تناقل ناشطو مواقع التواصل الاجتماعي مقطع فيديو لحفل زفاف مراهقة صينية حامل تبلغ من العمر 13 عاماً في مقاطعة هاينان الصينية، بحسب موقع “سبوتنيك”.
وأثار حفل الزفاف موجة غضب واستنكار عارمة في المجتمع الصيني، نظرا لصغر عمر الفتاة، فيما يحدد القانون الصيني عمر الزواج للنساء 20 عاماً والرجال 22 عاماً.
وتم تنظيم حفل الزفاف من قبل آباء وأمهات العروسين، الذين عبروا عن سعادتهم على الرغم من السن المبكرة للزواج.
انو تاكل هوا وتحبل وتروح مع هيدا وهيداك وهي ب ١٣ سنة ما يثير الغضب والاشمئزاز .وانو تنقبر تتزوج وتعمل مأوى لطفلها الجاي اثاركم واغضبكم…
الطفل انو ينكب بالشارع او مأوي المشردين افضل؟؟؟او اهلهم يساعدوهم فيه افضل…
كيفك محايدة مغتربة؟ حاسستك معصبة وخايفة قول رأيي 🙁 ههههه
من سنتين كان لازم أكتب موضوع عن Gonzales v. Carhart قضية بالمحكمة مشان حرية الإجهاض. أنا كان رأيي حاسم بإعطاء المرأة الحامل حرية الإجهاض وأنه مو من حق الكنيسة تتدخل بهيك موضوع . وطبعاً كان لازم أدعم وجهة نظري بأسباب منطقية.
بتذكر لهلأ أني كتبت أنه الـ teenagers لسه بدهم مين يهتم فيهم ، وإذا سمحنالهم يكونوا أمهات بهيك منكون عم نساعد على خلق جيل غير متعلم وبالتالي عاطل عن العمل ورح يشكل عبئ على الحكومة.
بعرف أنه الإجهاض بكل الأديان يٌعتبر جريمة، بس كمان أنّا نسمح لبنت تحت السن القانوني أنها تكون مسؤولة عن طفل فهي جريمة أكبر (غالباً رح تكون مستهترة وإلا ما كانت حملت بهالعمر) .
دخيل الله يا شامية انا فعلا معصبة وكتير كمان?..كيفك واهلك وخطيبك.
انشاءالله شي نهار بشي موضوع مشابه بنحكي موضوع الإجهاض للمراهقات ووو..
بس بالإجمال نحن كم مؤمنين (أيا كان ديننا ..ان اتبعنا الطريق السليم في التربية اجتماعياً ودينياً سوا)ما بصير عنا حمل لبنات صغار او علاقات غير شرعية لا سمح الله..
سلامة قلبك من العصبية .. اسمعي هي. صوتها والموسيقى بيهدوا
تصبحي على جوري أبيض
https://www.youtube.com/watch?v=d_IEav8wCqA
تتبع تعليقات محايدة أوصلنا الى هنا، وتقريبا نفس تعليقي السابق يصلح لهذا الموضوع أيضا
مبروك الخطبة شامية، بالرفاء والبنين