معركة على “فيسبوك” بعد قرار حجب المواقع الإباحية فى مصر

شئ غريب جداً يا سراج، الموضوع عن غلق المواقع الاباحية، لكن حضرتك اول تعليق لك كان عن النائب العام، وطبعا ماصدقت لقيت الفرصة علشان تشكك فى كل مخالف لمرسى.
ولما جيت اكلمك عن نقطة محددة وواضحة، انت اللى فتحتها وفضلت انك تتكلم عنها وهى النائب العام، تسيب تفسيرك لما حدث، علشان تسرد لى تاريخ الفساد فى مصر، وانه مرسى جه والبلد خربانة وتعبانة، وبتتكلم فى كلام كلنا عارفينه.
ماشى هاخلينا معاك وهاعفيك من حرج تفسير صفعة النائب العام للاخوان ككل، ومش هاسالك تانى ليه الاخوان بعد ما الرئيس اعتذر للنائب العام، انسحبوا واصبح حق شهداء موقعة الجمل اللى نزلوا يطالبوا بيه_حسب زعمهم_ اتبخر بعد الاعتذار.
ومش هاتكلم تانى عن موضوع قرار نقل النائب العام الى الفاتيكان قبل صدور الحكم بـ15 يوم، علشان برضه ما احرجكش اكتر… خالينا فيما تقول:
ماشفتش انا اى طوبة انشالت، ولا حتى زلطة واحدة اتغيرت، محتاج قد ايه من الوقت علشان يغير طوبة واحدة؟!
اذا كان فشل فى مشروع الـ100 يوم اللى اتكلم عنه، ووعد بيه، وابسط شئ القمامة، نزلت مصر امتى يا سراج؟؟؟
شفت القمامة بقت فى كل الشوارع ايزاى؟
شفت شوارع حدائق القبة ومدينة نصر ومصر الجديدة عاملة ايزاى؟؟؟
بلاش دول شفت الزمالك والمهندسين وجاردن سيتى؟
فين مشروع النهضة الخاص برفع القمامة وتجميل شوارع مصر وبالتحديد القاهرة؟
ده محتاج تركيز وتخطيط وتمحيص ووقت؟؟؟
دى ابسط نقطة فى بحر اخفاقات مرسى، وجاى تقولى تفانى واخلاص وعمل؟!
اذا كان مشروع النهضة اللى اتقدم بيه طلع فشنك، والكلام مش من عندى ده ورد على لسان خيرت الشاطر.
ومين قاله يسيب وكالة ناسا علشان سواد عيونا… بعدين هو اصلا
ماكنش فى وكالة ناسا، بلاش الكدبة اللى كدبتوها، واحنا فوتناها
بمزاجنا، ووكالة ناسة مين والناس نايمين؟!

كل يوم تطلعولنا بقرارارت شكل، وكل قرار افشل من اللى قبله علشان تلهونا عن سينا وعن الدستور، لحد ما فجاءة هانصى ونلاقى سينا مابقتش كاملة لينا.
كفاية عليك كده، انا اتكلمت فى القشور والحجات البسيطة اللى ممكن تتحل فى لمح البصر، علشان لو قولتلك على المشاكل الاكبر كالمعتاد هاتقولى:
طوبة طوبة، وواحدة واحدة، ادوله فرصة، جربووووه والله هاتحبووووه، الراجل لسه بيقول يا هادى.
ده غير اتهامكم بئا لينا باننا كفرة وعلمانيين ومن قوم لوووط، ولا نريد تطبيق شرع الله…. وغيرها من الفاظ خالد عبد الله وزملائه.

مساء الخير يا ليلى.
فعلا بعضهم بيحاول يمارس علينا ديكتاتورية من نوع اخر، على اساس ان كلامهم واوصافهم لينا هاتخوفنا.
ده غير انهم _الاخوان يعنى_ كل شئ والعكس.
وقت ما مبارك حكومتة قررت تغلق المحال فى وقت مبكر على، روحى شوفى صفحات الاخوان كانوا بيقولوا ايه، ده قرار ظالم وغير مفيد ولا يمكن تطبيقه فى مصر.
دلوقتى بعد ما الحكومة الاخوانية اصدرت القرار بغلق المحال الساعة العاشرة_ ورجعوا فيه_ روحى شفى نفس صفحات الاخوان، اللى بتكبر وتهلل وبتشكر الحكومة على هذا القرار الصائب… وقال ايه لما تقوليلهم القرار لا يناسب مصر والمصريين، يقولولك “فى اوربا والدول المتقدمة”!!!!!!!!!!!!!!!!
سابوا كل التطور اللى فى اوربا، وجايين فى النقطة دى ويقولوا عايزين نبقى متقدمين زيهم.
وطبعاً خدى من ده كتير، لا حول ولا قوة الا بالله.