مرسلة من صديقة نورت سوزي

الأب مخاطب الابن : تعال وله

الابن و بكل براءة : نعم

الأب :نعامة ترفصك … تعال وله

الابن : ليش شو سويت؟

الأب : سواك ضريب يخلع رقبتك

الابن : شو فيه؟

الام : شاوي يشوي عضمك ….رد على ابوك بأدب وله

الابن : هوه انا حكيت شي؟

الأب:حكحكوا جنابك بالعصايه اوقف عدل يا حيوان

الابن : حاضر

الأم :يحضروا على قبرك انشالله … لما ابوك يحكي انت بتخرس

الابن :أخرس؟

الأب : ايوه ان شالله خرسه

الابن: ماشي

الأم: اجاك مشش بركبك ما تقوم منه انشالله

الابن :مشش ؟؟؟ شو هاذا المشش؟؟

الأب: اما انك قليل حيا …وبترد على امك كمان ؟ هات العصاي وتعال وله

الابن: انا رديت على امي؟ يمّـه احكي كلمه

الأم: موا يمزع نيـعـك وله ….حكيتلك اخرس

الابن الان اصبح مغلوب على امره ومش فاهم ايش الموضوع وصمت

الأب: أما جيل قليل حيا…احكي وله … مالك انخرست

الابن : شو احكي؟ اذا حكيت بتقولوا عني قليل حيا وبتشوفوني غلط

الام :حيه الي تقرصك انشالله … قلتلك تأدب وانت بتحكي مع ابوك

الأب : ايش “بتشوفوني غلط” هاي … شايفنا عميان ولا حول ؟

الابن : لا اله الا الله

الأم : الله يوخذك انشالله …. يا ريتني خلفت ابن الجيران ولا انت

الأب: انا مش عارف هاذا الولد متى بده يصير زلمه…دايما فاظحني بين الرجال

الابن: طيب شو اعمل عشان تشوفني زلمه ؟

الأب: قلتلك اخرس وله

الابن: يا الله … يا الله … يا جماعه شو مالكوا … شو فيه ؟

الأم: اه صحيح انت ليش ناديت عالولد يا زلمه ؟

الأب :بتصدقي يا مره اني نسيت…. نساني شو كنت بدي منه هالكلب

الاب : خلص روح ارجع على غرفتك يابا!

شارك الخبر:

شارك برأيك

‫35 تعليق

  1. هههههه حلوة
    وين بدنا نلاقي هالام حتى نتعلم منها اسلوب الدعاوي
    بس في عنا الأستاذة كارولينا توفي الغرض ههههه
    شكراً سوزي
    سوزي شكراً ..

  2. طريقة الحوار عم تذكرني بشخص ب نورت بس مش عم بتذكر مين يا ترى
    بسيطة بعدين بتذكر ٠٠٠
    شكراً سوزي

  3. شاوي يشوي عضمك هههههههههههههههههه
    هههههههههه عبالي شيش طاووق
    مشكورة لصاحبة القصة الروائية المخضرمة سوزيت الشنجليشي
    حتى ما يطلع حد ويحكي تشابه اسماء

  4. وااااااااااااااااو وااااااااااااااااااااو من هلئ لبكرى كمان واااااااااااو
    نورت يا قلبي يا عمري يا حياتي شكراا
    يا جماعه انا بعتت الموضوع الصبح نورت نشرتو بنفس الثانيه لا نورت كتير هلئد
    ღღღღღღღღღღღღღღღღღღ
    ღN ღ A ღW ღ A ღ R ღ E ღT
    ღღღღღღღღღღღღღღღღღღ
    N ღ A ღW ღ A ღ R ღ E ღT
    ღღღღღღღღღღღღღღღღღღღ
    نورت انتي الاحلى وغيرك ما بيحلىღ
    الرأي والرأي الآخر oـO

  5.  هههههههه يخرب مطنك ياسوزي ضحكتني من قلبي….. موضوع كتير حلو خصوصا الأم: اه صحيح انت ليش ناديت عالولد يا زلمه ؟
    الأب :بتصدقي يا مره اني نسيت…. نساني شو كنت بدي منه هالكلب
    الاب : خلص روح ارجع على غرفتك يابا!

  6. محشش كان ماشي في شارع المحششين لقى طابور طويل فاستغرب وسأل آخر واحد في الطابور :انت واقف في الطابور دا ليه؟؟ قاللو : مش عارف انا شفت اللي قدامي واقف وقفت وراه . … … … … … فسأل اللي قدامه فجاوبه نفس الجواب ,وفضل يسأل ويسمع نفس الجواب لغاية ما وصل لأول واحد وسأله نفس السؤال قاله والله أنا كنت واقف اربط رباط جزمتي قامو وقفو ورايا . قالو : طيب لما ربطت جزمتك و خلصت ليه فضلت واقف ؟ قالو : انت مجنون عاوزني امشي بعد ما بقيت اول واحد في الطابور ………..

  7. هههه الواحد مو مخلص مع هيك اهل لا يعجبهم عجب ولا صيام برجب
    ______________
    هلق انا بعتت اوووووووووووول موضوع لنورت رح شوف اذا رح تعاملني بالمثل وتنشرو او رح تسكر الطريق بوجهي
    شكرا سوزي

  8. قال حوار عائلي قال .. حورن بو ملعون جاب اجلن ,, مو مشان شي بس ميمو ذكرني بموهبتي ههههههههههه

    أجل سوزي أؤيد ياهيك الحوارات المتحورة يا أما بلا ..ت ت ت

  9. وبهالمناسبة بهديكن أحدث الحوارات العائلية ابن ساعتو .. بس من ناحية التأليف بس ههههههههههه :::

    الاب : وين كنت ولا ؟
    الابن : طلعت اتمشى
    الاب : تطلع روحك الهي وتمشي مكـسر وبلا رجلين
    الام : كـسروا راسك ليش عم تدعي عالصبي
    الاب : يصبوا عليكي زيت حامي انتي وامك ان شالله
    الابن : ايه .. كلو لاني طلعت تمشيت ؟
    الام : انت خراس .. وخرٌاس يريحني منك الهي
    الابنة : خير شوفي بابا عيطتلي ؟
    الاب : تقوم عيطتك الهي ما انتي متل امك طرشا ما بتسمعي غير بعد ما انبح
    الام : اسمع خبرك الهي .. انا شو ضرب على قلبي واخدتك
    الاب : ياخدك عزرائيل ويريحني منك
    الابنة : طنشي ماما هلا بروق
    الام : برق يفتح راسك و راسو و يخلصني منكون
    الابن : صحيح سمعتوا هالخبرية ؟
    الام : بلهفة ( وهاي طبيعة الفضول بالنساء ) شو في شو في ؟؟؟؟
    الابن : وانا عم اتمشى لاقيت 500 ليرة
    الاب : عم تحكي جد ؟؟ آآخخخ منك يا ابني الغالي مرضي طالع لامك
    الام : يا عمري انت .. لك تكفني بدياتك .. حمششششش لبيك
    الابنة : خيي حبيبي سلمت عليك سوسو ^ـ*
    الام : تسلملي يا جوزي يا تاج راسي تشكل آسي يا حق
    الاب: لك تسملي فتلتك بأرض الديار متل كناري مدبوح لك تفتلي على قبري الهي
    الابن : وبتردد و خوف… اي وبدي كمل اني اشتريت فيها ووكمان ..!!
    الاب : .. هاااااااااا شووووووو لك تقبر امك شو لوح وراس طرش
    الام : الله لا يوفقك على هالخبرية لك حماااااااااااار .. (وتجقر الاب بنظرة وتكمل ):.. ابصررررر لمين طالع
    الابنة : بتقلك سوسو ازا بعد بتشوف خلقتك بدا تترفشك !!

    وتستمر الحكاية ……….
    منلتقي بالجزء القادم من حوار عائلي ^ـــــــــ^
    برعاية كارو ^_*

  10. برااااااااااااااااااااااااافوووووو كاروووووو يا سلام موهبتك بلغت الافاق .يلا روحي الهي تنشري مؤلفاتك في كل بقاع الارض وبكل اللغات(اذا ما تكتبيش اسمي في اهداء اول صفحة نسحب الدعوة ههههه)

  11. هههههههههههههههههه لبووووون .. تتبني موهبتي ؟ والك عليي ألفلك مسلسل بوليسي تكوني انتي الضحية ..يؤ .. قصدي البطلة فيه ههههههههههههههه
    شو قلتي ؟؟ ^ــ^

  12. هههههههههههههههههههه تضربي سوزي
    هههههههههههه كارو مهضومة
    الله يصبر هالولاد

  13. ههههه ايه يلا خلاص توقيعك على العقد يا بنتي ( مش قالوا التبني حرام يا كارو؟ ههههه القذافي معلش يلا احنا نتبنى والله يستر)

  14. يهضم أيامك nada ههههههههه هاي تماما متل يحلي ايامك ^ـ*
    شلونك خيتوو

    ههههههههه لبنى مدري ليش حسيت حالي مقطوعة من شجرة بعد كلامك *ـ*
    المهم قبلتي لو ما قبلتي كنت راح اطرقك قصيدة هجاء خليكي تلات تيام دايخة بعديها ههههههههه مدري ليش هالحكي بذكرني بمأمون ^ــ^

  15. ههههههه ناقصين دوخة يا كارو هاد كل وانا صديقتك الصدوقة يعني لو هجاء العدو كنتي خليتني شظايا متناثرة(شوفي رقي التعبير اللي عندي) رقي بمين يذكرك يا كارو ههههه

  16. هههههههههههه عجبتني هيدي يهضم ايامك كارو
    ريجيم مثلا 😛
    هاي لبنى كيفك؟

  17. هههههههههههههه عجبتني شظايا متناثرة ت ت ت
    بتذكرني بشغلة كتير بتضحك هههههههههههه يبعتلك الهنا يا إم الرٌُقي كلو .. أحلى لبونتي والله .. ع راسي حارتك ^ـــــ^

  18. اي nada هاد ريجيم من نوع تاني هههههههه
    ادعيلك الك ازا بدك تنحفي ؟؟! بس بخاف بعدين ما عاد نشوفك ههههههه ^ــ^

  19. ههههههه كارو اسكتي والا يطلع لنا رقي وافتخر ونتورط…شايفة اختك راجعة بقلب مخيط

  20. الحمدالله لبنى بخير
    ههههههههههههه كارو اي بدي اعمل ريجيم
    اذا فعال يلا باشري

  21. هههههههههه قال رقي وافتخر قال … يا خوفي .. يلا منستنى لتفكي الخياطة بالسلامة ههههههه
    طيب ندوش انتي جنيتي على حالك ^ــــــ^
    أمانة اللي عندو حدى بيكرهو ما يحمل تقلة بنوب بس يجيب اسمو وانا بجيب خبرو هههههههههه

  22. سلام صبايا كيفكم؟
    ألف مبروك سوزي لا تنسي تكتبي لزوجك قصيدة العيون الحولاء…
    هكذا المحاورة و لا بلاش هههههه
    شكرا لأحلى سوزي……..

  23. ههههههههههه سوزي يا مجنونه ..
    صار لي ساعه اقرأ على لاشئ ..
    مشكورة زعيمه ..

  24. هذا حوار في “دار السبيطار” اي في مستشفى الامراض العقلية ههههههه
    شكرا سوزي

  25. هههههههههههههههههه
    انها حقاً عائلة جنونة جداً.
    بس أول مرة أعرف انكم بتقولوا وله دى هههههههههههههه
    أحلى حوار عائلى شفته فى حياااااااتى.

  26. صباح الحب سوززي كيفك

    العمر انتهى واكتشفت انا مش انا

    حبيت حوار الام …………… شكراااا كثير

  27. ايه رند هيدا حوار عادي بيصير بكل بيت بس انا حبيت انقله لحتى حط النقط على الحروف لا اكثر ولا اقل

    وعجبي ..!!oـO !!

  28. واحد راح يخطب وحدة

    بوها قالو: ايا تفضل اشرب قهوة ؟!

    …قالو:لازم بعد سيجارة
    …قالو: وتتكيف ؟!

    قالو:وحدة برك مع الوسكي

    قالو: و تسكر؟!

    قالو:كي نكون نقمر برك

    قالو:من وقتاش؟

    قالو: من أول يوم خرجت من الحبس

    قالو:علاه دخلت الحبس؟

    قالو: قتلت واحد خطبت بنتو ورفض

    قالو:عالبركة نقراو الفاتحة

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *