مرسلة من صديقة نورت lanouch
1- ابو لسان حلو
أخونا بالله عنده مشكله , ما بعرف يحكي كلمتين ع بعض من دون ما يتغزل بالشخص اللي قدامه.. ان شاء الله البواب تبع العمارة !!! بتكون البنت ماشيه بأمر الله بالشارع.. بيصير يمشي وراها او يرمي كلام ع مسمعها.. على مبدأ ( الكلام الكي يا جارة …) وببلش : شو الحلاوه !! امشي ع رمشي !! اموت طخ بفرد ميه بلاستك !! دخيلو الازرق ( او اي لون بتكون البنت لابسته) !!! والله يعينها اذا اضطرت تتعامل معه .. بالجامعه او الشغل او حتى السوق او أي مكان ثاني … المسكينه بتسأل : يعطيك العافيه .. أوقية القهوة هاي بكم ؟ شوفو جوابه : يا هلا عزيزتي .. بدينار .. ولعيونك بنص.. ولا احكيلك خليها علينا يا وردة !!!!!!!! طبعاً البنت بتقرف القهوة .. وبتتطلع من المحل.. وبتصير تشرب زهورات من يوم وطالع !!!
2 – ابو البنات
هذا المسكين ثقته بنفسه تحت الصفر ، وعلشان يعالج هالمشكله ، بتلاقيه ما بمشي الا مع بنات.. وعين الله تحرسه وتحميه بتشوفه بالشارع ماشي مع سبع او ثمن بنات ونازلين ضحك وتنكيت سوا !!! وطبعاً دائماً هو بدفع الحساب !! والمواصلات !! وشحن التلفون للصبايا !! وعامل حاله كازانوفا زمانه.. حاط توم كروز بجيبة بنطلونه الصغيره.. وتعال افتح تلفونه.. بتلاقي كل الارقام لبنات (فيفي ، زوزو ،… الخ ) ومستحيل تلاقي اسم شب واحد !!!
3 – ياواد ياتقيل
يا ارض اشتدي ما عليكي قدي !!! هالأسد بكون ماشي بالشارع وحاس حاله طاير بالسما !! نافخ حاله بشكل مش طبيعي ( مع انه ما بيشيل حديد !!) ومفكر انه نص بنات الارض راكضين وراه.. وطبعاً هو ما بيمشي مع بنات.. كل اصحابه شباب !! اعوذ بالله شو يحكي مع بنت !!! ولا بسلم عليها من اساسه !!! لانه برأيه كل البنات معجبات فيه.. بتلاقيه بالشارع ماشي وبين عيونه الف وميه وهدعش (111) وبقضيها تطليعات ونظرات .. ومستحيل يضحك الا ما ندر !!!
4 – الجنتيل مان
وهو النوع المحبوب من كل اناث الارض .. بفتحلي باب السيارة .. وبوقفلي المصعد.. بحمل عني الاشياء الثقيله.. بوقفلي التكسي ..بقوم وبخليني اقعد مكانه بس اطلع بالباص وما يكون الي محل .. مستحيل يناديني الا انسه او مدام (حسب الحالة الاجتماعية) واذا طلبت منه شي برد حاضر ستي او ع راسي … ولكن هذه النوع اخذ بالانقراض .. واذا ضل منه بكون مظلوم … لانه البنت بتصير تشك انه هالشب شو بده ؟؟ وليه كثير مؤدب هيك ؟؟ وتحسباً بتبلش البيت تحلقله ع الناشف.. وتزحلقه.. فبروح هو يتحول لأحد الانواع السابقة !!!!
5 – النيرد
وهو شخص لا يملك ذكاء اجتماعي كافي للتخاطب مع الاخرين.. ويمتلك فقط نوعين من الذكاء ، الاكاديمي والمهني .. لا يعرف اصول التكلم مع الاناث.. واذا صار وحكت معه بنت.. تحصل اله الاعراض التاليه : التعرق، احمرار الوجه ، تحريك الايدين بشكل عشوائي، السرحان !!!! واللي بصدم بالموضوع انه البنات برتاحو يتعاملو معه .. لانهم بحسو بالامان تجاههم والثقه العمياء !!!!
((… بالنهايه.. بدي احكي انه اكيد ما رح اظلم الكل واعمم كل كل الشباب.. يعني في والله شباب محترمة و عاقله ومخها كبير وبتفهم وبيستوعب كل شي …))
طبعا رقم 5
والله شكلك رقم 6…..
3– ياواد ياتقيل
عندنا كثير منهم بالمجلة.
الله يريحنا منهم و ينقلعوا. هههه
أفضل هذا النوع.
4-الجنتيل مان
وهو النوع المحبوب من كل اناث الارض
ولكن هذه النوع اخذ بالانقراض
انا ولا واحد منهم
لكن قريب جدا من ال 4
شكرا .
لا تحلمو يا بنات الرقم 4 محدود جدا في المجتمعات العربية و احد واتنين منتشر كتيييير لايستحو على دمهم
شكرا لا نوش
ههههههه
موضوع كثير مهضوم….
زوجي رقم 4
عجبني النوع الغير مرقم في النهاية و الذي بين قوسين(في والله شباب محترمة عاقلة ومخها كبيروبتفهم وتستوعب كل شيء) حري ان يسعى كل الشباب ان يكونوا من هذا النوع
السلام عليكم أخ وهب …. كيفك ؟؟؟ أن شاء الله تكون أيامك خير….
وعليكم السلام ورحمة الله وبركاته يا اخت ام ادم كيف حالك
والله يا اخ وهب عم حاول كون منيحه … مع أني زعلانه من حالي لأن عندي امتحانات وعم ضيّع وقت على صفحات نورت بقراءه تعليقات بتسمم البدن والروح …….. لو روح أدرس بيكون أحسن الي … ولكل العرب … عنّا كثير جاهلين وعنصريين … واذا زادوا العرب شخص متعلم بيكون أحسن ما حاول أنفخ بقربه مقطوعه …..
شكرا كتير لتعليق وانشالله ما نكون سببيت احراج لاحد
شكرا” الك لانوش … موضوعك حلو كثير
انا كنت رقم ٤ ولكني تحولت الى الرجل الاخضر!هههههههههه
بانتضار اجوبة بقية الشباب 🙂 . تسلم اناملك لنوش, غيرتي لنا جو المشاحنات
زوجي رقم 4 لكن أول ما أكن إلى جانبه بقدرة قدر يتحول إلى رقم 3 أو5 hhhhh
ahla shi ra2em 4
w aktar shi byestafez ra2em 3lli msadda2 halo
wlli btekraho lbinet aktar shi houwe ra2m wahad lli byekzob w byehke nafs l hake ma3 kl l banet w mfakkar halo enno l benet hatsad2o enno deyib fiha
!!!wfi menno ktiiiiiiiiiir
شكرا الك ام ادم وام لجين شو معنى اسم لجين بصراحة هيك بتوقفى عند الاسم لانوا حلو وما فى من هل الاسم كتير ومرسى لاصدقاء كلون
كل الأنواع دي موجودة في نورت ولا فخـــر
إفتخري بروحك يا ماما نورت
أنا بئا ميعجبنيش النوع اللي يعرف نص بنات الأرض
أفضلهم واللي برتاحله هو النوع الأخير..لأنه طيب وبيخاف عليكي وعلي نياته واللي في قلبه علي لسانه زي حالاتي..مش بتاع لف ودوران ويوديكي البحر ويرجعك عطشانة زي باقي القائمة.
ميرسي lanouch دخيلوا الأزرق هههههههههههههه
بكل تواضع جنتل مان….!
هع
مش عارفين ايش اللي راح يعجب الحريم !!!!!!!!!
لاعاجبهن العجب ولاالصيام في رجب
شوية عوانس ما عندهن لاشغل ولامشغل
ليل ونهار نق نق نق نق قيل قال على الرجال في نورت
انا زوجي رقم 5 بجد
■lanouch في أيار 24, 2011 |
……………………
عندك خبرة قوية يا لانوش
يعتمد يا لانوش
إذا كان مع السكرتيره فأكيد راح أكون رقم 1
وإذا كانت صيده جديده فأكيد راح أكون رقم 4
وإذا كانت مع البيه البواب ( الزوجه ) راح أكون رقم 5
يعنى حسب الظروف كل ديناصوره ولها طعم خاص لها 😉
وعمرى ما كنت 1 أو 3 لانهم عكس شخصيتى بالمره ؟