنية “حق الحياة” التي غناها وأهداها الفنان هاني شاكر، للاجئين السوريين.
https://www.youtube.com/watch?v=kbzYMAoCtwk
وقال “أمين” خلال برنامجه “من الآخر” على فضائية “روتانا مصرية” مساء الأربعاء، أن الأغنية أثرت فيه كثيرًا، لأنها تعبر عن حال اللاجئين السوريين.
ووصف “أمين” حكام العرب بأنهم أنانيين ولا يفكروا إلا في مصالحهم فقط، مضيفًا “كلنا أنانيين ومش بنفكر إلا في مصالحنا .. بس خلصت الحكاية”.
تجدر الإشارة الى أن هاني شاكر كان قد أهدى أغنية “حق الحياة” إلى روح الطفل السوري “إيلان” الذي غرق وأمه وأخوه في مياه البحر المتوسط قبالة السواحل التركية، أثناء رحلة الهجرة إلى أوروبا وتقول كلمانها:
الرحمة فين والانسانية
وفين ضميركم يا بشر
ولا خلاص كل القلوب
اتحولت فجأة لحجر
بس الليلادي هتعرفوا
الكل دلوقتي في خطر
مات الكلام
بعد ما الطفل الصغير مات غريق
اطفال كتير عايشين هناك
بس بتموت بالبطئ
قلبي اتوجع وبيتحرق
حاسس ان بكرة خلاص غرق
طول ماحنا رافضين نتفق
هنضيع ونخسر كل شئ
الحق ضاع
ولا المبادئ والقيم ماتت خلاص
ولا كمان حق الحياة
بقى عندكم لناس وناس
تشوفوا طفل يموت غريق
او طفل مقتول بالرصاص
مات الكلام
بعد ما الطفل الصغير مات غريق
اطفال كتير عايشين هناك
بس بتموت بالبطئ
قلبي اتوجع وبيتحرق
حاسس ان بكرة خلاص غرق
طول ماحنا رافضين نتفق
هنضيع ونخسر كل شئ